ମୁମ୍ବାଇ: ସଲମାନ ଖାନଙ୍କ ଫିଲ୍ମ ପ୍ରଶଂସକଙ୍କ ମଧ୍ୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଥାଏ। ସେ ଆକ୍ସନ ହେଉ କିମ୍ବା ରୋମାଣ୍ଟିକ। ତାଙ୍କୁ ପ୍ରତ୍ୟେକ ଚରିତ୍ରରେ ଦର୍ଶକେ ପସନ୍ଦ କରିଥାନ୍ତି। ଚଳିତ ବର୍ଷ ମୁକ୍ତିଲାଭ କରିଥିବା ‘କିସି କା ଭାଇ କିସି କି ଜାନ’ରେ କିଛି ବିଶେଷ କରିପାରି ନ ଥିଲେ କିନ୍ତୁ ଏହା ଟାଇଗର ଫର୍ମ ଆକାରରେ ପ୍ରଶଂସକଙ୍କ ପାଇଁ ଏକ ବଡ଼ ମନୋରଞ୍ଜନ ପ୍ୟାକେଜ ଆଣିବାକୁ ଯାଉଛି। ଫିଲ୍ମ ରିଲିଜ ପୂର୍ବରୁ ମଧ୍ୟ ଆଶ୍ଚର୍ଯ୍ୟଜନକ ପ୍ରତିକ୍ରିୟା ମିଳୁଛି।
‘ପଠାନ’ ଏବଂ ‘ଜଓ୍ବାନ’ ଭଳି ବ୍ଲକବଷ୍ଟର ଫିଲ୍ମ ପରେ ଲୋକଙ୍କ ନଜର ଏବେ ‘ଟାଇଗର-୩’ ଉପରେ ରହିଛି। ସଲମାନ ପୁଣି ଥରେ ଏକ ଦମ୍ଦାର ଭୂମିକାରେ ନଜର ଆସିବେ। କ୍ୟାଟ୍ରିନା କୈଫ୍ଙ୍କ ସହ ତାଙ୍କର ସିଜଲିଂ କେମିଷ୍ଟ୍ରିର ଝଲକ ପାଇବାକୁ ଦର୍ଶକେ ପାଗଳ। ଟ୍ରେଲର ଦେଖିବା ପରେ ଏହା ସ୍ପଷ୍ଟ ହୋଇଛି ଯେ, ଏଥର ଫିଲ୍ମରେ ପୂର୍ବ ଅପେକ୍ଷା ଦୁଇଗୁଣ ଆକ୍ସନ ଦୃଶ୍ୟ ରହିବ ଏବଂ ‘ଟାଇଗର ଏବଂ ଜୋୟାଙ୍କ ପରବର୍ତ୍ତୀ କାହାଣୀ ଦେଖିବାକୁ ମିଳିବ। ଓପନିଂ ଡେ’ରୁ ୧୦୦ କୋଟି ଟଙ୍କାର ବ୍ୟବସାୟ କରିବ ବୋଲି ଆଶା ରଖିଛି।
