କେସିଙ୍ଗା,୧୫ା୫(ଡି.ଏନ୍.ଏ.): କଳାହାଣ୍ଡି ଜିଲା ଭବାନୀପାଟଣା ସଦର ଥାନା ଅଧିନସ୍ଥ କର୍ଲାପଡ଼ା ଫାଣ୍ଡି ଅନ୍ତର୍ଗତ ପଣ୍ଡି ଗାଁରେ ରବିବାର ଅଭାବନୀୟ କାଣ୍ଡ ଘଟିଛି।
ପ୍ରକାଶ ଯେ, ରବିବାର ସକାଳୁ ପଣ୍ଡି ଗାଁର ବଡ଼ ବାପାଙ୍କ ପୁଅ ଘାସିରାମ ଟାକରିଆ ଓ ମାରାଦେଭ ଟାକରିଆଙ୍କ ମଧ୍ୟରେ କୌଣସି କାରଣରୁ ପ୍ରଥମେ ବଚସା ହୋଇଥିଲା। ପରେ ଘଟଣାଟି ଉଗ୍ର ରୂପ ନେଇଥିଲା। ବଚସା ମଧ୍ୟରେ ସାନ ଭାଇ ମାରାଦେଭ ଟାକରିଆ ଏକ ଟାଙ୍ଗିଆ ଆଣି ବଡ଼ଭାଇଙ୍କୁ ଆକ୍ରମଣ କରିଥିଲେ। ଫଳରେ ଘଟଣାସ୍ଥଳରେ ବଡ଼ଭାଇ ଘାସିରାମଙ୍କ ମୃତ୍ୟୁ ଘଟିଥିଲା। ଘଟଣାସ୍ଥଳରେ ସଦର ପୋଲିସ ପହଞ୍ଚି ମୃତଦେହ ଜବତ କରିବା ସହ ଅଧିକ ତଦନ୍ତ ଜାରି ରଖିଛି । ହତ୍ୟାକାରୀ ସାନଭାଇଙ୍କୁ ପୋଲିସ ଅଟକ ରଖିଛି। ତେବେ ହତ୍ୟାକାଣ୍ଡ ସମୟରେ ସାନଭାଇଙ୍କ ସ୍ତ୍ରୀ ମଞ୍ଜୁଲତାଙ୍କ ଦେହରେ ଟାଙ୍ଗିଆ ବାଜିବାରୁ ସେ ମଧ୍ୟ ଆହତ ହୋଇ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ଜଣାପଡ଼ିଛି।
