କର୍ପୋରେଟ୍ରେ କାମ କରୁଥିବା କର୍ମଚାରୀମାନଙ୍କ ଜୀବନ ଚାକିରିରେ ହିଁ ସୀମିତ ଥାଏ। ସକାଳୁ ସଞ୍ଜ ଯାଏ କାମ କରିବା ତାଙ୍କ ଦୈନିକ ଜୀବନଚର୍ଯ୍ୟା ପାଲଟିଯାଏ। ହେଲେ ଦରମା ତାଙ୍କର ସୀମିତ ଥାଏ। ଏହି କ୍ରମରେ ଏକ ଏଭଳି ଭିଡିଓ ଭାଇରାଲ ହେଉଛି ଯାହାକୁ ଦେଖିବା ପରେ ଚାକିରି କରିଥିବା ପ୍ରତ୍ୟେକ ବ୍ୟକ୍ତି ଇର୍ଷା କରୁଛନ୍ତି। ଭିଡିଓଟି ଜଣେ ଷ୍ଟ୍ରିଟ୍ ଫୁଡ୍ ଦୋକାନୀଙ୍କର ହୋଇଥିବା ବେଳେ ସେ କର୍ପୋରେଟରେ କାମ କରୁଥିବା ବ୍ୟକ୍ତିଙ୍କର ମଜା ଉଡାଇଛନ୍ତି।
ଭିଡିଓ ଆରମ୍ଭରେ ଜଣେ ଷ୍ଟ୍ରିଟ୍ ଫୁଡ୍ ସେଲର୍ ନଜର ଆସୁଛନ୍ତି। ତାଙ୍କ ହାତରେ ବଟର୍ର ଖଣ୍ଡ ରହିଛି। ଏହାକୁ ଦେଖାଇ କର୍ପୋରେଟ୍ କର୍ମଚାରୀଙ୍କୁ ସେ କହୁଛନ୍ତି, ଦେଖନ୍ତୁ ସାର୍, ଏହା ଅମୁଲ ବଟର୍ ନା ଟିକେ ଦେଖନ୍ତୁ, ମୁଁ ଟିକେ କମ୍ ପଢ଼ିଛି ତ। ପରେ ସେ ମଜାରେ କୁହନ୍ତି-କମ୍ ପଢ଼ିଛି ବୋଲି ଅଧିକ ରୋଜଗାର କରୁଛି। ଯଦି ଅଧିକ ପଢ଼ିଥାନ୍ତି ତେବେ ୩୦-୪୦ ହଜାର ହିଁ ରୋଜଗାର କରିପାରିଥାନ୍ତି। ଏହି ସମୟରେ ସେ ତାତ୍ସଲ୍ୟ କରିବା ଢଙ୍ଗରେ ହସିଦେଉଛନ୍ତି।
ଭିଡିଓଟି ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଲୋକେ ନାନାଦି ପ୍ରକାର କମେଣ୍ଟ କରୁଛନ୍ତି। ଦୋକାନୀ କିଛି ଭୁଲ କହିନାହାନ୍ତି ବୋଲି ବ୍ୟବହାରକାରୀ କହୁଥିବା ବେଳେ କିଛି ତାଙ୍କୁ ଟ୍ରୋଲ ମଧ୍ୟ କରୁଛନ୍ତି। ଆପଣ ବି ଦେଖନ୍ତୁ ଭିଡିଓ:
