କ୍ୱିଭ,୭ ।୩: ୟୁକ୍ରେନ୍ ଉପରେ ରୁଷିଆର ଆକ୍ରମଣ କମ୍ ହେବା ପରିବର୍ତ୍ତେ ବଢି ବଢି ଚାଲିଛି । ଦେଶରେ ବହୁ ପରିମାଣରେ ଧନ ଜୀବନ କ୍ଷୟକ୍ଷତି ହେଲାଣି । ଏହାପରେ ବି ରୁଷିଆ ଆକ୍ରମଣ ଜାରି ରଖିଛି ଆଉ ୟୁକ୍ରେନ୍ ଏହାର ପାଲଟା ଜବାବ ଦେଉଛି । ଏହାରି ଭିତରେ ୟୁକ୍ରେନ୍ ରାଷ୍ଟ୍ରପତି ଭୋଲୋଡେମିର ଜେଲେନ୍ସ୍କି କହିଛନ୍ତି ଆମେ ଏହାକୁ ଭୁଲିବୁନି, ଆମେ କ୍ଷମା କରିବୁନି । ୟୁକ୍ରେନରେ ରବିବାର ଗୋଟିଏ ପରିବାରର ୪ ସଦସ୍ୟ ଅର୍ଥାତ୍ ମାତା-ପିତା ଓ ୨ ସନ୍ତାନଙ୍କ ମୃତ୍ୟୁ ହେବା ଜେଲେନ୍ସ୍କିଙ୍କୁ ମର୍ମାହତ କରିଛି । ସେ କହିଛନ୍ତି ଆଜି ଇରପିନରେ ଗୋଟିଏ ପରିବାରର ୪ ଜଣଙ୍କ ଜୀବନ ଯାଇଛି । କାରଣ ଏମାନେ ସହର ଛାଡିବାକୁ ପ୍ରୟାସ କରୁଥିଲେ । ଆମେ କେବେ କ୍ଷମା କରିବୁନି, କେବେ ଏହାକୁ ଭୁଲିବୁନି । ଇରପିନରେ ଆଜି ୮ ଜଣଙ୍କ ମୃତ୍ୟୁ ହୋଇଛି । ଆମ ଲୋକ ସେହିମାନଙ୍କୁ ଖୋଜି ବାହାର କରିବେ ଯେଉଁମାନେ ଆମ ସହରରେ ଗୁଳିମାଡ କରିଛନ୍ତି, ଯେଉଁମାନେ ମିଶାଇଲ ଆକ୍ରମଣର ଶୁଟିଂ କରୁଥିଲେ ଆଉ ଯେଉଁମାନେ ନିର୍ଦ୍ଦେଶ ଦେଉଥିଲେ । ସେ କହିଛନ୍ତି ଏହି ସହରରେ ଏକ କବର ବ୍ୟତୀତ ଆପଣଙ୍କ ପାଖରେ ଏକ ଶାନ୍ତ ସ୍ଥାନ ରହିବ ନାହିଁ ।
