ମୁମ୍ବାଇ: ଦୁନିଆରେ ଅଜବ ଧରଣର ଲୋକ ରହିଛନ୍ତି। କିଛି ଲୋକଙ୍କର ଅଜବ ସଉକ ସୋସିଆଲ ମିଡିଆରେ ଭାଇରାଲ ହୋଇଥାଏ। ଏବେ ସେମିତି ଜଣେ ଯୁବକଙ୍କ ଫିଟୋ ଭାଇରାଲ ହେଉଛି। ଯାହା ଆପଣ କେବେ କଳ୍ପନା କରି ନ ଥିବେ। ଲୋକଙ୍କ ପାଖରେ ଅର୍ଥ ହୋଇଗଲେ ସେମାନେ ଅନ୍ୟ ଉପାୟରେ ଖର୍ଚ୍ଚ କରନ୍ତି। ମାତ୍ର ଜଣେ ଯୁବକ ଅନ୍ୟ ଦେଶରେ ଗାଧୋଇବା ପାଇଁ ବିମାନ ବୁକ୍ କରି ଯିବା ଖବର ଆଶ୍ଚର୍ଯ୍ୟଜନକ ହେଲେ ବି ସତ।
ଏକ ରିପୋର୍ଟ ଅନୁଯାୟୀ, ଇଂଲଣ୍ଡର ଷ୍ଟାର୍ଫ୍ଡଶାୟାରରେ ରହୁଥିବା ରବ୍ ଆଡକକ୍ ନାମକ ଜଣେ ଯୁବକ ଏପରି କଥା କହିଛନ୍ତି। ସେ କହିଛନ୍ତି, ସ୍ପା ପାଇଁ ସେ ନିଜ ଦେଶ ବଦଳରେ ଆଫ୍ରିକୀୟ ଦେଶ ମୋରୋକୋ ଯାଇଛନ୍ତି। କାରଣ ଏହା ଏକ ଶସ୍ତା ଡିଲ୍ ବୋଲି ସେ କହିଛନ୍ତି। ଇଂଲଣ୍ଡରେ ସ୍ପା ଦିନର ମୂଲ୍ୟ ୨୪୦୦୦ ଟଙ୍କା। ରବ୍ କହିଛନ୍ତି, ସେ କେବଳ ଶସ୍ତା ଦରରେ ସ୍ପା କରି ନାହାନ୍ତି ବରଂ ଏକ ରାତି ରହି ବୁଲାବୁଲି କରିଥିଲେ।
ରବ୍ଙ୍କ ଅନୁଯାୟୀ, ସେ ଯାଉଥିବା ବିମାନକୁ ୪୧୧୬ଟଙ୍କା ଏବଂ ରିଟର୍ନ ଫ୍ଲାଇଟ୍ ୩୨୨୮ ଟଙ୍କା ଦେଇଥିଲେ। ଗୋଟିଏ ରାତି ରହିବାକୁ ତାଙ୍କୁ ୯,୫୭୬ ଟଙ୍କା ଦେବାକୁ ପଡ଼ିଲା। ବସ୍ ଭଡ଼ା ବାବଦରେ ୩୨୨ ଟଙ୍କା ଦେଇଥିଲେ। ମୋଟ୍ ଉପରେ, ଇଂଲଣ୍ଡରେ ଏହା ଏକ ଦିନର ସ୍ପାଠାରୁ କମ ଥିଲା ଏବଂ ଯଦି ଆମେ କେବଳ ସ୍ପାକୁ ହିସାବ କରିବା ତେବେ ଏହା ବହୁତ ଶସ୍ତା ଥିଲା।
