ମହାକାଳପଡା,୨୧ା୯ (ଡି.ଏନ.ଏ,): କେନ୍ଦ୍ର ଓ ରାଜ୍ୟ ସରକାର ଗ୍ରାମାଞ୍ଚଳରେ ବସବାସ କରୁଥିବା ଜନଜାତି ସମ୍ପ୍ରଦାୟର ଲୋକମାନଙ୍କ ବିକାଶ ପାଇଁ ବିଭିନ୍ନ ଯୋଜନା କାର୍ଯ୍ୟକାରୀ କରୁଛନ୍ତି। ହେଲେ ତୃଣମୂଳସ୍ତରରେ ଅଭାବୀ ପରିବାରର ଅର୍ଥ ବାଧକ ଯୋଗୁ ଅନୁସୂଚିତ ଜନଜାତି ଛାତ୍ରୀଛାତ୍ରମାନେ ଉଚ୍ଚତର ଶିକ୍ଷାରୁ ବଞ୍ଚତ୍ତ ହେଉଛନ୍ତି। ଏହାର ଏକ ଉଦାହରଣ ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଜମ୍ବୁ ପଞ୍ଚାୟତର ଦକ୍ଷିଣପଡ଼ା ଗଁାର ରାମଚନ୍ଦ୍ର ହେମ୍ବ୍ରମ୍ (୪୪) ଆଦିବାସୀ ଅଭାବୀ ପରିବାର।
ପରିବାର କହିଲେ ପତ୍ନୀ ଝୁମୁରି, ବଡ ଝିଅ ମାନସୀ (୧୯), ମାଟ୍ରିକରେ ପ୍ରଥମ ଶ୍ରେଣୀ ଓ ଯୁକ୍ତ ୨ ରେଭେନ୍ସା କଲେଜରୁ ଯୁକ୍ତ ୨ ବିଜ୍ଞାନରେ ପ୍ରଥମ ଶ୍ରେଣୀ ଉତ୍ତୀର୍ଣ୍ଣ ହୋଇଥିଲେ ମଧ୍ୟ ଅର୍ଥ ଅଭାବ ଯୋଗୁ ଉଚ୍ଚତର ଶିକ୍ଷାରୁ ବଞ୍ଚତ୍ତ ହୋଇଛନ୍ତି। ମଝିଆଁ ଝିଅ ଟୁନି (୧୭) ଯୁକ୍ତ ୨ ବିଜ୍ଞାନ କେନ୍ଦ୍ରାପଡ଼ା କଲେଜରେ ନାମ ଲେଖାଇ ଥିଲେ ମଧ୍ୟ ଅର୍ଥ ଅଭାବ ଯୋଗୁ ପାଠ ପଢା ଅଧୁରା ରହିଗଲା। ସାନ ଝିଅ ସବିତା ଅଷ୍ଟମ ଶ୍ରେଣୀ ମଠସାହି ଆଶ୍ରମ ସ୍କୁଲ ଜଗତ୍ସିଂହପୁରରେ ପଢୁଛନ୍ତି। ସାନ ପୁଅ ଚନ୍ଦନ ଗଁା ସ୍କୁଲରେ ଷଷ୍ଠ ଶ୍ରେଣୀରେ ପାଠ ପଢୁଛି। ବାପା ରାମଚନ୍ଦ୍ର ଜମ୍ବୁ ଗଁାର ଜଣେ ବୋଟ୍ ମାଲିକଙ୍କ ବୋଟ୍ରେ ରହି ନଦୀ ସମୁଦ୍ରରୁ ମାଛ ଧରି ଯାହା ଦି ପଇସା ରୋଜଗାର ହେଉଛି ସେଥିରେ ପରିବାର ଦୁଃଖ କଷ୍ଟରେ ଚଳିଯାଉଛି ବୋଲି ଝୁମୁରି କହିଛନ୍ତି। ଅପରପକ୍ଷରେ ଚାଷ ଜମି ନାହିଁ। ଯାହା ବାସ କରିବା ପାଇଁ ଖଣ୍ଡେ ଜାଗା ଅଛି ତାହା ପୁଣି କେ’ ଫର୍ମ ପଟ୍ଟା। ଏହି ପଟ୍ଟାରେ ସରକାରୀ ଯୋଜନା କିଛି କାର୍ଯ୍ୟକାରୀ ହେଉ ନ ଥିବା କହିଛନ୍ତି। ଏକ ନୁଅଁାଣିଆ ପଲିଥିନ୍ ତଳେ ବିତୁଛି ଗରିବ ଅଭାବୀ ଆଦିବାସୀ ପରିବାରଙ୍କ ଜୀବନ। ସାମୁଦ୍ରିକ ଝଡ଼ ବାତ୍ୟା ଆସିଲେ ଏହି ପଲିଥିନ ତଳେ ବିତୁଛି । ତେବେ ମେଧାବୀ ଛାତ୍ରୀ ମାନସୀଙ୍କ ବାପା ମତ୍ସ୍ୟଜୀବୀ ହୋଇଥିବାରୁ ଅଭାବୀ ସଂସାରରେ ପରିବାର ଲୋକ ଉଚ୍ଚ ଶିକ୍ଷା ପାଇଁ ଅର୍ଥ ଅଭାବ ରହିଛି। କୌଣସି ସରକାରୀ ଓ ବେସରକାରୀ ସେଚ୍ଛାସେବୀ ସଂସ୍ଥା ବା ଅନୁଷ୍ଠାନ ଏହି ମେଧାବୀ ଛାତ୍ରୀଙ୍କ ପାଇଁ ସହାୟତା ରାଶି ପ୍ରଦାନ ପାଇଁ ସ୍ଥାନୀୟ ଲୋକମାନେ କହିଛନ୍ତି। ଏ ସମ୍ପର୍କରେ କେନ୍ଦ୍ରାପଡା ଜିଲାପାଳ ଅମୃତ ଋତୁରାଜଙ୍କ ଦୃଷ୍ଟି ଆକର୍ଷଣ କରାଯାଇଛି ବୋଲି ଜଣାପଡିଛି। ମେଧାବୀ ଛାତ୍ରୀ ମାନସୀଙ୍କ କହିବା କଥା ଉଚ୍ଚ ଶିକ୍ଷା ପରେ ବ୍ୟାଙ୍କ ଉଚ୍ଚ ପଦସ୍ଥ ଅଧିକାରୀ ହେବାକୁ ସ୍ବପ୍ନ ରହିଛି।
