କେନ୍ଦୁଝର,୨୦।୧୨(ସ୍ବ.ପ୍ର.) କେନ୍ଦୁଝର ଜିଲାରେ ଶିକ୍ଷକ ଅଭାବ ଯୋଗୁ ୨୦୮ଟି ସରକାରୀ ବିଦ୍ୟାଳୟରେ ଶିକ୍ଷୟିତ୍ରୀଶିକ୍ଷକ ପଦବୀ ଖାଲି ରହିଛି। ଫଳରେ ଶିକ୍ଷାଦାନ ବାଧାପ୍ରାପ୍ତ ହେଉଛି।
ସରକାରୀ ବିଦ୍ୟାଳୟଗୁଡ଼ିକରେ ସଂସ୍କୃତ ଶିକ୍ଷକମାନେ ବିଜ୍ଞାନ ପଢ଼ାଉଥିବାବେଳେ କ୍ରୀଡ଼ା ଶିକ୍ଷକ ଇତିହାସ, ଭୂଗୋଳ, ଗଣିତ, ହିନ୍ଦୀ ପଢ଼ାଉଛନ୍ତିି। ମୋଚିବନ୍ଧ ସରକାରୀ ହାଇସ୍କୁଲରେ କ୍ରୀଡ଼ା ଶିକ୍ଷକ ଇତିହାସ ଓ ଭୂଗୋଳ ପଢ଼ାଉଛନ୍ତି। ୨୦୨୧ ନଭେମ୍ବର ୩୦ ତାରିଖ ସୁଦ୍ଧା ୬୫୪ ଶିକ୍ଷକ ପଦବୀ ଖାଲି ପଡ଼ିଛି। ଅନୁଯାୟୀ, ଜିଲାରେ ୪୯ ପ୍ରଧାନଶିକ୍ଷକ, ବିଜ୍ଞାନ(ପିସିଏମ) ଶିକ୍ଷକ ୭୩, ବିଜ୍ଞାନ(ସିବିଜେଡ୍) ଶିକ୍ଷକ ୭୫,୧୫୧ କଳା ଶିକ୍ଷକ, ଆଇଏସିଟି ୧୭, ତାଲିମପ୍ରାପ୍ତ ମାଟ୍ରିକ ୧୭, ସଂସ୍କୃତ ଶିକ୍ଷକ ୭୮, ହିନ୍ଦୀ ଶିକ୍ଷକ ୧୧୪, ଖେଳ ଶିକ୍ଷକ ୮୦ ଏପରି ମୋଟ ୬୫୪ ଶିକ୍ଷକ ପଦବୀ ଖାଲି ରହିଛି। ୧୭୪୮ମଞ୍ଜୁରୀପ୍ରାପ୍ତ ଶିକ୍ଷୟିତ୍ରୀଶିକ୍ଷକଙ୍କ ମଧ୍ୟରୁ ୧୦୯୪ ଜଣ ଶିକ୍ଷକ ଅଛନ୍ତି। ସେହିପରି ମଞ୍ଜୁରୀପ୍ରାପ୍ତ ୨୦୨କିରାଣୀ ପଦବୀରୁ ୯୯ଜଣ କାମ କରୁଥିବାବେଳେ ୧୦୩ ପଦବୀ ଖାଲିପଡ଼ିଛି। ୪୬୧ମଞ୍ଜୁରୀପ୍ରାପ୍ତ ପିଅନ ପଦବୀ ମଧ୍ୟରୁ ୨୧୬ଜଣ କାମ କରୁଥିବାବେଳେ ୨୪୫ଟି ପଦବୀ ଖାଲି ପଡ଼ିଛି। ୧୯୭ ମଞ୍ଜୁରୀପ୍ରାପ୍ତ ରାତ୍ର ଜଗୁଆଳି ଓ ଝାଡୁଦାର ପଦବୀରୁ ୧୦୮ଜଣ କାମ କରୁଥିବାବେଳେ ୮୯ଟି ପଦବୀ ଖାଲିପଡ଼ିଛି। ମୋଟ ୮୬୦ଜଣ ଅଣଶିକ୍ଷକ ପଦବୀ ମଧ୍ୟରୁ ୪୨୫ଜଣ କର୍ମଚାରୀ କାମ କରୁଥିବାବେଳେ ୪୩୫ ପଦବୀ ଖାଲି ପଡ଼ିଛି। ଏଣୁ ତୁରନ୍ତ ନିଯୁକ୍ତି ଦେବାକୁ ଅବସରପ୍ରାପ୍ତ ପ୍ରଧାନ ଶିକ୍ଷକ ତଥା ଓଷ୍ଟାର ରବୀନ୍ଦ୍ର କୁମାର ପଣ୍ଡା କହିଛନ୍ତି ।
ଅନ୍ତର୍ଗତ ବିଦ୍ୟାଳୟ ରୂପାନ୍ତରୀକରଣ କାର୍ଯ୍ୟକ୍ରମରେ କେନ୍ଦୁଝରରେ ୧୦୦ଟି ସରକାରୀ ଉଚ୍ଚ ବିଦ୍ୟାଳୟର ଭିତ୍ତିଭୂମିର ବିକାଶ କରାଯାଇଛି। ମାତ୍ର ଏହି ବିଦ୍ୟାଳୟରେ ବହୁ ଶିକ୍ଷକ ପଦବୀ ଖାଲି ପଡିଥିବାରୁ ଶିକ୍ଷାଦାନ ବାଧାପ୍ରାପ୍ତ ହୋଇଛି। ଆଉ କିଛି ମାସ ପରେ ମାଟ୍ରିକ ବୋର୍ଡ ପରୀକ୍ଷା ହେବାକୁ ଥିବାବେଳେ ଶିକ୍ଷକ ସମସ୍ୟା ଛାତ୍ରୀଛାତ୍ରଙ୍କ ପାଇଁ ଚିନ୍ତାର କାରଣ ହୋଇଛି। ଝୁମ୍ପୁରା ବ୍ଲକ ନୟାଗଡ଼ ନୋଡାଲ ଉଚ୍ଚ ବିଦ୍ୟାଳୟରେ ଜଣେ ହେଲେ ଶିକ୍ଷକ ନ ଥିବାରୁ ପାଠପଢ଼ା ବ୍ୟାହତ ହେଉଛି। ଏଠାରେ ଏବେ ପ୍ରାଥମିକ ଶିକ୍ଷକ ହାଇସ୍କୁଲରେ ପାଠ ପଢ଼ାଉଛନ୍ତି। ଓଡ଼ିଶା ସରକାର ଗତ ମାର୍ଚ୍ଚ ମାସରେ ସରକାରୀ ବିଦ୍ୟାଳୟ ଗୁଡ଼ିକରେ ପାଠ ପଢ଼ିଥିବା ଛାତ୍ରୀଛାତ୍ରଙ୍କ ପାଇଁ ଇଞ୍ଜିିନିୟରିଂ ଓ ଡାକ୍ତରୀ ପାଠ୍ୟକ୍ରମ ପାଇଁ ହେଉଥିବା ପରୀକ୍ଷାରେ ୧୫ପ୍ରତିଶତ ସ୍ଥାନ ସଂରକ୍ଷଣ କରିଥିବାବେଳେ କେଉଁ ଭରସାରେ ଅଭିଭାବକମାନେ ସେମାନଙ୍କର ପିଲାଙ୍କୁ ଏହି ସରକାରୀ ବିଦ୍ୟାଳୟକୁ ପଠାଇବେ ସେନେଇ ପ୍ରଶ୍ନବାଚୀ ସୃଷ୍ଟିି ହୋଇଛି। ଏସମ୍ପର୍କରେ ଜିଲା ଶିକ୍ଷା ଅଧିକାରୀ ପୂର୍ଣଚନ୍ଦ୍ର ସେଠୀ କହିଛନ୍ତି, ଖାଲଥିବା ପଦବୀଗୁଡ଼ିକ ପୂରଣ କରିବା ନେଇ ପଦକ୍ଷେପ ନିଆଯାଉଛି।
