ସାଧାରଣତଃ ଶିଶୁଙ୍କୁ ଖେଳନା ବହୁତ ପସନ୍ଦ। ଇଥିଓପିଆର ଅନାଥାଶ୍ରମରେ ରହୁଥିବା ଜଣେ ଶିଶୁକନ୍ୟାର ଏକ ଖେଳନା ବର୍ଷକ ତଳେ ହଜି ଯାଇଥିଲା। ଏବେ ଏହି ଖେଳନାଟି ଶିଶୁକନ୍ୟାକୁ ମିଳି ଯାଇଥିବାରୁ ତା’ର ଖୁସି କହିଲେ ନ ସରେ। ପିଲାଟିର ପ୍ରତିକ୍ରିୟା ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଯାହା ଲୋକଙ୍କୁ ଖୁବ୍ ପସନ୍ଦ ଆସିଛି।
ଗତବର୍ଷ ଗ୍ଲୋସିୟର ନ୍ୟାଶନାଲ ପାର୍କରେ ଏହି ଶିଶୁକନ୍ୟାଟି ତା’ର ଟେଡି ବିୟରକୁ ହଜାଇ ଦେଇଥିଲା। ଯେତେ ଖୋଜିବା ପରେ ମଧ୍ୟ ପାଇ ନ ଥିଲା। ପିଲାଟି ଭାବିଥିତ୍ଲା ତା’ ମନପସନ୍ଦର ଏହି ଖେଳନା ବୋଧେ ତାକୁ ଆଉ ମିଳିବ ନାହିଁ। ଏବେ ପାର୍କର ରେଞ୍ଜର ଏହି ଖେଳନାଟିକୁ ପାଇଛନ୍ତି। ସୋସିଆଲ ମିଡିଆରେ ଦେବା ପରେ ଅନାଥାଶ୍ରମର କର୍ମଚାରୀ ଶିଶୁକୁ ସାଙ୍ଗରେ ନେଇ ପାର୍କରେ ପହଞ୍ଚି ଖେଳନାଟିକୁ ଆଣିଛନ୍ତି। ଏହା ପରେ ପିଲାଟି ଖୁସିରେ ଆତ୍ମହରା ହୋଇଉଠିଛି। ତା’ ମୁହଁରେ ହସ ଦେଖି ସମସ୍ତେ ଖୁସି ହୋଇଛନ୍ତି।
ପାର୍କ ପକ୍ଷରୁ ଶେୟାର କରାଯାଇଥିବା ଏହି ଟେଡି ବିୟରର ଫଟୋକୁ ବର୍ତ୍ତମାନ ସୁଦ୍ଧା ୧୨ ହଜାର ଲାଇକ୍ ମିଳିଥିବା ବେଳେ ୟୁଜରମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି। ଜଣେ ୟୁଜର କହିଛନ୍ତି, ହୃଦୟକୁ ଛୁଇଁଗଲା କାହାଣୀଟି। କିଛି ଲୋକ ଏହି ଘଟଣାକୁ ନିଜ ନିଜ ସୋସିଆଲ ମିଡିଆ ଆକାଉଣ୍ଟରେ ଶେୟାର ବି କରୁଥିବା ଦେଖିବାକୁ ମିଳିଛି
