ଲୋଇସିଂହା,୨୦।୫(ସୁଶାନ୍ତ ବାରିକ):ବଲାଙ୍ଗୀର ଜିଲା ଲୋଇସିଂହା ବ୍ଲକ ବାଦିବାହାଲ ପଞ୍ଚାୟତ କଦଳୀପାଲି ଗ୍ରାମର ବସୁଧା ପ୍ରକଳ୍ପ ଗତ ଦୁଇମାସ ହେବ ଚାଲୁନାହିଁ। ବିଦ୍ୟୁତ ସମସ୍ୟା ଯୋଗୁ ପ୍ରକଳ୍ପ ବନ୍ଦ ରହିଥିବାରୁ ପିଇବା ପାଣି ପାଇଁ ଗ୍ରାମବାସୀ ହଟହଟା ହେଉଛନ୍ତି ା ଜନସ୍ବାସ୍ଥ୍ୟ ବିଭାଗ ଓ ବିଦ୍ୟୁତ ବିଭାଗକୁ ବାରମ୍ବାର ଜଣାଇଲା ପରେ କୌଣସି ପ୍ରତିକାର କରାଯାଉ ନ ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି।
ପ୍ରକାଶ ଯେ, ୧ ୱାର୍ଡ ବିଶିଷ୍ଟ କଦଳୀପାଲି ଗ୍ରାମର ଜନସଂଖ୍ୟା ୮୦୦ ହେବ ା କଦଳୀପାଲି ଆଦିବାସୀ ବହୁଳ ଓ କିଡ୍ନୀ ପ୍ରଭାବିତ ଗାଁ ା ଗ୍ରାମବାସୀଙ୍କୁ ସ୍ବଚ୍ଛ ପାନୀୟ ଜଳ ଯୋଗାଣ ପାଇଁ ସରକାରୀ ସ୍ତରରେ ଉଦ୍ୟମ ହୋଇଛି। କିନ୍ତୁ ପ୍ରଶାସନିକ ଅବହେଳାରୁ ବସୁଧା ପ୍ରକଳ୍ପ ଅନେକ ସମୟରେ ଅଚଳ ଅବସ୍ଥାରେ ରହୁଛି ା ବର୍ତ୍ତମାନ ସମୟରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଅନୁଭୂତ ହେଉଛି ା ଏପଟେ ଘରେ ଘରେ ପିଇିବା ପାଣି ଚାହିଦା ବୃଦ୍ଧି ପାଇଛି। ଏଭଳି ସ୍ଥଳେ ଗ୍ରାମର ବସୁଧା ପ୍ରକଳ୍ପ ବନ୍ଦ ରହିବାରୁ ପ୍ରଶାସନ ପକ୍ଷରୁ ବାରଣ କରାଯାଇଥିବା ନଳକୂପ ପାଣିକୁ ବାଧ୍ୟ ହୋଇ ବ୍ୟବହାର କରୁଥିବା ଗ୍ରାମବାସୀ କହିଛନ୍ତି ା ପ୍ରକଳ୍ପ ବନ୍ଦ ନେଇ ଜନସ୍ବାସ୍ଥ୍ୟ ବିଭାଗ ଯନ୍ତ୍ରୀଙ୍କୁ ଅବଗତ କରାଯାଇଥିଲେ ହେଁ ଆବଶ୍ୟକ ପଦକ୍ଷେପ ନିଆଯାଉ ନଥିବା ଗ୍ରାମବାସୀ ଅଭିଯୋଗ କରିଛନ୍ତି। ଏ ସଂକ୍ରାନ୍ତରେ ଜନସ୍ବାସ୍ଥ୍ୟ ବିଭାଗ ଯନ୍ତ୍ରୀ କହିଛନ୍ତି , ପ୍ରକଳ୍ପର ଥ୍ରୀ ଫେଜ୍ ବିଦ୍ୟୁତ୍ ସଂଯୋଗରେ ସମସ୍ୟା ରହିଛି। ସାଲେଭଟା ବିଦ୍ୟୁତ ବିଭାଗ ସେକ୍ସନ ଯନ୍ତ୍ରୀ ଓ ଲୋଇସିଂହା ସହକାରୀ ଯନ୍ତ୍ରୀଙ୍କୁ ଜଣାଇ ଦିଆଯାଇଛି। ବିଦ୍ୟୁତ୍ ବିଭାଗ ପଦକ୍ଷେପ ନେଉ ନଥିବାରୁ ପ୍ରକଳ୍ପ କାର୍ଯ୍ୟକ୍ଷମ ହୋଇ ପାରୁନାହିଁ ବୋଲି ଜନସ୍ବାସ୍ଥ୍ୟ ବିଭାଗ ଯନ୍ତ୍ରୀ କହିଛନ୍ତି। ଜନସ୍ବାସ୍ଥ୍ୟ ବିଭାଗ ଓ ବିଦ୍ୟୁତ ବିଭାଗ ମଧ୍ୟରେ ସମନ୍ବୟ ଅଭାବରୁ ୨ ମାସ ହେବ ପାନୀୟ ଜଳ ସମସ୍ୟା ଲାଗି ରହିଛି। ପୂର୍ବତନ ସରପଞ୍ଚ ହୃଦୟାନନ୍ଦ ବେହେରା ଯଥାଶୀଘ୍ର ବ୍ଲକ ଓ ଜିଲା ପ୍ରଶାସନ ପକ୍ଷରୁ ବିହିତ ପଦକ୍ଷେପ ନେବାକୁ ଦାବି କରିଛନ୍ତି ା
Dharitri – Odisha’s No.1 Odia Daily
