ଇସଲାମାବାଦ୍,୨୮।୪:ନ୍ୟୁଜିଲାଣ୍ଡ ବିପକ୍ଷ ପଞ୍ଚମ ଟି-୨୦ ମ୍ୟାଚରେ ପାକିସ୍ତାନ ପେସ୍ ଶାହିନ ଆଫ୍ରିଦି ଏକ ଚମତ୍କାର ରେକର୍ଡ ସୃଷ୍ଟି କରି ଟି -୨୦ କ୍ରିକେଟ ରେ ଇତିହାସ ସୃଷ୍ଟି କରିଛନ୍ତି। ଟି-୨୦ରେ ଶାହିନ ପ୍ରଥମ ଓଭରରେ ସର୍ବାଧିକ ଉଇକେଟ ନେଇ ବୋଲର ହୋଇଛନ୍ତି। ଟି-୨୦ରେ ପ୍ରଥମ ଓଭରରେ ଶାହିନ ତାଙ୍କ କ୍ୟାରିୟରରେ ମୋଟ ୫୦ ଉଇକେଟ ନେବାରେ ସଫଳ ହୋଇଛନ୍ତି। ଅର୍ଥାତ୍ ଟି-୨୦ରେ ପ୍ରଥମ ଓଭରରେ ୫୦ ଉଇକେଟ ନେଇ ଶାହିନଙ୍କ ନାମରେ ଏକ ବିଶ୍ୱ ରେକର୍ଡ ହାସଲ ହୋଇଛି। ଏହି ପ୍ରସଙ୍ଗରେ ଭାରତର ଭୁବନେଶ୍ୱର କୁମାର ଦ୍ୱିତୀୟ ସ୍ଥାନରେ ଅଛନ୍ତି। ଭୁଭି ଟି-୨୦ରେ ପ୍ରଥମ ଓଭରରେ ଏପର୍ଯ୍ୟନ୍ତ ୪୩ଟି ଉଇକେଟ ନେଇଛନ୍ତି।
ଶାହିନ ଆଫ୍ରିଦି – ୫୦ ଉଇକେଟ
ଭୁବନେଶ୍ୱର କୁମାର – ୪୩ ଉଇକେଟ
ଡେଭିଡ ଭିଲାର – ୪୧ ଉଇକେଟ
ମହମ୍ମଦ ଆମିର – ୩୮ ଉଇକେଟ
ସୋହେଲ ତନଭୀର – ୩୫ ଉଇକେଟ
ପାକିସ୍ତାନ ଟି-୨୦ ମ୍ୟାଚକୁ ୯ ରନରେ ଜିତିବାରେ ସଫଳ ହୋଇଥିଲା। ଶାହିନ ଆଫ୍ରିଦି ପାକିସ୍ତାନ ପାଇଁ ଚମତ୍କାର ବୋଲିଂ କରିଥିଲେ ଏବଂ ୪ ଓଭରରେ ୩୦ ରନ ପାଇଁ ୪ ଉଇକେଟ ନେବାରେ ସଫଳ ହୋଇଥିଲେ।
