ରଙ୍ଗର ପର୍ବ ହୋଲି। ଏହି ଖେଳର ମଜା ନିଆରା। ବେଶ୍ ମଉଜ ମସ୍ତିରେ ସାଙ୍ଗମାନଙ୍କ ସହ ହୋଲି ଖେଳିବା ପରେ ଶରୀରରେ ଲାଗିଥିବା ରଙ୍ଗକୁ ଛଡ଼ାଇବା କଥା ଆସିଥାଏ। ଏଭଳି କେତେକ ରଙ୍ଗ ଅଛି, ଯାହା ସହଜରେ ଛାଡ଼ି ନ ଥାଏ। ତେଣୁ ସେହି ସମୟରେ ନିମ୍ନଲିଖିତ ଟିପ୍ସ ଆପଣେଇପାରନ୍ତି….
ନିଜ କେଶକୁ କେମିକାଲଠାରୁ ଦୂରେଇ ରଖିବାକୁ ହେଲେ ହୋଲି ଖେଳିବା ପୂର୍ବରୁ ଆପଣ ପ୍ରଥମେ କେଶରେ ତେଲ ଭଲ ଭାବେ ଲଗାଇ ଦିଅନ୍ତୁ।
ସ୍କିନ୍ ଉପରେ ଭଲ ଭାବେ ନଡ଼ିଆ ତେଲ ଲଗାଇ ମାଲିସ୍ କରିଦିଅନ୍ତୁ।
ନଖ ଉପରେ କୌଣସି ବି ନେଲ ପେଣ୍ଟ ଲଗାଇ ଦିଅନ୍ତୁ।
ଏପରି କରିବା ଦ୍ୱାରା କେଶ, ନେଲ, ସ୍କିନ୍ ଉପରେ ରଙ୍ଗ ଲାଗିବନି। ଫଳରେ ଏହା ସହଜରେ ଛାଡିଯିବ।
ଆପଣ ହୋଲି ଖେଳିବା ସମୟରେ ମୁଣ୍ଡରେ ହ୍ୟାଟ କିମ୍ବା କ୍ୟାପ୍ ଲଗାଇ ଖେଳିପାରିବେ।
ଯଦି ଆପଣଙ୍କ ସ୍କିନ୍ ସାବୁନ୍ ଲଗାଇବା ଦ୍ୱାରା ଡ୍ରାଏ ହୋଇଯାଉଥାଏ, ତେବେ ଆପଣ ଏକ ପାତ୍ରରେ ଅଟା ନିଅନ୍ତୁ। ଏହାପରେ ସେଥିରେ ଅଳ୍ପ ତେଲ ପକାଇ ଭଲଭାବେ ମିଶାଇ ଦିଅନ୍ତୁ। ପରେ ଏହାକୁ ଭଲଭାବେ ଶରୀରରେ ଲଗାଇ ଦିଅନ୍ତୁ। ପରେ ଏହାକୁ ରଗଡ଼ି ରଗଡ଼ି ସଫା କରନ୍ତୁ।
ରଙ୍ଗ ଛଡ଼ାଇବାକୁ ହେଲେ ଫେସ୍ପ୍ୟାକ୍ ଏକ ଭଲ ଅପସନ୍। ଏହାକୁ ପ୍ରସ୍ତୁତ କରିବାକୁ ହେଲେ ଏକ ପାତ୍ରରେ ବେସନ, ହଳଦୀ, ଅଟା ଓ ସୋରିଷ ତେଲକୁ ଭଲ ଭାବେ ମିଶାନ୍ତୁ। ଏବେ ଏହାକୁ ଶରୀର ଏବଂ ମୁହଁରେ ଲଗାନ୍ତୁ। ପୁଣି ଧୀରେ ଧୀରେ ଏହାକୁ ସ୍କ୍ରବ୍ କରନ୍ତୁ। ଦେଖିବେ ଲାଗିଥିବା ରଙ୍ଗ ଛାଡ଼ିଯିବ।
ଏକ ପାତ୍ର ନେଇ ସେଥିରେ ମୁଲ୍ତାନୀ ମାଟି ପାଉଡର ନିଅନ୍ତୁ। ସେଥିରେ କ୍ଷୀର କିମ୍ବା ପାଣି ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏବେ ଏହି ପେଷ୍ଟକୁ ମୁହଁ ଓ ଶରୀରରେ ଲଗାନ୍ତୁ। ତା’ପରେ ଏହାକୁ ଧୀରେ ଧୀରେ ରଗଡ଼ି ଭଲଭାବେ ଧୋଇ ଦିଅନ୍ତୁ।
ନଖକୁ ସାବୁନ୍ରେ ଭଲ ଭାବେ ସଫା କରନ୍ତୁ ଓ ଏକ ମଗରେ ପାଣି ନିଅନ୍ତୁ। ସେଥିରେ ଏକ ଚାମଚ ବେକିଂ ସୋଡା, ଲେମ୍ବୁରସ ମିଶ୍ରଣ ପାଣିରେ ହାତକୁ ପାଞ୍ଚ ମିନିଟ୍ ପର୍ଯ୍ୟନ୍ତ ବୁଡାଇ ରଖନ୍ତୁ। ପୁଣି ହାତକୁ ବ୍ରଶ ସାହାଯ୍ୟରେ ଧୀରେ ଧୀରେ ସଫା କରି କ୍ରିମ୍ ଲଗାନ୍ତୁ। ଏହା ଦ୍ୱାରା ରଙ୍ଗ ସଫା ହୋଇଯିବ।
