ଭୁବନେଶ୍ୱର ,୧୭।୩: ରାଜ୍ୟର ପ୍ରମୁଖ ଘରୋଇ ପ୍ରତିଷ୍ଠାନ ତଥା ବିଏନ୍ଆଇ ଆଚିଭର୍ସ କଟକ ଶାଖା ପକ୍ଷରୁ ଏକ ଦିନିକିଆ ବାଣିଜ୍ୟ ପ୍ରଦର୍ଶନୀ ‘ତକ୍ଷକ୨.୦’ ରବିବାର କଟକ ୟୁନିୟନ କ୍ଲବ ପରିସରରେ ଆୟୋଜନ ହେବାକୁ ଯାଉଛି। ଉକ୍ତ ପ୍ରଦର୍ଶନୀରେ ୧୦୦ଟି ଷ୍ଟଲ୍ ସହ ୧୦୦୦ରୁ ଅଧିକ ବିଜ୍ନେସ୍ ପ୍ରମୋଟରମାନେ ମଧ୍ୟ ଅଂଶ ଗ୍ରହଣ କରୁଛନ୍ତି। ଏହି ପରିପ୍ରେକ୍ଷୀରେ ଆୟୋଜିତ ଏକ ଖବରଦାତା ସମ୍ମିଳନୀରେ ବିଏନ୍ଆଇ କଟକ ଶାଖାର ସଭାପତି ଅନୁରାଗ ସରାଫ, ଉପସଭାପତି ଭିନିତ ସେଠିଆ, ସଂଯୋଜକ ଜୟମିତ ଟାଙ୍ଗଙ୍କ ସମେତ ଶାଖାର ବରିଷ୍ଠ ସଦସ୍ୟ ସୁଶାନ୍ତ କୁମାର ପଣ୍ଡା, ସି.ଏସ.ସୁନିତା ମହାନ୍ତି, ସଂଗୀତ ଗୁପ୍ତା ପ୍ରମୁଖ ଉପସ୍ଥିତ ରହି ପ୍ରଦର୍ଶନୀ ଓ ତକ୍ଷକ ୨.୦ ର ଆଭିମୁଖ୍ୟ ଆଦି ବିଷୟରେ ବିସ୍ତୃତ ସୂଚନା ପ୍ରଦାନ କରିଥିଲେ।
