ବରଗଡ଼, ୧୭।୪(ପ୍ରେମାନନ୍ଦ ଖମାରୀ): ବରଗଡ଼ ଜିଲା ଅତାବିରା ନିର୍ବାଚନ ମଣ୍ଡଳୀ ବିଜେଡି ତରଫରୁ ଭେଡେନ ବ୍ଲକ ଅନ୍ତର୍ଗତ ପ୍ରସିଦ୍ଧ ବାବା ଜଳେଶର ମହାଦେବଙ୍କ ପବିତ୍ରସ୍ଥଳୀ କୁଦପାଲି ଜୀରା ଓ ଦନ୍ତା ନଦୀର ସଙ୍ଗମସ୍ଥଳୀ କୁଦପାଲିରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ବାର୍ଷିକୀ ଅବସରରେ ଗୁରୁବାର ତିଳତର୍ପଣ କାର୍ଯ୍ୟକ୍ରମ ହୋଇଥିଲା। ପଣ୍ଡିତ ପ୍ରେମ ପ୍ରକାଶ ପୁରୋହିତ ଏଥିରେ ପୌରୋହିତ୍ୟ କରିଥିଲେ। ପବିତ୍ର ସଙ୍ଗମ ସ୍ଥଳୀରେ ମା’ ଗଙ୍ଗାଙ୍କୁ ପୂଜନ, ଆଳତୀ ସହ ତିଳତର୍ପଣ ଅର୍ପଣ କରି ସ୍ନାନ କରାଯାଇଥିଲା। ଏହି କାର୍ଯ୍ୟକ୍ରମରେ ଯୁବ ସଭାପତି ସୁରେନ୍ଦ୍ର କର୍ମୀ, ରେଶମ ପଞ୍ଚାୟତ ସଭାପତି ସୁଶାନ୍ତ ଭୋଇ, ଜିଲା ପରିଷଦ ମୁଖ୍ୟ ସତ୍ୟଜିତ ପୁରୋହିତ ବରିଷ୍ଠ ନେତା ବଳରାମ ସାହୁ, ଜୋତି ରଞ୍ଜନ ମହାପାତ୍ର, ମାନ ମାଡପାଚି, ସାନନ୍ଦ ବେହେରା ପ୍ରମୁଖଙ୍କ ସମେତ ଶତାଧିକ ବିଜେଡି କର୍ମୀ ଯୋଗଦାନ କରି ତିଳତର୍ପଣ କରି ବିଜୁବାବୁଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସେହିପରି ବିଜୁବାବୁଙ୍କ ପ୍ରତିଛବିରେ ପୂଜାର୍ଚ୍ଚନା,ପୁଷ୍ପ ମାଲ୍ୟାର୍ପଣ କରାଯାଇଥିଲା ।
