ଖଇରା/ଔପଦା, ୨୦।୧୨(ଡି.ଏନ.ଏ): ବାଲେଶ୍ୱର ଜିଲା ଔପଦା ଥାନା ଅଞ୍ଚଳରେ ୨ଚୋରଙ୍କୁୁ ଧରି ଗ୍ରାମବାସୀ ପୋଲିସ ଜିମା ଦେଇଛନ୍ତି। ୫ଦିନ ଧରି ଖୋଳତାଡ଼ ପରେ ସେମାନଙ୍କଠାରୁ ନଗଦ ୧.୫ଲକ୍ଷ ଟଙ୍କା ଓ ୫ଲକ୍ଷ ଟଙ୍କାର ଅଳଙ୍କାର ଉଦ୍ଧାର କରାଯାଇଛି। ରବିବାର ଉଭୟଙ୍କୁ କୋର୍ଟ ଚାଲାଣ କରାଯାଇଛି। ଅଭିଯୁକ୍ତ ଦ୍ୱୟ ହେଲେ ଜଗତସିଂପୁର ଜିଲା ନାଉଗଁା ଥାନା ଗଜରାଜପୁର ଗ୍ରାମର ବିଜୟ କୁମାର ଓରଫ ବାଲୁକେଶ୍ୱର ପରିଡ଼ା ଓ ଭଦ୍ରକ ଜିଲା ତିହିଡି ଥାନା ଶଙ୍ଖଡ଼ା ଗ୍ରାମର ପ୍ରସନ୍ନ କୁମାର ଜେନା। ଏହି ୨ଜଣ ଅନ୍ୟ କିଛି ସହଯୋଗୀଙ୍କ ସହ ମିଶି ଦିନରେ ଫେରିବାଲା ଭାବେ ଗଁାରେ ଜିନିଷ ବିକି ରାତିରେ ଚୋରି କରୁଥିବା ପୋଲିସ କହିଛି।
ଅନୁଯାୟୀ, ପାଟପୁର ଗ୍ରାମର ପ୍ରଶାନ୍ତ ନାୟକ, ରଞ୍ଜ ନାୟକ ଓ ଦୁକଣ୍ଡ ଖଇରା ଗ୍ରାମର ରମାକାନ୍ତ ମହାପାତ୍ରଙ୍କ ଘରୁ ଚୋରି ହେବା ନେଇ ଥାନାରେ ମାମଲା (ନଂ.୯୭,୯୮ ଓ ୯୯/୨୧) ରୁଜୁ ହୋଇଥିଲା ବେଳେ ପୋଲିସକୁ ସଫଳତା ମିଳି ପାରି ନ ଥିଲା। ୧୫ତାରିଖ ସନ୍ଧ୍ୟାରେ ବିନୋଦ ପାତ୍ରଙ୍କ ଅନୁପସ୍ଥିତିରେ ଚୋରମାନେ ତାଙ୍କ ଗ୍ରୀଲ କାଟି ଘରେ ପଶି ଚୋରି କରୁଥିବା ବେଳେ ଗ୍ରାମବାସୀ ସେମାନଙ୍କ ମଧ୍ୟରୁ ୨ଜଣଙ୍କୁ କାବୁ କରିଥିଲେ। ଅନ୍ୟମାନେ ଫେରାର ହୋଇଯାଇଥିବା ନିଳଗିରି ଏସ୍ଡିପିଓ ରିତେଶ କୁମାର ମହାପାତ୍ର ଓ ଥାନା ଅଧିକାରୀ ସାଲଖାନ୍ ମୁର୍ମୁ ସୂଚନା ଦେଇଛନ୍ତି ା ଗିରଫ ଅଭିଯୁକ୍ତମାନଙ୍କ ନାମରେ ବାଲେଶ୍ୱର ସମେତ ମୟୂରଭଞ୍ଜ ଓ ଭଦ୍ରକ ଜିଲାର ବିଭିନ୍ନ ଥାନାରେ ମାମଲା ରହିଥିବା ଏସ୍ଡିପିଓ ମହାପାତ୍ର ପ୍ରକାଶ କରିଛନ୍ତି ା
