ନୂଆଦିଲ୍ଲୀ,୨୦।୫:କୋଲକାତା ନାଇଟ ରାଇଡର୍ସ (କେକେଆର୍) ବ୍ୟାଟ୍ସମ୍ୟାନ ନୀତୀଶ ରାଣା ଗତ କିଛି ଆଇପିଏଲ ସିଜିନରେ ଭଲ ପ୍ରଦର୍ଶନ କରିଆସୁଛନ୍ତି। ଏହି ସମୟରେ ନୀତୀଶଙ୍କ ସ୍ତ୍ରୀ ସାଚ୍ଚି ମାରୱା ଏକ ଭିଡିଓ ପୋଷ୍ଟ କରିଛନ୍ତି। ଭିଡିଓରେ ସେ ନୀତୀଶ ରାଣାଙ୍କୁ ପିଠିରେ ଉଠାଇ ଏକ ବ୍ୟାୟାମ କରୁଥିବାର ନଜର ଆସିଛନ୍ତି। ପ୍ରଶଂସକମାନେ ଏହି ଭିଡିଓକୁ ବହୁତ ପସନ୍ଦ କରିଛନ୍ତି। ୨୦୧୫ରେ ନୀତୀଶ ଆଇପିଏଲ ଡେବ୍ୟୁ କରିଥିଲେ ଏବଂ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିଥିଲେ। ମୁମ୍ବାଇ ତାଙ୍କୁ ୧୦ ଲକ୍ଷରେ କିଣିଥିଲା। ମୁମ୍ବାଇ ଦଳରେ ସେ ୩ ବର୍ଷ ରହିଲେ। ୨୦୧୭ରେ ମୁମ୍ବାଇକୁ ବିଜେତା କରିବାରେ ସେ ଏକ ପ୍ରମୁଖ ଭୂମିକା ଗ୍ରହଣ କରିଥିଲେ। ସେ ୧୩ଟି ମ୍ୟାଚରେ ୩୩୩ ରନ ସ୍କୋର କରିଥିଲେ, ତାଙ୍କର ଷ୍ଟ୍ରାଇକ ହାର ୧୨୬ ଥିଲା। ନୀତୀଶଙ୍କୁ ୨୯୧୮ରେ ୩.୪ କୋଟିରେ କେକେଆର କିଣିଥିଲା ଏବଂ ସେବେଠାରୁ ସେ ଏହି ଦଳର ଏକ ଅଂଶ ଅଟନ୍ତି। ନୀତୀଶ ରାଣା ଦିଲ୍ଲୀର ବାସିନ୍ଦା। ସେ ୨୦୧୮ରେ ସାଚ୍ଚି ମାରୱାଙ୍କୁ ବିବାହ କରିଥିଲେ। ସାଚ୍ଚି ଜଣେ ଆର୍କିଟେକ୍ ଭାବରେ କାମ କରନ୍ତି।
ଆଇପିଏଲ ୨୦୨୧ ସ୍ଥଗିତ ହେବା ପୂର୍ବରୁ ନୀତୀଶ ଭଲ ଇନିଂସ ଖେଳିଥିଲେ। ସେ ସାତୋଟି ମ୍ୟାଚରେ ୨୦୧ ରନ ସ୍କୋର କରିଥିଲେ। ସେ ଶ୍ରୀଲଙ୍କା ବିପକ୍ଷ ଏକଦିବସୀୟ ଏବଂ ଟି -୨୦ ସିରିଜରେ ସୁଯୋଗ ପାଇଛନ୍ତି।
