ନୂଆଦିଲ୍ଲୀ,୧୮ା୧୧: ଏକ ବଡ଼ ନିଷ୍ପତ୍ତି କ୍ରମେ ଶନିବାର ଉତ୍ତରପ୍ରଦେଶ ସରକାର ରାଜ୍ୟରେ ହଲାଲ ଟ୍ୟାଗ ଖାଦ୍ୟ ସାମଗ୍ରୀ ଉପରେ ପ୍ରତିବନ୍ଧକ ଲଗାଇଛନ୍ତି। ଖାଦ୍ୟ ଉତ୍ପାଦନ କମିଶନଙ୍କ କାର୍ଯ୍ୟାଳୟ ଏକ ଆଦେଶରେ କହିଛନ୍ତି, “ତୁରନ୍ତ ପ୍ରଭାବ ସହିତ ଉତ୍ପାଦଗୁଡ଼ିକର ଉତ୍ପାଦନ, ସଂରକ୍ଷଣ, ବଣ୍ଟନ ଏବଂ ବିକ୍ରୟ ଉପରେ ପ୍ରତିବନ୍ଧକ ଲଗାଯାଇଛି। ରପ୍ତାନି ପାଇଁ ଉଦ୍ଦିଷ୍ଟ ଖାଦ୍ୟ ସାମଗ୍ରୀ ପ୍ରତିବନ୍ଧକରୁ ମୁକ୍ତ ବୋଲି ଏଥିରେ କୁହାଯାଇଛି।”
ଖାଦ୍ୟ ପଦାର୍ଥର ହାଲ୍ ସାର୍ଟିଫିକେଟ୍ ହେଉଛି ଏକ ସମାନ୍ତରାଳ ପ୍ରଣାଳୀ ଯାହା ଖାଦ୍ୟ ସାମଗ୍ରୀର ଗୁଣବତ୍ତାକୁ ନେଇ ଦ୍ୱନ୍ଦ୍ୱ ସୃଷ୍ଟି କରେ ଏବଂ ଖାଦ୍ୟ ଆଇନ ଖାଦ୍ୟ ସୁରକ୍ଷା ଏବଂ ମାନକ ଅଧିନିୟମର ଧାରା ୮୯ ଅନୁଯାୟୀ ତାହା କାର୍ୟ୍ୟକ୍ଷମ ନୁହେଁ ବୋଲି ଆଦେଶରେ କୁହାଯାଇଛି। ଖାଦ୍ୟ ସାମଗ୍ରୀର ଗୁଣବତ୍ତା ନିର୍ଣ୍ଣୟ କରିବାର ଅଧିକାର କେବଳ ଉକ୍ତ ଆଇନର ଧାରା ୨୯ ରେ ଦିଆଯାଇଥିବା କର୍ତ୍ତୃପକ୍ଷ ଏବଂ ଅନୁଷ୍ଠାନମାନଙ୍କ ଉପରେ ନିର୍ଭର କରେ, ଯେଉଁମାନେ ଆଇନର ଧାରା ଅନୁଯାୟୀ ସମ୍ପୃକ୍ତ ମାନଦଣ୍ଡ ଯାଞ୍ଚ କରନ୍ତି ବୋଲି ସେ କହିଛନ୍ତି।
“ଜାଲ୍” ହଲାଲ ସାର୍ଟିଫିକେଟ୍ ପ୍ରଦାନ କରି ବିକ୍ରୟ ବୃଦ୍ଧି ପାଇଁ “ଲୋକଙ୍କ ଧାର୍ମିକ ଭାବନାକୁ ଶୋଷଣ” ଅଭିଯୋଗରେ ଏକ କମ୍ପାନୀ ଏବଂ ଅନ୍ୟ କେତେକ ସଂଗଠନ ବିରୋଧରେ ପୋଲିସ୍ ମାମଲା ଦାୟର ହେବା ପରେ ଏହି ପଦକ୍ଷେପ ନିଆଯାଇଛି।
