ନୂଆଦିଲ୍ଲୀ,୧।୬: IPL ୨୦୨୬ ବୈଭବ ସୂର୍ଯ୍ୟବଂଶୀଙ୍କ ପାଇଁ ଏକ ଉଲ୍ଲେଖନୀୟ ସିଜନ ଥିଲା। ସେ ଅନେକ ପୁରସ୍କାର ଜିତିଥିଲେ, ଯେଉଁଥିରେ ଅରେଞ୍ଜ କ୍ୟାପ ମଧ୍ୟ ଥିଲା, ଯାହା ତାଙ୍କୁ ଲକ୍ଷ ଲକ୍ଷ ଟଙ୍କା ରୋଜଗାର କରିଥିଲା। ସେ ଟାଟା ସିଏରା ମଧ୍ୟ ଜିତିଥିଲେ। ସେ ଫାଇନାଲ ପାଇଁ ଅହମ୍ମଦାବାଦରେ ଥିଲେ ଏବଂ ୧୫ ବର୍ଷୀୟ ଖେଳାଳି ICC ସଭାପତି ଜୟ ଶାହାଙ୍କ ସହିତ ମ୍ୟାଚ ଦେଖୁଥିଲେ। ସମ୍ଭବତଃ ତାଙ୍କର IPL ମୂଲ୍ୟ ଆସନ୍ତା ବର୍ଷ ବୃଦ୍ଧି ପାଇବ। ତାଙ୍କୁ ୨୦୨୫ରେ ରାଜସ୍ଥାନ ରୟାଲ୍ସ ୧ କୋଟି ୧୦ ଲକ୍ଷରେ କିଣିଥିଲା। ୨୦୨୬ ରେ ତାଙ୍କର ସମାନ ମୂଲ୍ୟ ଥିଲା, କିନ୍ତୁ ଏହି ସିଜନରେ ତାଙ୍କର ରୋଜଗାର ୩.୧୦ କୋଟିରେ ପହଞ୍ଚିଯାଇଛି।
ବୈଭବ ସୂର୍ଯ୍ୟବଂଶୀ IPL ୨୦୨୬ରେ ଅନେକ ରେକର୍ଡ ସ୍ଥାପନ କରିଥିଲେ, ଯାହା ମଧ୍ୟରୁ ସବୁଠାରୁ ଉଲ୍ଲେଖନୀୟ ଥିଲା ଗୋଟିଏ ସିଜନରେ ସର୍ବାଧିକ ଛକା ମାରିବା। ସେ କ୍ରିସ ଗେଲଙ୍କ ୧୪ ବର୍ଷର ପୁରୁଣା ରେକର୍ଡ ଭାଙ୍ଗିଥିଲେ। ୨୦୧୨ରେ ଗେଲ ୫୯ ଛକା ମାରିଥିଲେ, ଯେତେବେଳେ ବୈଭବ ଏହି ସିଜନରେ ମୋଟ ୭୨ ଛକା ମାରିଥିଲେ। ଫଳରେ ସେ ଅରେଞ୍ଜ କ୍ୟାପ ପୁରସ୍କାର ଜିତିଥିବା ସବୁଠାରୁ କମ ବୟସ୍କ ଖେଳାଳି ମଧ୍ୟ ହୋଇଯାଇଛନ୍ତି। ଯାହା ପୂର୍ବରୁ ସାଇ ସୁଦର୍ଶନଙ୍କ ନାମରେ ଥିଲା।
ବୈଭବ ସୂର୍ଯ୍ୟବଂଶୀ ଅରେଞ୍ଜ କ୍ୟାପ,ଏମରଜିଙ୍ଗ୍ ଫେ୍ଲୟର ଅଫ ଦ ସିଜିନ, ମୋଷ୍ଟ ଭାଲ୍ୟୁଏବଲ ଫେ୍ଲୟର ଅଫ ଦ ସିଜିନ , ସର୍ବାଧିକ ଛକା ଏବଂ ସିଜିନର ସୁପର ଷ୍ଟ୍ରାଇକର ମଧ୍ୟ ଜିତିଥିଲେ। ଏହି ପୁରସ୍କାର ପାଇଁ ତାଙ୍କୁ ଲକ୍ଷ ଲକ୍ଷ ଟଙ୍କା ପୁରସ୍କାର ମିଳିଛି।
ବୈଭବଙ୍କୁ ରାଜସ୍ଥାନ ରୟାଲ୍ସ ୧ କୋଟି ୧୦ ଲକ୍ଷରେ ରିଟେନ କରିଥିଲା। ସେ RR ଠାରୁ ପ୍ରତି ମ୍ୟାଚ ପାଇଁ ୭.୫ ଲକ୍ଷ ପାଇଥିଲେ। ରିପୋର୍ଟ ଅନୁଯାୟୀ ସେ ଉଭୟ ପ୍ଲେଅଫ ଖେଳିବା ପାଇଁ ଅତିରିକ୍ତ ୧୫ ଲକ୍ଷ ମ୍ୟାଚ ଫିସ ପାଇଥିଲେ।
ଅରେଞ୍ଜ କ୍ୟାପ ଜିତିବା ପାଇଁ ସେ ୧୦ ଲକ୍ଷର ଚେକ ପାଇଥିଲେ। ତାଙ୍କୁ ସବୁଠାରୁ ମୂଲ୍ୟବାନ ଖେଳାଳି ଭାବରେ ବିବେଚିତ ହେବା ପାଇଁ ୧୫ଲକ୍ଷ, IPL ୨୦୨୬ ରେ ସର୍ବାଧିକ ଛକା ମାରିବା ପାଇଁ ସେ ୧୦ ଲକ୍ଷ, ସିଜିନର ଉଦୀୟମାନ ଖେଳାଳି ଭାବରେ ବିବେଚିତ ହେବା ପାଇଁ ୧୦ ଲକ୍ଷ ମଧ୍ୟ ପାଇଥିଲେ।
