ତୁମୁଡିବନ୍ଧ,୩।୧୦(ଦୀପକ କୁମାର ପରାସେଠ):ବିଦ୍ୟୁତ ତାରରେ ଗଛ ପଡିଛି। ୩ ଦିନ ହେବ ଚାରିଆଡେ ଅନ୍ଧାର। ଜନଜୀବନ ଅସ୍ତବ୍ୟସ୍ତ । ଏପରି ଘଟଣା କନ୍ଧମାଳ ଜିଲା ତୁମୁଡିବନ୍ଧ ବ୍ଳକ ବେଲଘର ଅଞ୍ଚଳରେ ଦେଖିବାକୁ ମିଳିଛି। ସୂଚନା ଅନୁସାରେ, ଗତ ବୁଧବାର ରାତିରେ ବେଲଘର ଥାନା ସମ୍ମୁଖରେ ଥିବା ଏକ ସାଗୁଆନ ଗଛ ବିଦ୍ୟୁତ ତାର ଉପରେ ପଡ଼ି ଯିବାରୁ ତାର ଛିଣ୍ଡିଯିବା ଫଳରେ ବିଦ୍ୟୁତ ସରବର ବନ୍ଦ ରହିଛି। ଅନ୍ଧାରରେ ବେଲଘର ଅଞ୍ଚଳବାସୀ। ବିଦ୍ୟୁତ ସରବର ବନ୍ଦ ସହିତ ଲଘୁଚାପ ଜନିତ ବର୍ଷା ଜନଜୀବନ ଉପରେ ପ୍ରଭାବକୁ ଦ୍ୱିଗୁଣିତ କରିଛି। ଯାହାକି ସାଧାରଣ ଲୋକ ନାହିଁ ନ ଥିବା ଅସୁବିଧା ହେଉଛନ୍ତି। ଏହି ବାବଦରେ ବେଲଘର ସରପଞ୍ଚ ଗୋବିନ୍ଦ ମାଝିଙ୍କୁ ପଚାରିବାରୁ ସେ ୩ ଦିନ ଧରି ବିଜୁଳି ନାହିଁ । ବିଭାଗୀୟ ଅଧିକାରୀ ମାନେ ତୁରନ୍ତ ମରାମତି କାର୍ଯ୍ୟ କରିବାର ସରକାରଙ୍କ ନିର୍ଦ୍ଦେଶ ରହିଛି। ଏପର୍ଯ୍ୟନ୍ତ ମରାମତି କାର୍ଯ୍ୟ କରି ନାହାନ୍ତି। ତେଣୁ ସାଧାରଣରେ ବହୁତ ଅସୁବିଧାର ସମ୍ମୁଖୀନ ହେବାକୁ ପଡୁଛି। ଯଥାଶୀଘ୍ର ମରାମତି କାର୍ଯ୍ୟ କରାଯାଇ ବିଦ୍ୟୁତ ଯୋଗାଣ ବ୍ୟବସ୍ଥା କରାଯାଉ ବୋଲି କହିଛନ୍ତି।ଏହି ବାବଦରେ ବିଭାଗୀୟ ଅଧିକାରୀ ପ୍ରଭୂଦତ୍ତ ସାହୁଙ୍କୁ ପଚାରିବାରୁ ସେ ଅଭିଯୋଗ ପଞ୍ଜିକରଣ ହୋଇନାହିଁ କି ଉକ୍ତ ବିଷୟରେ ଖବର ପାଇନାହିଁ। ତେବେ ତୁରନ୍ତ ମରାମତି କାର୍ଯ୍ୟ କରାଯିବ ବୋଲି କହିଛନ୍ତି।
