ନୂଆଦିଲ୍ଲୀ,୨୬।୮: ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ସ୍ପେଶାଲ ଡ୍ୟୁଟି ଅଫିସର(ଓଏସଡି) ମୋତିଲାଲ ସିଂଙ୍କ ଏକ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଛି। ବସ୍ତି ଜିଲା ଖଝୌଲାରେ ଏକ ପଶୁକୁ ବଞ୍ଚାଇବାବେଳେ ମୋତିଲାଲଙ୍କ ସହ ଏହି ଦୁର୍ଘଟଣା ଘଟିଛି। ଏହି ସଡକ ଦୁର୍ଘଟଣାରେ ଓଏସଡିଙ୍କ ମୃତ୍ୟୁ ସହିତ ତାଙ୍କ ସ୍ତ୍ରୀ ଏବଂ ଡ୍ରାଇଭର ମଧ୍ୟ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଗୋରଖନାଥ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ଅନୁଯାୟୀ, ଓଏସଡି ଗୁରୁବାର ବିଳମ୍ବିତ ରାତିରେ ଗୋରଖପୁରରୁ ଲକ୍ଷ୍ନୌକୁ ଯାଉଥିଲେ। ଏନ୍ଏଚ୍-୨୮ରେ ଏକ ପଶୁ ଗାଡି ଆଗକୁ ଚାଲିଆସିବାରୁ ତାକୁ ବଞ୍ଚାଇବା ପାଇଁ ଓଏସଡିଙ୍କୁ ନେଇ ଯାଉଥିବା ସ୍କର୍ପିଓଟି ନିୟନ୍ତ୍ରଣ ହରାଇ ଗଛରେ ପିଟି ହୋଇଯାଇଥିଲା।
ଏଥି ସହ ସଡକ ଦୁର୍ଘଟଣାରେ ପ୍ରାଣ ହରାଇଥିବା ଓଏସଡି ମୋତିଲାଲ ସିଂଙ୍କ ମୃତ୍ୟୁକୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସମବେଦନା ଜଣାଇଛନ୍ତି।
