ସିଡନୀ,୧୯।୧୧: ଟିମ ପେନ୍ ଅଧିନାୟକତ୍ୱ ଛାଡିବା ପରେ ଅଷ୍ଟ୍ରେଲିଆ କ୍ରିକେଟରେ ଏକ ଐତିହାସିକ ପରିବର୍ତ୍ତନ ହେବାକୁ ଯାଉଛି। ଏବେ ଆଶେସ ସିରିଜ ପାଇଁ ଅଷ୍ଟ୍ରେଲିଆ ଏକ ନୂଆ ଅଧିନାୟକ ଦାୟିତ୍ୱ ନେବେ। ନୂତନ ଅଧିନାୟକଙ୍କ ପାଇଁ ଦୌଡ଼ରେ ପ୍ୟାଟ କମିନ୍ସଙ୍କ ନାମ ଆଗରେ ରହିଛି, ଯିଏକି ଦଳର ଉପଅଧିନାୟକ ଅଟନ୍ତି। ଯଦି ପ୍ୟାଟ କମିନ୍ସଙ୍କୁ ଅଧିନାୟକ କରାଯାଏ, ତେବେ ୬୫ ବର୍ଷ ମଧ୍ୟରେ ଏହା ପ୍ରଥମ ଥର ହେବ ଯେ ଜଣେ ବୋଲର ଅଷ୍ଟ୍ରେଲୀୟ ଟେଷ୍ଟ ଦଳର ଅଧିନାୟକ ହେବେ। ଆସନ୍ତା ମାସରୁ ଅଷ୍ଟ୍ରେଲିଆ ଏବଂ ଇଂଲଣ୍ଡ ମଧ୍ୟରେ ଆଶେସ ସିରିଜ ଅନୁଷ୍ଠିତ ହେବ। ଏହି ସିରିଜ ପାଇଁ ଟିମ ପେନ୍ ଆୟୋଜକ ଅଷ୍ଟ୍ରେଲିଆର ଅଧିନାୟକ ହୋଇଥିଲେ । କିନ୍ତୁ ଝିଅଙ୍କୁ ଅଶ୍ଲhୀଳଫଟୋ ଏବଂ ମେସେଜ୍ କରିବା ଅଭିଯୋଗରେ ତାଙ୍କୁ ଅଦତ୍ନାୟକ ପଦରୁ ହଟାଯାଇଛି।
ଅଷ୍ଟ୍ରେଲିଆର କିଛି ଖେଳାଳିଙ୍କ ମଧ୍ୟରୁ ପ୍ୟାଟ କମିନ୍ସ ଅନ୍ୟତମ, ଯିଏ ସମସ୍ତ ତିନୋଟି ଫର୍ମାଟରେ ଖେଳନ୍ତି। ସେ ଏପର୍ଯ୍ୟନ୍ତ ୩୪ଟି ଟେଷ୍ଟ, ୬୯ଟି ଦିନିକିଆ ଏବଂ ୩୭ ଟି -୨୦ ଅନ୍ତର୍ଜାତୀୟ ଖେଳିଛନ୍ତି। ଟେଷ୍ଟ ର଼୍ୟାଙ୍କିଙ୍ଗରେ କମିନ୍ସ ମଧ୍ୟ ଏକ ନମ୍ବରରେ ଅଛନ୍ତି। ଟିମ ପେ୍ ଅଷ୍ଟ୍ରେଲିଆର ୪୬ ତମ ଟେଷ୍ଟ ଅଧିନାୟକ ଥିଲେ। ଯଦି ସୁଯୋଗ ଦିଆଯାଏ, ପ୍ୟାଟ କମିନ୍ସ ଅଷ୍ଟ୍ରେଲିଆର ୪୭ ତମ ଟେଷ୍ଟ ଅଧିନାୟକ ହେବେ।
୧୯୫୬ ମସିହାରେ, ରେ ଲିଣ୍ଡୱାଲ ଭାରତ ବିପକ୍ଷ ଏକ ଟେଷ୍ଟ ମ୍ୟାଚରେ ଅଷ୍ଟ୍ରେଲିଆର ଅଧିନାୟକତ୍ୱ କରିଥିଲେ। ଲିଣ୍ଡୱାଲ ଜଣେ ଦ୍ରୁତ ବୋଲର ଥିଲେ। ୬୧ ଟି ଟେଷ୍ଟ ମ୍ୟାଚରେ ସେ ୨୨୮ ଉଇକେଟ ନେଇଛନ୍ତି। ଏକ ଟେଷ୍ଟ ମ୍ୟାଚରେ ଅଧିନାୟକ ଅଷ୍ଟ୍ରେଲିଆର ଶେଷ ଦ୍ରୁତ ବୋଲର ଲିଣ୍ଡୱାଲ ଥିଲେ। ସେବେଠାରୁ ଆଜି ପର୍ଯ୍ୟନ୍ତ କୌଣସି ବୋଲରଙ୍କୁ ଏହି ସୁଯୋଗ ମିଳିନାହିଁ ।
