ସମଗ୍ର ବିଶ୍ୱ ରହସ୍ୟରେ ପରିପୂର୍ଣ୍ଣ। ଦୁନିଆରେ ଏପରି ଅନେକ ରହସ୍ୟ ରହିଛି, ଯାହାର ସମାଧାନ ଆଜି ପର୍ଯ୍ୟନ୍ତ ହୋଇପାରିନାହିଁ। ବୈଜ୍ଞାନିକମାନେ ମଧ୍ୟ ଏହି ରହସ୍ୟର ସମାଧାନ ପାଇଁ ନିରନ୍ତର ଚେଷ୍ଟା କରୁଛନ୍ତି। କିଛି ସଫଳତା ପାଆନ୍ତି ତ ଆଉ କିଛି ରହସ୍ୟ ଉପରୁ ପରଦା ହଟାଇ ପାରନ୍ତି ନାହିଁ।
ଦୁନିଆରେ ବହୁ ଜଙ୍ଗଲ, ପର୍ବତ, ନଦୀ, ଦ୍ୱୀପପୁଞ୍ଜ ରହିଛି ଯାହାର ରହସ୍ୟ ଆଜିପର୍ଯ୍ୟନ୍ତ ଜଣାପଡ଼ିନାହିଁ। କେତେକ ସ୍ଥାନ ଏଲିଅନ୍ ଯୋଗୁ ରହସ୍ୟମୟ ହୋଇଯାଏ, ଆଉ ବେଳେବେଳେ ଭୂତମାନଙ୍କ ହେତୁ ଅନେକ ସ୍ଥାନ ରହସ୍ୟମୟ ହୋଇଯାଏ। କେତେକ ସ୍ଥାନରେ ପଥରଗୁଡ଼ିକ ବାୟୁରେ ଝୁଲୁଥିବାର ମଧ୍ୟ ଦେଖିବାକୁ ମିଳେ। ଆଜି ଏମିତି ଏକ ରହସ୍ୟମୟ ସ୍ଥାନ ସମ୍ପର୍କରେ କହିବୁ ଯାହା ଜାଣିଲେ ଆଶ୍ଚର୍ଯ୍ୟ ହେବେ।
ଆଣ୍ଡାମାନରେ ସେଣ୍ଟିନେଲ୍ ଆଇଲ୍ୟାଣ୍ଡ ରହିଛନ୍ତି। ଏହି ଦ୍ୱୀପରେ ବିପଜ୍ଜନକ ଆଦିବାସୀ ବାସ କରନ୍ତି। ଦୁନିଆର କାହା ସହିତ ସେମାନଙ୍କର କୌଣସି ସମ୍ପର୍କ ନାହିଁ। ଏହି ଲୋକମାନେ ଦ୍ୱୀପୀ ବାହାରକୁ କେବେ ଆସନ୍ତି ନାହିଁ କିମ୍ବା କୌଣସି ବାହାର ଲୋକଙ୍କୁ ଏଠାକୁ ଆସିବାକୁ ଦିଅନ୍ତି ନାହିଁ। ଏହା ପଛର କାରଣ କ’ଣ, ଏହା ଆଜି ପର୍ଯ୍ୟନ୍ତ ମଧ୍ୟ ଜଣାନାହ। ଲୋକମାନେ ଏଠାକୁ ଯିବା ଅତ୍ୟନ୍ତ ବିପଜ୍ଜନକ ମନେ କରନ୍ତି। ତେଣୁ ଏହି ଦ୍ୱୀପକୁ ସାଧାରଣ ଲୋକଙ୍କ ପ୍ରବେଶ କଟକଣା ରହିଛି।
