ଅଘୋଷିତ ବିଜୁଳି କାଟ୍‌ ବଢୁଛି

ରସୁଲପୁର,୧୨ା୬(ଡି.ଏନ.ଏ.): ଯାଜପୁର ଜିଲା କୁଆଖିଆ ବିଦ୍ୟୁତ୍‌ ଖଣ୍ଡ ଅଧୀନରେ ଅଘୋଷିତ ବିଜୁଳି କାଟ୍‌ ବଢ଼ିଥିବା ଅଭିଯୋଗ ହେଉଛି। ବାରମ୍ବାର ବିଜୁଳି କାଟ୍‌ ଯୋଗୁ ଅସହ୍ୟ ଗରମଗୁଳୁଗୁଳିରେ ଉପଭୋକ୍ତା ଛଟପଟ ହେଉଛନ୍ତି। ଶକ୍ତିମନ୍ତ୍ରୀ ପ୍ରତାପ କେଶରୀ ଦେବ ରସୁଲପୁର ବ୍ଲକ ଅଞ୍ଚଳ ଗସ୍ତ କରିବା ପରେ ବିଜୁଳି କାଟ୍‌ ମାତ୍ର ବଢ଼ିଛି ବୋଲି ଉପଭୋକ୍ତା କମିଟିଗୁଡ଼ିକ ଅଭିଯୋଗ କରିଛନ୍ତି।
ମନ୍ତ୍ରୀଙ୍କ ବୟାନ ବିଦ୍ୟୁତ୍‌ ବିଭାଗର ତ୍ରୁଟି ବିଚ୍ୟୁତିକୁ ଘୋଡ଼ାଇବା ପାଇଁ ଢାଲ ସାଜୁଛି। ସେଥିପାଇଁ ତାଙ୍କ ଗସ୍ତ ପରେ କୁଆଖିଆ ବିଦ୍ୟୁତ୍‌ ଖଣ୍ଡ ଅଞ୍ଚଳରେ ବିଜୁଳି କାଟ ମାତ୍ର ବଢ଼ିଯାଇଛି ବୋଲି ଗ୍ରାମାଞ୍ଚଳ ବିଦ୍ୟୁତ୍‌ ଉପଭୋକ୍ତା ମଞ୍ଚ ସଭାପତି ନାରାୟଣ ଜେନା ଅଭିଯୋଗ କରିଛନ୍ତି। ତେବେ ଏ ଦିଗରେ ବିଦ୍ୟୁତ୍‌ ବିଭାଗ ସହ ଯୋଗାଯୋଗ କରିବାରୁ ସେମାନଙ୍କଠାରୁ ଭିନ୍ନ ପ୍ରତିକ୍ରିୟା ମିଳିଛି। ବିଜୁଳି କାଟ୍‌କୁ ନେଇ କେତେବେଳେ ୩୩ କେ.ଭି. ଲାଇନ ଉପରେ ଦୋଷ ଦିଆଯାଉଛି ତ ଆଉ କତେବେଳେ ଲାଇନ ଟ୍ରିପ କରିଯାଉଥିବା ଆଳ ଦେଖାଯାଉଛି। ବାରମ୍ବାର ବିଜୁଳି କାଟ୍‌ ପଛରେ ବିଭାଗୀୟ ଅଭିସନ୍ଧି ରହୁଛି ବୋଲି ଅଭିଯୋଗ ହେଉଛି ମଧ୍ୟ। କମ୍‌ ବିଜୁଳି ବିନିଯୋଗ କରି ଉପଭୋକ୍ତାଙ୍କ ଉପରେ ଅଧିକ ୟୁନିଟ୍‌ ଚାପ ପକାଇବା ପାଇଁ ବାରମ୍ବାର ବିଜୁଳି କାଟ ଏକ ମନୁଷ୍ୟକୃତ ତ୍ରୁଟି ବୋଲି ବିଦ୍ୟୁତ୍‌ ଉପୋଭକ୍ତା କମିଟି କାର୍ଯ୍ୟକର୍ତ୍ତା ଅଭିଯୋଗ କରିଛନ୍ତି। ଯଦିଓ ଏହିଭଳି ଅଭିଯୋଗକୁ ବିଭାଗୀୟ ଅଧିକାରୀମାନେ ଖଣ୍ଡନ କରୁଛନ୍ତି, ହେଲେ ବିଭାଗୀୟ ଅଧିକାରୀଙ୍କ ସଫେଇ ଉପଭୋକ୍ତା କମିଟି କାର୍ଯ୍ୟକର୍ତ୍ତାଙ୍କ ମନକୁ ବୁଝାଇବାରେ ବିଫଳ ହେଉଛି।
ସୂଚନା ମୁତାବକ, ଗତ ଗୁରୁବାର କୁଆଖିଆ ବିଦ୍ୟୁତ୍‌ ଖଣ୍ଡ ଅଧୀନ ବ୍ରହ୍ମବରଦା ସେକ୍ସନରେ ୩୩/୧୧କେ.ଭିର ଏକ ବିଦ୍ୟୁତ ଷ୍ଟ୍ରକଚର ଉଦ୍‌ଘାଟନ କରାଯାଇଛି। ଶକ୍ତିମନ୍ତ୍ରୀ ମୁଖ୍ୟ ଅତିଥି ଭାବେ ଯୋଗଦେଇ ଏହାର ଉଦ୍‌ଘାଟନ କରିଥିଲେ। ପରେ ସେ ବ୍ରହ୍ମବରଦା କଲେଜରେ ଆୟୋଜିତ ଏକ ସଭାରେ କହିଥିଲେ, ଲୋକଙ୍କ ବିଜୁଳି ଆବଶ୍ୟକତା ବହୁଗୁଣ ବଢ଼ିଯାଇଛି। ପୁରୁଣା ଭିତ୍ତିଭୂମି ଉପରେ ଅଧିକ ଲୋଡ୍‌ ପଡୁଥିବାରୁ ଲାଇନ ଟ୍ରିପ ହୋଇ ବିଜୁଳି ସରବାରହରେ ବାଧା ଉପୁଜୁଛି। ଏହାକୁ ବିଜୁଳି କାଟ୍‌ ବୋଲି କୁହାଯାଇ ପାରିବନାହିଁ। ସେ ଏକ ତୁଳନାତ୍ମକ ଚିତ୍ର ଦେଇ କହିଥିଲେ, ୨୦୧୬ରେ ରାଜ୍ୟରେ ୧୬ଲକ୍ଷ ବିଦ୍ୟୁତ୍‌ ଉପଭୋକ୍ତା ଥିଲେ। ଏବେ ସେହି ସଂଖ୍ୟା ୧ କୋଟିରୁ ଊର୍ଦ୍ଧ୍ୱକୁ ବଢ଼ିଯାଇଛି। ପୂର୍ବ ଅପେକ୍ଷା ବିଜୁଳି ଆବଶ୍ୟକତା ବହୁ ଅଧିକ ରହୁଛି। ଓଭର ଲୋଡିଂ ଯୋଗୁ ବିଜୁଳି କଟିଯାଉଛି। ଏହାକୁ ବିଜୁଳି କାଟ୍‌ କୁହାଯିବ ନାହିଁ ବୋଲି ମନ୍ତ୍ରୀ ସଫେଇ ଦେଇଥିଲେ। ମନ୍ତ୍ରୀଙ୍କ ଏଭଳି ବିବୃତି ବିଦ୍ୟୁତ୍‌ ବିଭାଗକୁ ଗୋଳିଆ ପାଣି ଶୁହାଇଲା ଭଳିମନେ ହେଉଛି। ମନ୍ତ୍ରୀଙ୍କ ବିବୃତିକୁ ନେଇ ଗ୍ରାମାଞ୍ଚଳ ବିଦ୍ୟୁତ୍‌ ଉପୋଭକ୍ତା ମଞ୍ଚ ସଭାପତି ଜେନା ଆପତ୍ତି ଉଠାଇଛନ୍ତି। ସେ କହିଛନ୍ତି, ବିଜୁଳି ସରବରାହ ଅନୁସାରେ ଆବଶ୍ୟକ ସୁଦୃଢ଼ ଭିତ୍ତିଭୂମି ଅସଜଡ଼ା ରହିଛି ବୋଲି ସରକାର ସ୍ବୀକାର କରୁଛନ୍ତି। ୧ ଏପ୍ରିଲ, ୨୦୨୧ରେ ରାଜ୍ୟ ସରକାର ଟାଟା ପାୱାରକୁ ବିଦ୍ୟୁତ୍‌ ବିତରଣ ଓ ଶୁଳ୍କ ଆଦାୟ ଦାୟିତ୍ୱ ହସ୍ତାନ୍ତର କରିଛନ୍ତି। କମ୍ପାନୀ ପକ୍ଷରୁ ବିଦ୍ୟୁତ୍‌ ଭିତ୍ତିଭୂମି ସଜାଡ଼ିବାରେ କମ୍‌ ଗୁରୁତ୍ୱ ଦିଆଯାଇ ବକେୟା ଆଦାୟ ଆଳରେ ଗ୍ରାହକଙ୍କୁ ଶୋଷଣ କରାଯାଉଛି। ଏହାରି ଭିତରେ ୨ବର୍ଷରୁ ଊର୍ଦ୍ଧ୍ୱ କାଳ ଅତିବାହିତ ହୋଇସାରିଲାଣି। କମ୍ପାନୀ ପକ୍ଷରୁ ଗ୍ରାହକଙ୍କଠାରୁ କେତେ ଟଙ୍କା ଆଦାୟ କଲେଣି ଓ ଆଦାୟ ଅର୍ଥରୁ କେତେ ଉପଭୋକ୍ତାଙ୍କ ହିତରେ ଖର୍ଚ୍ଚ କଲେଣି ତା’ର ହିସାବ ସରକାର ଦିଅନ୍ତୁ ବୋଲି ସେ ଦାବି କରିଛନ୍ତି। ସରକାର କମ୍ପାନୀ କାର୍ଯ୍ୟକୁ ତଦାରଖ କରୁନାହାନ୍ତି। ଶୁଳ୍କ ବାବଦରେ ବିପୁଳ ଟଙ୍କା ଆଦାୟ କରି ଉପଭୋକ୍ତାଙ୍କ ସମସ୍ୟାକୁ ଅଣଦେଖା କରୁଥିବା କମ୍ପାନୀକୁ ସରକାର ପ୍ରୋତ୍ସାହିତ କରୁଛନ୍ତି। ବାରମ୍ବାର ବିଦ୍ୟୁତ କାଟ୍‌ କରି ୟୁନିଟ ବଢ଼ାଇ ଉଭଭୋକ୍ତାଙ୍କୁ ଆର୍ଥତ୍କ ଶୋଷଣ କରିବାକୁ ସରକାର ଓ କମ୍ପାନୀ ମଧ୍ୟରେ ଭିତ୍ତିରି ବୁଝାବଣା ହୋଇଛି ବୋଲି ସେ ମତ ରଖିଛନ୍ତି। ବିଦ୍ୟୁତ୍‌ ସେବାରେ ଉପୁଜିଥିବା ବାଧାରେ ସୁଧାର ନ ଆସିଲେ ଉପଭୋକ୍ତା ରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?