ହେଲ୍‌ମେଟ୍‌ ଜଗି ହାଲିଆ

କାମାକ୍ଷାନଗର, ୧୦।୨(ଡି.ଏନ୍‌.ଏ.) – ଆଗରେ ଅମାନିଆ ବାଇକ୍‌ଚାଳକ। ପଛରେ ପୋଲିସ। ଚାଲିଛି ଛକାପଞ୍ଝା। ବିନା ହେଲ୍‌ମେଟରେ ସହରରେ ସ୍ପିଡ୍‌ ବାଇକ୍‌ ଧରି ଚକ୍କର କାଟୁଛନ୍ତି ଅନେକେ। ବାଏଁ ବାଏଁ ଉଡ଼ାଇ ଦେଉଛନ୍ତି ଟ୍ରାଫିକ୍‌ ନିୟମ। ଧରାପଡ଼ିଲେ ନାଲି ଆଖି ଦେଖାଉଛନ୍ତି। ଚାପ ପକାଇ ସହଜରେ ମୁକୁଳି ଯାଉଛନ୍ତି। ବିଭିନ୍ନ ଗୁରୁତ୍ୱପୂର୍ଣ୍ଣ ଦାୟିତ୍ୱରେ ବନ୍ଧା ହୋଇଥିବା ପୋଲିସ ହେଲ୍‌ମେଟ ଧରିବାକୁ ଯାଇ ନୟାନ୍ତ ହେଉଥିବାବେଳେ ଯେଉଁ ଉଦ୍ଦେଶ୍ୟ ରଖି ନୂତନ ମୋଟର ଯାନ ନିୟମ ଅଣାଯାଇଛି, ତାହା ଫସର ଫାଟିବ ବୋଲି ଆଶଙ୍କା ବ୍ୟକ୍ତ କଲେଣି ଢେଙ୍କାନାଳ ଜିଲା କାମାକ୍ଷାନଗର ଅଞ୍ଚଳର ସଚେତନ ନାଗରିକ।
ଦୁର୍ଘଟଣାଜନିତ ମୃତ୍ୟୁହାର କମାଇବା ଲାଗି କଡ଼ାକଡ଼ି କରାଯାଇଛି ନୂତନ ମୋଟର ଯାନ ନିୟମ। ବାଇକ୍‌ ଆରୋହୀଙ୍କୁ ହେଲ୍‌ମେଟ୍‌ ପରିଧାନ ବାଧ୍ୟତାମୂଳକ କରାଯାଇଛି। ସେହିପରି ଚାରିଚକିଆ ଯାନରେ ସିଟ୍‌ବେଲ୍ଟ ବାନ୍ଧିବା, ଆବଶ୍ୟକ କାଗଜପତ୍ର ସାଙ୍ଗରେ ରଖିବାକୁ କୁହାଯାଉଛି। ଜାନୁୟାରୀ ପହିଲାରୁ ସାରା ରାଜ୍ୟରେ କଟକଣା କଡ଼ାକଡ଼ି କରାଯାଇଛି। ନିୟମ ଉଲ୍ଲଂଘନକାରୀଙ୍କଠାରୁ ମୋଟା ଅଙ୍କର ଜରିମାନା ଆଦାୟ କରାଯାଉଛି। ଏହାସତ୍ତ୍ୱେ ଯୁବଗୋଷ୍ଠୀ, କ୍ଷମତାଶାଳୀ ଗୋଷ୍ଠୀ ନିୟମ ମାନୁନାହାନ୍ତି। ହେଲମେଟ୍‌ ପିନ୍ଧିବା ଅପେକ୍ଷା ଫାଇନ ଦେବାକୁ ଶ୍ରେୟ ମଣୁଛନ୍ତି। ବିନା ଲାଇସେନ୍ସରେ ବାଇକ୍‌ ଚଳାଇଲେ ୨ହଜାର ଟଙ୍କା, ୨ଜଣରୁ ଅଧିକ ବସିଲେ ୧ ହଜାର ଟଙ୍କା ଫାଇନ ବ୍ୟବସ୍ଥା ରହିଛି; ହେଲେ ଏହାକୁ ଅନେକେ ଖାତିର କରୁନାହାନ୍ତି। ଗୋଟିଏ ଛକରେ ଯାଞ୍ଚ ବେଳେ ଅନ୍ୟ ରାସ୍ତାଦେଇ ଖସି ପଳାଉଛନ୍ତି। କାମାକ୍ଷାନଗର ସହର ଏବଂ ଏହାର ଆଖପାଖରେ ହାତଗଣତି ବାଇକ୍‌ ଆରୋହୀ ହେଲ୍‌ମେଟ୍‌ ପରିଧାନ କରୁଥିବା ଦେଖିବାକୁ ମିଳୁଛି। ଗାଡ଼ି ଚଳାଇବା ସମୟରେ ଚାଳକ ମୋବାଇଲ ବ୍ୟବହାର କଲେ ୫ହଜାର ଟଙ୍କା ଜରିମାନା ନିୟମ ଥିବାବେଳେ ଯୁବଗୋଷ୍ଠୀ ଏହାକୁ ଅଣଦେଖା କରୁଛନ୍ତି। ପୋଲିସ ପକ୍ଷରୁ ସେଭଳି ଧରପଗଡ଼ ହେଉନାହିଁ। ଅନ୍ୟ ଗୁରୁତ୍ୱପୂର୍ଣ୍ଣ କାର୍ଯ୍ୟ ଏବଂ କର୍ମଚାରୀ ଅଭାବ କାରଣ ଦର୍ଶାଇ ବିଭାଗ ଏହାକୁ ସେତେଟା ଗୁରୁତ୍ୱ ଦେଉ ନ ଥିବା ଅଞ୍ଚଳର ବୁଦ୍ଧିଜୀବୀ ଅଭିଯୋଗ କରିଛନ୍ତି। ପୋଲିସ ପକ୍ଷରୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଗଲେ ଅମାନିଆମାନେ ସାବାଡ଼ ହେବେ ବୋଲି ସେମାନେ କହିଛନ୍ତି।

ସାର୍‌ମାନେ ପିନ୍ଧୁନାହାନ୍ତି, ଆମେ କାହିଁକି…

ହେଲ୍‌ମେଟ ନିୟମକୁ ନେଇ ଛାତ୍ରୀଛାତ୍ର କେତେ ସଚେତନ, ତାହା ଜାଣିବା ଲାଗି ‘ଧରିତ୍ରୀ’ ପହଞ୍ଚତ୍ଥିଲା କାମାକ୍ଷାନଗର ଏବଂ ମଠକରଗୋଳା କଲେଜରେ। ଏ ସମ୍ପର୍କରେ ପଚାରିବାରେ କେତେଜଣ ପିଲା ନିଜର ନାମ ଗୋପନ ରଖି କହିଲେ, ସାର୍‌ମାନେ ତ ପିନ୍ଧୁନାହାନ୍ତି, ଆମେ କାହିଁକି ପିନ୍ଧିବୁ। ସେହିପରି ହେଲମେଟ୍‌ ପିନ୍ଧିଲେ କେଶ ବିନ୍ୟାସ ନଷ୍ଟ ହୋଇଯିବ ବୋଲି କେତେଜଣ ଛାତ୍ରୀ ମନ୍ତବ୍ୟ ରଖିଥିଲେ। ସେହିପରି ଯୁକ୍ତ ୨ ଶ୍ରେଣୀର ଅଧିକାଂଶ ଛାତ୍ରୀଛାତ୍ର ବିନା ଲାଇସେନ୍ସରେ ଗାଡ଼ି ଧରି ଆସୁଥିବା ପଚରାଉଚୁରାରୁ ଜଣାପଡ଼ିଛି।

 

ସବୁବେଳେ ଯାଞ୍ଚ କରିବା ସମ୍ଭବ ହେଉନାହିଁ
ସାଧାରଣ ଲୋକଙ୍କ ହିତରେ ଆଇନ ପ୍ରଣୟନ କରାଯାଇଛି। ସଚେତନ ନାଗରିକ, ଛାତ୍ରୀଛାତ୍ର ଭାବେ ଏହାର ଅନୁପାଳନ କରିବା ଆବଶ୍ୟକ। ପୋଲିସ ବିଭାଗର ଦାୟିତ୍ୱ ଏତେ ବଢ଼ିଗଲାଣି ଯେ, ସବୁବେଳେ ଯାଞ୍ଚ କରିବା ସମ୍ଭବ ହେଉନାହିଁ। ତଥାପି ଟ୍ରାଫିକ୍‌ ନିୟମ ଉଲ୍ଲଂଘନ କରିଥିବା ଅଭିଯୋଗରେ ଜାନୁୟାରୀରୁ ଅଦ୍ୟାବଧି ୩୭୬ରୁ ଊର୍ଦ୍ଧ୍ୱ ମାମଲା ରୁଜୁ କରାଯାଇଛି।
-ଅଭିନବ ଡାଳୁଆ, କାମାକ୍ଷାନଗର ଥାନାଧିକାରୀ

କଲେଜ ଛାତ୍ରୀଛାତ୍ରଙ୍କୁ ବାଧ୍ୟତାମୂଳକ କରାଯିବ
କରୋନା ପରେ ମହାବିଦ୍ୟାଳୟ ଖୋଲିଛି। ଦୀର୍ଘଦିନ ଧରି ଶିକ୍ଷାନୁଷ୍ଠାନ ବନ୍ଦ ରହିଥିବାରୁ ଟିକେ ଢିଲା ହୋଇଯାଇଛି। କଲେଜକୁ ଆସୁଥିବା ଛାତ୍ରୀଛାତ୍ର ଟ୍ରାଫିକ୍‌ ନିୟମ ଉଲ୍ଲଂଘନ କରିବା ଶୁଭଙ୍କର ନୁହେଁ। ବାଇକ୍‌ରେ କଲେଜ ଆସୁଥିବା ପିଲାଙ୍କୁ ବାଧ୍ୟତାମୂଳକ ହେଲ୍‌ମେଟ୍‌ ପିନ୍ଧିବାକୁ କୁହାଯିବ। ଯେଉଁମାନେ ନ ମାନିବେ ସେମାନଙ୍କୁ ପ୍ରବେଶ ଅନୁମତି ଦିଆଯିବନି।
-ଡ. ରାମଚନ୍ଦ୍ର ସାହୁ, କାମାକ୍ଷାନଗର କଲେଜ ଅଧ୍ୟକ୍ଷ

ନୂଆ ନିୟମ କଡ଼ାକଡ଼ି କରାଯାଇଛି
ମଠକରଗୋଳା କଲେଜରେ ହେଲ୍‌ମେଟ୍‌ ପିନ୍ଧିବା ନିୟମ କଡ଼ାକଡ଼ି କରାଯାଇଛି। ବିନା ହେଲ୍‌ମେଟ୍‌ରେ କଲେଜ ଆସୁଥିବା ଛାତ୍ରୀଛାତ୍ରଙ୍କ ଯାନ କ୍ୟାମ୍ପସରେ ପ୍ରବେଶ ପାଇଁ ମନା କରାଯାଇଛି। ଏଥିଲାଗି ଅନେକ ସମୟରେ ଅପ୍ରୀତିକର ପରିସ୍ଥିତି ସୃଷ୍ଟି ହେଉଛି। ଅମାନିଆ ଛାତ୍ରୀଛାତ୍ର ଆସି ପାଟିତୁଣ୍ଡ କରୁଛନ୍ତି। ତଥାପି ନିୟମ ମାନିବାକୁ ସଚେତନ କରାଯାଉଛି ।
-ଡ. ଚିତ୍ତରଞ୍ଜନ ଦାସ, ମଠକରଗୋଳା କଲେଜ ଅଧ୍ୟକ୍ଷ

ଅଭିଭାବକ ଯତ୍ନବାନ୍‌ ହୁଅନ୍ତୁ
ଆଇନ କାର୍ଯ୍ୟକାରୀ କରିବା ପାଇଁ ସମସ୍ତେ ଆଗେଇ ଆସିବା ଦରକାର । କେବଳ ଛାତ୍ର ନୁହେଁ, ଏ ଦିଗରେ ଅଭିଭାବକମାନେ ମଧ୍ୟ ଯତ୍ନବାନ୍‌ ହେବା ଉଚିତ। ପିଲାଙ୍କୁ ଗାଡ଼ି ଚଳାଇବାକୁ ଅନୁମତି ଦେବା ପୂର୍ବରୁ ହେଲ୍‌ମେଟ୍‌, ଲାଇସେନ୍ସ ଅଛି କି ନାହିଁ ଜାଣିବା ଦରକାର। ପ୍ରଭାବଶାଳୀ ପରିଚୟ ଦେଇ ଅନେକ ଆଇନ ଉଲ୍ଲଂଘନ କରୁଛନ୍ତି। ପୋଲିସ ଚାପମୁକ୍ତ ହୋଇ ଚଢ଼ାଉ କଲେ ଆଇନର ସୁଫଳ ମିଳିପାରନ୍ତା ।
-ମଙ୍ଗୁତ୍‌ଲାଲ କଟରୁକା, ସାମାଜିକ କର୍ମୀ


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?