ଦୁନିଆରେ କିଛି ନା କିଛି ଅଜବ ଘଟଣା ଦେଖିବାକୁ ମିଳିଥାଏ। ଯାହା ଦେଶ ବିଦେଶରେ ଚର୍ଚ୍ଚା ହୋଇଥାଏ। କିଛି ବିଚିତ୍ର କଥା ଅଛି ଶୁଣିବା ପରେ ବି ବିଶ୍ୱାସ ହୋଇ ନ ଥାଏ। ଏମିତି ଏକ ବିଚିତ୍ର ଘଟଣା ଦେଖିବାକୁ ମିଳିଛି କେରଳରେ।
କେରଳର ମଲପପୁର ଜିଲା କୋଡିହ୍ନି ଗାଁରେ କେବଳ ଯାଁଳା ପିଲା ଜନ୍ମ ହୋଇଥାନ୍ତି। ଏପରିକି ଏହି ଯାଁଳା ପିଲାଙ୍କୁ ଦେଖିବାକୁ ଆଖପାଖ ଗାଁର ଲୋକେ ଆସିଥାନ୍ତି। ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଏହି ଗାଁରେ ଏତେ ଯାଁଳା ପିଲା କାହିଁକି ଜନ୍ମ ହେଉଛନ୍ତି। ଯାହାର କାରଣ ଆଜି ପର୍ଯ୍ୟନ୍ତ ଖୋଜି ପାଉନାହାନ୍ତି ବିଶେଷଜ୍ଞମାନେ।
ଗାଁକୁ ଏକ ବିଶେଷଜ୍ଞ ଦଳ ଆସିଥିଲେ। ମାତ୍ର ଏହି କାରଣ ଉପରୁ ଏ ପର୍ଯ୍ୟନ୍ତ ପରଦା ହଟାଇ ପାରିନାହାନ୍ତି। ଏଠାକାର ସ୍ଥାନୀୟ ଲୋକେ କୁହନ୍ତି, ଏହି ଗାଁରେ ଈଶ୍ୱରଙ୍କ କୃପା ରହିଛି। ଯେଉଁ କାରଣରୁ ଯାଁଳା ପିଲା ଜନ୍ମ ହେଉଛନ୍ତି। ଗତ ୫୦ ବର୍ଷ ଧରି ଏହି ଗାଁରେ ୪୦୦ରୁ ଅଧିକ ଯାଁଳା ପିଲା ଜନ୍ମ ନେଇଛନ୍ତି।
୨୦୧୬ରେ ଏକ ଟିମ୍ ଏହି ଗାଁକୁ ଆସିଥିଲା। ଗାଁର ଯାଁଳା ପିଲାଙ୍କୁ ଏକାଠି କରିଥିଲା। କିନ୍ତୁ ରିସର୍ଚ୍ଚରେ କୌଣସି ନିଷ୍କର୍ଷ ବାହାରି ପାରିଲାନି। କିଛି ଲୋକ କହିଛନ୍ତି, ଏହି ଗାଁର ପାଣି ପବନ ଏମିତି ଯେଉଁଥିପାଇଁ ଯାଁଳା ପିଲା ଜନ୍ମ ନେଉଛନ୍ତି। ଏହି ଟିମ୍ ଲୋକଙ୍କ ଖାଇବା ପିଇବା ରହିବା ପ୍ରତି ଅଧ୍ୟୟନ କରିଥିଲେ। ଏହା ପରେ ବି କୌଣସି କାରଣ ଖୋଜି ପାରିପାରିଲେନି। ଆଜି ବି ଏହା ରହସ୍ୟାବୃତ୍ତ ହୋଇରହିଛି।
