ମୁମ୍ବାଇ: ନିକଟରେ ମୁମ୍ବାଇ- ଗୋଆ ବିମାନ ଯାତ୍ରା ସମୟରେ ଅଭିନେତ୍ରୀ ଉର୍ଫି ଜାଭେଦ ଅସଦାଚରଣର ଶିକାର ହୋଇଥିବା ସେ ଏକ ପୋଷ୍ଟ ଜରିଆରେ ଜଣାଇଛନ୍ତି। ଉର୍ଫି ଇକୋନୋମି କ୍ଲାସ୍ରେ ଯାତ୍ରା କରୁଥିବାବେଳେ ସେଠାରେ ଏକ ନିଶାସକ୍ତ ଗ୍ରୁପ୍ ତାଙ୍କୁ ଅସଦାଚରଣ କରିଥିଲେ। ସେଠାରେ ସେମାନେ ତାଙ୍କ ନଁା ନେଇ ମଜା କରିବା ସହ ଅନେକ ଖରାପ ଭାଷାରେ କଥା ମଧ୍ୟ ହେଉଥିଲେ। ଏଥିରେ ଉର୍ଫି ସେମାନଙ୍କୁ ବିରୋଧ କରିଥିଲେ। ନିଶାରେ ଥିବା ବ୍ୟକ୍ତି ମହିଳାଙ୍କୁ ଅସଦାଚରଣ କରିପାରିବ ଏହା ଭୁଲ। ସେ ପବ୍ଲିକ ଫିଗର ହୋଇଥାଇପାରନ୍ତି, କିନ୍ତୁ ପବ୍ଲିକ ପ୍ରପର୍ଟି ନୁହେଁ ବୋଲି ଉର୍ଫି କହିଥିଲେ। ଏନେଇ ସେ ଏକ ଭିଡିଓ ମଧ୍ୟ ଶେୟାର କରି ଏଭଳି କାଣ୍ଡ ବିଷୟରେ ଜଣାଇଛନ୍ତି। ତାଙ୍କର ଏହି ପୋଷ୍ଟରେ ଅନେକେ ତାଙ୍କୁ ସପୋର୍ଟ କରିଥିବା ଦେଖିବାକୁ ମିଳିଛି। ସେ ପ୍ରଥମ କରି ୨୦୧୬ରେ ଟେଲିଭିଜନ ଶୋ’ ‘ବଡ଼େ ଭୟାକି ଦୁଲ୍ହନିୟା’ରେ ଅଭିନୟ କ୍ୟାରିୟର ଆରମ୍ଭ କରିଥିଲେ। ପରେ ଅନେକ ଶୋ’ ‘ମେରି ଦୁର୍ଗା’, ‘ବେପହ୍ନା’, ‘ସାଥ ଫେରୋ କି ହେରା ଫେରି’, ‘ଜିଜି ମା’, ‘ଡାୟନ’, ‘କସୋଟି ଜିନ୍ଦେଗି କି’, ‘ଏ ମେରେ ହମସଫର’, ‘ବିଗ୍ବସ୍ ସିଜନ୍-୧’, ‘ପଞ୍ଚ ବିଟ୍’, ‘ଏମ୍ଟିଭି ସ୍ପିଲ୍ଟସ ଭିଲ୍ଲା ସିଜନ୍-୧୪’ରେ ନଜରକୁ ଆସିଥିଲେ।
