ନୂଆପଡ଼ା ଅଫିସ,୧୨।୭: ନୂଆପଡ଼ା ଜିଲା କୋମନା ଥାନା ଜଡାମୁଣ୍ଡା ୩୫୩ ନଂ. ଜାତୀୟ ରାଜପଥରେ ସୋମବାର ବୋଲେରୋ ଓ ବାଇକ୍ ମୁହାଁମୁହିଁ ଧକ୍କା ହୋଇଥିଲା। ଏଥିରେ ବାଇକ୍ରେ ବସିଥିବା ୨ଜଣଙ୍କ ମୃତ୍ୟୁ ଘଟିଛି। ମୃତକ ଦ୍ୱୟ ହେଲେ ସାଲେପଡ଼ା ଗାଁର ଲୋକନାଥ ଶବର(୫୦) ଓ ଟିମନ ଶବର (୪୫)। ଉଭୟ ୨ ଭାଇ ବୋଲି ଜଣାପଡ଼ିଛି। ସୋମବାର ସକାଳ ୯ଟାରେ ତରବୋଡ ଫାଣ୍ଡି ଅଧୀନ ପଲସିପାଣି ପଞ୍ଚାୟତ ସାଲେପଡା ଗାଁର ଲୋକନାଥ ଓ ଟିମନ ଏକ ବାଇକ୍ (ନଂ.ଓଡି୨୬ସି-୭୬୭୯)ରେ ଟିକ୍ରାପଡା ଗାଁକୁ ଯାଉଥିଲେ। ସେହି ସମୟରେ କୋମନାରୁ ଆସୁଥିବା ବୋଲେରୋ (ନଂ. ଓଡି୧୭କେ-୭୬୬୫) ସହ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଘଟଣାସ୍ଥଳରେ ଦୁଇ ଭାଇଙ୍କ ମୃତ୍ୟୁ ଘଟିଥିଲା। ଖବର ପାଇ ତରବୋଡ ଫାଣ୍ଡି ଅଧିକାରୀ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ।
ସୂଚନା ଯୋଗ୍ୟ, ବୋଲେରୋ ଗାଡିରେ ଖଡିଆଳ ବ୍ଲକ ଝିତିରିଢୋଡା ଗାଁର ଜଣେ ରୋଗୀଙ୍କୁ ନୂଆପଡ଼ା ମୁଖ୍ୟ ଡାକ୍ତରଖାନାକୁ ନିଆଯାଉଥିଲା। ହେଲେ ଦୁର୍ଘଟଣା ପରେ ଅନ୍ୟ ଏକ ଗାଡ଼ିରେ ରୋଗୀଙ୍କୁ ହସ୍ପିଟାଲକୁ ପଠାଯାଇଥିଲା।
