ଲଣ୍ଡନ, ୧୧ା୯ (ଏପି)-ଚାରିଥର ଫର୍ମୁଲା ଓ୍ବାନ୍ ଚାମ୍ପିୟନ ସେବାଷ୍ଟିଆନ ଭେଟେଲ ରେସିଂ ପଏଣ୍ଟ ଟିମ୍ ସହ ଚୁକ୍ତି କରିଛନ୍ତି। ଟିମ୍ର ନାମ କିନ୍ତୁ ନିକଟରେ ବଦଳିଯିବ। ଏହା ଆଷ୍ଟନ ମାର୍ଟିନ ଭାବେ ପରିଚିତ ହେବ। ସର୍ଗିଓ ପେରେଜ ଟିମ୍ ଛାଡ଼ି ଚାଲିଯିବା ଲାଗି ନିଷ୍ପତ୍ତି ନେବାର ଦିନକ ପରେ ରେସିଂ ପଏଣ୍ଟ ତରଫରୁ ଏହି ଘୋଷଣା କରାଯାଇଛି। ଭେଟେଲ ୨୦୨୧ ସିଜନ ପାଇଁ ରେସ୍ କରିବେ ବୋଲି ଟିମ୍ ତରଫରୁ ସୂଚନା ଦିଆଯାଇଥିଲେ ମଧ୍ୟ ଏହି ଫୁର୍ମଲା ଓ୍ବାନ୍ ଡ୍ରାଇଭରଙ୍କ ସହ କେତେବର୍ଷ ପାଇଁ ଚୁକ୍ତି କରାଯାଇଛି ତାହା ସ୍ପଷ୍ଟ କରାଯାଇନାହିଁ। ସୂଚନାଯୋଗ୍ୟ, ଭେଟେଲ ହେଉଛନ୍ତି ଫର୍ମୁଲା ଓ୍ବାନର ଅନ୍ୟତମ ସଫଳତମ ଡ୍ରାଇଭର। ଚୁକ୍ତି ପାଇଁ ନବୀକରଣ ପାଇଁ ଅଫର ନ ମିଳିବାରୁ ଚଳିତ ସିଜନ ଶେଷରେ ସେ ଫେରାରି ଛାଡ଼ିବା ନିଶ୍ଚିତ ହୋଇଯାଇଥିଲା। ତାଙ୍କ ସ୍ଥାନରେ ଫେରାରି ତରଫରୁ ଆସନ୍ତାବର୍ଷ ମ୍ୟାକଲରେନ ଡ୍ରାଇଭର କାର୍ଲୋସ ସେଞ୍ଜ୍ ରେସ୍ରେ ଭାଗ ନେବେ। ା ଭେଟେଲ ତାଙ୍କ କ୍ୟାରିୟରରେ ୫୩ ଗ୍ରାଁ ପ୍ରି ରେସ୍ ଜିତିସାରିଛନ୍ତି। ତାଙ୍କଠାରୁ ଅଧିକ ରେସ୍ ଜିତିଥିବା ଦୁଇ ଜଣ ଡ୍ରାଇଭର ହେଲେ ମାଇକେଲ ସୁମାକର ଓ ଲୁଇସ୍ ହାମିଲଟନ। ୨୦୧୦ରୁ ୧୩ ପର୍ଯ୍ୟନ୍ତ ରେଡ୍ ବୁଲ୍ ତରଫରୁ କ୍ରମାଗତ ୪ଥର ଟାଇଟଲ ବିଜୟୀ ହୋଇଥିଲେ॥ ସେ ଅନ୍ୟ ଏକ ବିଜୟ ଲକ୍ଷ୍ୟରେ ୨୦୧୫ରେ ଫେରାରିରେ ଯୋଗ ଦେଇଥିଲେ। କିନ୍ତୁ ସେ ସ୍କଡେରିଆ କାର୍ରେ ମର୍ସିଢିଜ୍କୁ ଚ୍ୟାଲେଞ୍ଜ ଦେଇ ପାରି ନ ଥିଲେ। ତାଙ୍କୁ ନମ୍ବର ଓ୍ବାନ୍ ଷ୍ଟାଟସ ହରାଇବାକୁ ପଡ଼ିଥିବାବେଳେ ଟିମ୍ମେଟ୍ ଚାଲର୍ସ ଲେକ୍ରେକ୍ଙ୍କ ପ୍ରଦର୍ଶନ ତାଙ୍କ ତୁଳନାରେ ଅଧିକ ପ୍ରଭାବୀ ପରିଲକ୍ଷିତ ହୋଇଥିଲା।
