ଟେଷ୍ଟ କ୍ରିକେଟ ହେଉଛି ଖେଳର ସର୍ବପୁରାତନ ଫର୍ମାଟ। କିନ୍ତୁ ଦିନିକିଆ, ଟି-୨୦ର ଆଗମନ ପରଠାରୁ ଏହାର ରୋମାଞ୍ଚକ ପୂର୍ବ ଅପେକ୍ଷା କମ ରହିଛି। କିନ୍ତୁ ୭୩ ବର୍ଷ ପୂର୍ବେ, ୧୯୪୮ରେ, ଏକ ଟେଷ୍ଟ ମ୍ୟାଚ୍ ଖେଳାଯାଇଥିଲା ଯାହା ଟି୨୦ ଏବଂ ଦିନିକିଆ ଅପେକ୍ଷା ଅଧିକ ରୋମାଞ୍ଚକର ଥିଲା। ଏହାର କାରଣ ହେଉଛି ଏହି ଟେଷ୍ଟର ଫଳାଫଳ ଶେଷ ବଲରେ ଆସିଥିଲା ଏବଂ ଟେଷ୍ଟର ୧୪୪ ବର୍ଷର ଇତିହାସରେ ଏହା ହେଉଛି ଏକମାତ୍ର ମ୍ୟାଚ, ଯେଉଁଥିରେ ଶେଷ ବଲରେ ବିଜୟ କିମ୍ବା ପରାଜୟ ସ୍ଥିର ହୋଇଥିଲା। ଏହି ଟେଷ୍ଟ ୧୯୪୮ମସିହାରେ ଡର୍ବାନରେ ଇଂଲଣ୍ଡ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିଲା ଏବଂ ଫଳାଫଳ ଏହି ଦିନ ଅର୍ଥାତ୍ ୨୦ ଡିସେମ୍ବରରେ ଆସିଥିଲା।
ଏହି ଟେଷ୍ଟରେ ଦକ୍ଷିଣ ଆଫ୍ରିକା ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। କିନ୍ତୁ ଆୟୋଜକ ଦେଶର ସମଗ୍ର ଦଳ ୧୬୧ ରନରେ ଅଲଆଉଟ ହୋଇଥିଲେ। ଏହାର ଜବାବରେ ଲେନ ହାଟନ ଏବଂ ଡେନିସ କମ୍ପପଟନଙ୍କ ଅର୍ଦ୍ଧଶତକ ଯୋଗୁ ଇଂଲଣ୍ଡ ୨୫୩ ରନ ସ୍କୋର କରିଥିଲା। ଅର୍ଥାତ୍ ପ୍ରଥମ ଇନିଂସ ଆଧାରରେ ଭ୍ରମଣକାରୀ ଦଳ ୯୨ ରନର ଅଗ୍ରଣୀ ହାସଲ କରିଥିଲା। ଦ୍ୱିତୀୟ ଇନିଂସରେ ମଧ୍ୟ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନମାନେ ବଡ଼ ସ୍କୋର କରିପାରି ନ ଥିଲେ ଏବଂ ଟିମ୍ ୨୧୯ ରନ୍ରେ ଅଲଆଉଟ୍ ହୋଇଯାଇଥିଲା। ଜିତିବା ପାଇଁ ଇଂଲଣ୍ଡ ୧୨୮ ରନ ସଂଗ୍ରହ କରିଥିଲା। ଟାର୍ଗେଟ ସାମାନ୍ୟ ଥିଲା । କିନ୍ତୁ ଇଂଲଣ୍ଡକୁ ଏହା ହାସଲ କରିବାରେ ସଂଘର୍ଷ କରିବାକୁ ପଡିଥିଲା। ୧୧୬ ରନରେ ଇଂଲଣ୍ଡ ୮ ଉଇକେଟ ହରାଇଥିଲା ଏବଂ ଜିତିବା ପାଇଁ ଇଂଲଣ୍ଡକୁ ଆଉ ୧୨ ରନ ଆବଶ୍ୟକ ଥିଲା। ଆଲେକ ବେଡସର୍ ଏବଂ କ୍ଲିଫ ଗ୍ଲାଡୱିନ କ୍ରିଜରେ ଥିଲେ। ଉଭୟ ଧୀରେ ଧୀରେ ବିଜୟର ଲକ୍ଷ୍ୟ ଆଡକୁ ଗଲେ । ମ୍ୟାଚର ଶେଷ ଓଭରରେ ଇଂଲଣ୍ଡ ଜିତିବା ପାଇଁ ୮ ବଲରୁ ୮ ରନ ଆବଶ୍ୟକ ଥିଲା ଏବଂ ୨ ଉଇକେଟ ବାକି ଥିଲା। ସେତେବେଳେ ଓଭର ପିଛା ୮ଟି ବଲ୍ ଥିଲା। ଦକ୍ଷିଣ ଆଫ୍ରିକା ପାଇଁ ଲିଣ୍ଡସେ ଟକେଟ ଶେଷ ଓଭର ବୋଲିଂ କରିଥିଲେ। ଟକେଟଙ୍କ ଷଷ୍ଠ ବଲରୁ ୧ ରନ ନେଇ ବେଡସର ସ୍କୋରକୁ ସମାନ କରିଥିଲେ। ଏପରିକି ଏହି ସମୟରେ ମ୍ୟାଚ ଡ୍ର, ଟାଇ ହୋଇପାରିଥାନ୍ତା କିମ୍ବା ଉଭୟେ ଜିତିଥାନ୍ତେ। ଏହି ସମୟରେ ଶେଷ ବଲ୍ରେ ଗ୍ଲାଡଓ୍ବିନ୍ ବିଜୟ ସୂଚକ ସଟ୍ ଖେଳି ମ୍ୟାଚ୍ ଜିତାଇଥିଲେ। ଫଳରେ ଇଂଲଣ୍ଡ ୨ ଉଇକେଟ୍ ମ୍ୟାଚ୍ ଜିତି ଇତିହାସ ପୃଷ୍ଠାରେ ନିଜ ନଁା ରେକର୍ଡ କରିଥିଲା।
