ବାରିପଦା ଅଫିସ,୨୦ା୬: ରାଜ୍ୟ ସୀମାନ୍ତବର୍ତ୍ତୀ ମୟୂରଭଞ୍ଜ ଜିଲା ସାରସକଣା ବ୍ଲକ ତଥା ବାଙ୍ଗିରିପୋଷି ବନାଞ୍ଚଳରେ ରବିବାର ରାତିରେ ପୁଣି ଜଣେ ହାତୀ ଆକ୍ରମଣରେ ପ୍ରାଣ ହରାଇଛନ୍ତି। ମୃତକ ଜଣଙ୍କ ହେଲେ ଦୀଗାରିଶୋଳ ଗ୍ରାମର ବୁଧିଆ ମୁଣ୍ଡା (୩୮)। ଗାଁ ଦୋକାନରୁ ଚା’ ପିଇ ଫେରୁଥିବା ବେଳେ ୨୫ ଟିକିଆ ହାତୀପଲ ସହିତ ମୁହାଁମୁହିଁ ହେବାରୁ ଆକ୍ରମଣର ଶିକାର ହୋଇ ମୃତ୍ୟୁ ଘଟିଛି। ତାଙ୍କର ୨ ଝିଅ ଓ ଗୋଟିଏ ପୁଅ ଥିବା ଜଣାପଡ଼ିଛି। ଏନେଇ ଝାରପୋଖରିଆ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ସୋମବାର ମୃତଦେହ ବ୍ୟବଚ୍ଛେଦ ପାଇଁ ବାରିପଦା ଅଣାଯାଉଛି। ସ୍ଥାନୀୟ ଲୋକଙ୍କ ସୂଚନାନୁଯାୟୀ, ହାତୀଙ୍କ ସଂଖ୍ୟାକୁ ଦେଖି ସଫଳ ମୁକାବିଲା ନିମନ୍ତେ ବନ ବିଭାଗର କର୍ମଚାରୀଙ୍କ ସଂଖ୍ୟା ବ୍ୟାପକ ହେଉ ନ ଥିବାରୁ ସଫଳତା ମିଳିପାରୁନାହିଁ ।
୪ଦିନ ହେଲାଣି ପ୍ରାୟ ୭୦ରୁ ଊଦ୍ଧର୍ବ ଝାଡ଼ଖଣ୍ଡୀ ହାତୀପଲ ପ୍ରବେଶ କରି ଥିବାବେଳେ ସେମାନଙ୍କୁ ଘଉଡ଼ାଇ ପାଇଁ ନୟାନ୍ତ ହେବାକୁ ପଡ଼ିଛି । ହାତୀପଲ ବିଭିନ୍ନ ସମୟରେ ନିକଟସ୍ଥ ଗ୍ରାମକୁ ପ୍ରବେଶ କରି ଧାନ, ଚାଉଳ, ହାଣ୍ଡିଆ ଖାଇ ଉପଦ୍ରବ କରିବା ଦେଖିବାକୁ ମିଳୁଛି।
