ଭଦ୍ରକ,୧୨।୧(ସନାତନ ରାଉତ): ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ଗୁରୁବାର ପାଟ୍ରୋଲିଂ ବେଳେ ୧୫.୬ ଗ୍ରାମ୍ ବ୍ରାଉନସୁଗାର ଜବତ କରିବା ସହ ୨ଜଣଙ୍କୁ ଗିରଫ କରିଛି। ପାଟ୍ରୋଲିଂ କରିବା ବେଳେ ଭଦ୍ରକ ଚରମ୍ପା ମାଷ୍ଟର କଲୋନୀ ବଉଳପୋଖରୀ ଠାରେ ୨ ଯୁବକ ବୁଲୁଥିବାର ଦେଖି ପୋଲିସର ସନ୍ଦେହ ସୃଷ୍ଟି ହୋଇଥିଲା।
ପୋଲିସ ସେମାନଙ୍କୁ ତଲାସୀ ପରେ ବ୍ରାଉନସୁଗାର ବାହାରିବାରୁ ଗିରଫ କରି ଥାନାକୁ ନେଇଥିଲା। ଗିରଫ ଦୁଇଜଣ ହେଲେ ପୁରୁଣାବଜାର ଥାନା ଅଧୀନ ଛଡ଼କମହଲାର ସେକ୍ ଇଫତେଖାର ଓ ସମ୍ବଲପୁର ଜିଲା ଧନୁପାଲି ଥାନା ଅଧୀନ ସୁନାପାଲିର ମହମ୍ମଦ ଇମ୍ରାନ ବୋଲି ଏସ୍ଡିପିଓ ସୌରଭ ଓତା ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି।
ଇଫତେଖାରଙ୍କଠାରୁ ୬.୩ ଗ୍ରାମ୍ ବ୍ରାଉନସୁଗାର ଓ ଇମ୍ରାନଙ୍କଠାରୁ ୯.୩ ଗ୍ରାମ୍ ବ୍ରାଉନସୁଗାର ସହ ଗୋଟିଏ ମୋବାଇଲ ଜବତ କରାଯାଇଛି। ଏନେଇ ମାମଲା (ନଂ.୧୮/୨୪) ରୁଜୁ କରାଯାଇ ଉଭୟଙ୍କୁ ଶୁକ୍ରବାର କୋର୍ଟ ଚାଲାଣ କରାଯାଇଛି। ଖବରଦାତା ସମ୍ମିଳନୀରେ ଥାନା ଧିକାରୀ ଅମିତାଭ ଦାଶ ଉପସ୍ଥିତ ଥିଲେ।
