ନୂଆଦିଲ୍ଲୀ,୧୯ ।୭: କାଉଡିଆ ଯାତ୍ରାକୁ ନେଇ ଉତ୍ତର ପ୍ରଦେଶ ସରକାର ସୁପ୍ରିମକୋର୍ଟରେ ନିଜର ଜବାବ ଦାଖଲ କରିଦେଇଛନ୍ତି । ୟୁପି ସରକାର କହିଛନ୍ତି ଚଳିତ ବର୍ଷ କାଉଡିଆ ଯାତ୍ରା ହେବ ନାହିଁ । ୟୁପି ସରକାରଙ୍କ ଓକିଲ ବୈଦନାଥନ କୋର୍ଟରେ ଶୁଣାଣି ସମୟରେ କହିଛନ୍ତି ସମସ୍ତ କାଉଡିଆ ସଂଘ ଯାତ୍ରା ସ୍ଥଗିତ ରଖିବାକୁ ପ୍ରସ୍ତୁତ ଅଛନ୍ତି । ସେଥିପାଇଁ ଚଳିତ ବର୍ଷ କାଉଡିଆ ଯାତ୍ରା ହେବ ନାହିଁ । ଓକିଲ ବୈଦନାଥନ କହିଛନ୍ତି କୋର୍ଟଙ୍କ ନିର୍ଦ୍ଦେଶ ପରେ ସରକାର ଏକ ବୈଠକ ଡକାଇଥିଲେ । ଏଥିରେ ସବୁ କାଉଡିଆ ସଂଘ ଯାତ୍ରା ନ କରିବାକୁ ରାଜି ହୋଇଥିଲେ । ଫଳରେ ଚଳିତ ବର୍ଷ କାଉଡିଆ ଯାତ୍ରାକୁ ବନ୍ଦ କରାଗଲା । ସୂଚନାଯୋଗ୍ୟ, ଚଳିତ ବର୍ଷ ଉତ୍ତର ପ୍ରଦେଶରେ କାଉଡିଆ ଯାତ୍ରାକୁ ବନ୍ଦ କରାଗଲା । ମୁଖ୍ୟ ସଚିବ(ସୂଚନା) ନବନୀତ ସହଗଲ ଶନିବାର ଏହି ସୂଚନା ଦେଇଥିଲେ । ସେ କହିଥିଲେ ରାଜ୍ୟ ସରକାରଙ୍କ ଅନୁରୋଧ ପରେ କାଉଡିଆ ସଂଘ ଯାତ୍ରା ନ କରିବାକୁ ରାଜି ହୋଇ ଯାଇଥିଲେ । ଫଳରେ ଚଳିତ ବର୍ଷ କାଉଡିଆ ଯାତ୍ରା ବନ୍ଦ ହୋଇଗଲା । ୨୫ ଜୁଲାଇରୁ ଶ୍ରାବଣ ମାସ ଆରମ୍ଭ ହେଉଥିବାରୁ ସେହିଦିନ କାଉଡିଆ ଯାତ୍ରା ଆରମ୍ଭ ହୋଇଥାଆନ୍ତା ।
