ନୂଆଦିଲ୍ଲୀ,୨୭ା୭: ଉତ୍ତରପ୍ରଦେଶର ରାଜନୈତିକ ସଙ୍କଟ ବର୍ତ୍ତମାନ ରାଜ୍ୟ ସୀମା ଅତିକ୍ରମ କରି ରାଜଧାନୀ ଦିଲ୍ଲୀରେ ପହଞ୍ଚିଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଦୁଇ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏବଂ ବ୍ରଜେଶ ପାଠକଙ୍କ ମଧ୍ୟରେ କଳି ଦାଣ୍ଡରେ ପଡ଼ି ହାଟରେ ଗଡ଼ିଲାଣି। ଏହା ଉପରେ ଦଳର ହାଇକମାଣ୍ଡ୍ ହସ୍ତକ୍ଷେପ କରିଛନ୍ତି। ହାଇକମାଣ୍ଡ ୟୁପି ଡ୍ରାମାକୁ ନେଇ ପାର୍ଟିର ଅସନ୍ତୋଷ ବ୍ୟକ୍ତ କରି ଅନୁଶାସନହୀନ ବୋଲି କହିଛନ୍ତି। ବର୍ତ୍ତମାନ ଦିଲ୍ଲୀର ହସ୍ତକ୍ଷେପ ପରେ ୟୁପିର ରାଜନୈତିକ ଦ୍ୱନ୍ଦ୍ୱ କେତେ ଦୂର ହେବ ତାହା ପରେ ଜଣାପଡ଼ିବ, କିନ୍ତୁ ଏହି ଅଶାନ୍ତି ହେତୁ ଉତ୍ତରପ୍ରଦେଶ ଭାଜପାର ସହଯୋଗୀମାନେ ମଧ୍ୟ ସ୍ବର ଉତ୍ତୋଳନ କରିବାର ସୁଯୋଗ ପାଇଛନ୍ତି।
ଭାଜପାର ଅନ୍ତର୍ଦ୍ୱନ୍ଦ୍ୱ ବିବାଦକୁ ଏକ ସୁଯୋଗ ଭାବରେ ଗ୍ରହଣ କରି ବର୍ତ୍ତମାନ ଏନ୍ଡିଏର ସହଯୋଗୀମାନେ ସରକାର ଏବଂ ସରକାରରେ ବସିଥିବା ଭାଜପାର ହାତ ମଧ୍ୟ ଭାଙ୍ଗିପାରିବେ। ସେ ଅନେକ ଥର ନିଜର କଠୋର ମନୋଭାବ ପ୍ରଦର୍ଶନ କରିଆସୁଛନ୍ତି। ଏହି କନ୍ଦଳ ସମୟରେ ଭାଜପାକୁ ଦୃଷ୍ଟିରେ ରଖି ସହଯୋଗୀମାନଙ୍କ ମଧ୍ୟରେ ପ୍ରଥମ ନାମ ହେଉଛି କେନ୍ଦ୍ର ମନ୍ତ୍ରୀ ତଥା ଅପନା ଦଳ ନେତା ଅନୁପ୍ରିୟା ପଟେଲଙ୍କ ନାମ। ଯିଏ ସାକ୍ଷାତକାର ନିଯୁକ୍ତିରେ ଓବିସି, ଏସ୍ସି-ଏସ୍ଟି ଛାତ୍ର ଚୟନ ନ କରିବା ଉପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଏକ ଚିଠି ଲେଖିଥିଲେ।
ସହଯୋଗୀମାନଙ୍କ ତାଲିକାରେ ଯେଉଁମାନେ ଆଖି ଦେଖାଇଛନ୍ତି, ସେ ହେଲେ ଯୋଗୀ ସରକାରଙ୍କ କ୍ୟାବିନେଟ ମନ୍ତ୍ରୀ ସଞ୍ଜୟ ନିଷାଦ। ସେ ଅନେକ ଥର ଭାଜପାକୁ କଡ଼ା କଥା କହିଛନ୍ତି। ଯୋଗୀ ଆଦିତ୍ୟନାଥଙ୍କ ବୁଲ୍ଡୋଜର ନୀତିକୁ ବିରୋଧ କରିବା ସହ ମୁଖିଆଙ୍କ ମନଇଚ୍ଛା କାର୍ଯ୍ୟଙ୍କୁ ବିରୋଧ କରିଥାନ୍ତି। ସଞ୍ଜୟ ଅନେକ ଥର ଖୋଲାଖୋଲି ଭାବେ ଆଗକୁ ଆସୁଛନ୍ତି ଏବଂ ତାଙ୍କ ସହକର୍ମୀଙ୍କ ହାତଗୋଡ଼ ସତେ ଯେମିତି ବାନ୍ଧି ଦେଇଛନ୍ତି। ଏସବୁ କି ନେଇ ଉତ୍ତରପ୍ରଦେଶରେ ଦ୍ୱନ୍ଦ୍ୱ ବଢ଼ିବାରେ ଲାଗିଛି।
