ଜ୍ୟୋତିଷ ଶାସ୍ତ୍ରରେ, ସୂର୍ଯ୍ୟ ପରାଗକୁ ଏକ ଗୁରୁତ୍ୱପୂର୍ଣ୍ଣ ଭୂଗୋଳୀୟ ଘଟଣା ଭାବରେ ବିବେଚନା କରାଯାଏ । ସାରା ବିଶ୍ୱର ଜ୍ୟୋତିଷ ଓ ବୈଜ୍ଞାନିକମାନେ ଗ୍ରହଣ ଓ ପରାଗ ଉପରେ ନଜର ରଖନ୍ତି କାରଣ ଏହା ଆମ ଜୀବନ ଉପରେ ଗଭୀର ପ୍ରଭାବ ପକାଇଥାଏ। ଗତ କିଛି ଦିନ ଧରି, ସୋସିଆଲ ମିଡିଆରେ ସୂର୍ଯ୍ୟ ପରାଗ ବିଷୟରେ ଖବର ଭାଇରାଲ ହେବାରେ ଲାଗିଛି। ଯେଉଁଥିରେ କୁହାଯାଇଛି ଯେ ୨ ଅଗଷ୍ଟ, ୨୦୨୫ରେ ୧୦୦ ବର୍ଷ ମଧ୍ୟରେ ପ୍ରଥମ ଥର ପାଇଁ ସବୁଠାରୁ ଦୀର୍ଘ ସୂର୍ଯ୍ୟଗ୍ରହଣ ହେବାକୁ ଯାଉଛି। ଆସନ୍ତୁ ଜାଣିବା ଏହି ଦାବିରେ କେତେ ସତ୍ୟତା ଅଛି?
ସୋସିଆଲ ମିଡିଆରେ ଏକ ଭାଇରାଲ ଦାବି ଅନୁଯାୟୀ, ଅଗଷ୍ଟ ୨, ୨୦୨୫ରେ ସୂର୍ଯ୍ୟଗ୍ରହଣ ହେତୁ ସାରା ବିଶ୍ୱ ୬ ମିନିଟ ପାଇଁ ସମ୍ପୂର୍ଣ୍ଣ ଅନ୍ଧାରରେ ବୁଡିଯିବ ବୋଲି କୁହାଯାଉଛି। ଏହି ଦାବି ଅନୁସାରେ, ଏହା ଏକ ଅତ୍ୟନ୍ତ ବିରଳ ଘଟଣା ଏବଂ ଆଗାମୀ ଶତାବ୍ଦୀ ପର୍ଯ୍ୟନ୍ତ ଏପରି ଘଟଣା ଘଟିବ ନାହିଁ। କିନ୍ତୁ ନାସା ଏବଂ ଅନ୍ୟାନ୍ୟ ଖଗୋଳ ବିଶେଷଜ୍ଞମାନେ ଏହି ଦାବିକୁ ମିଥ୍ୟା ବୋଲି ସ୍ପଷ୍ଟ କରିଛନ୍ତି।
ଅଗଷ୍ଟରେ ସୂର୍ଯ୍ୟ ପରାଗ ହେବାର ଖବରରେ କୌଣସି ସତ୍ୟତା ନାହିଁ ଏବଂ ଏହି ଖବର ସମ୍ପୂର୍ଣ୍ଣ ମିଥ୍ୟା। ଭାରତୀୟ ମହାକାଶ ଗବେଷଣା ସଂଗଠନ (ISRO) ଓ ନାସାର ସରକାରୀ କ୍ୟାଲେଣ୍ଡର ଅନୁଯାୟୀ, ୨ ଅଗଷ୍ଟ, ୨୦୨୫ରେ କୌଣସି ଆଂଶିକ କିମ୍ବା ପୂର୍ଣ୍ଣ ସୂର୍ଯ୍ୟ ପରାଗ ହେବ ନାହିଁ। ୨୦୨୫ ମସିହାରେ ଦୁଇଟି ସୂର୍ଯ୍ୟ ପରାଗ ହେବ। ପ୍ରଥମ ସୂର୍ଯ୍ୟ ପରାଗ ୨୯ ମାର୍ଚ୍ଚ ୨୦୨୫ ରେ ହୋଇସାରିଛି। ଏବେ ଦ୍ୱିତୀୟ ସୂର୍ଯ୍ୟ ପରାଗ ୨୧ ସେପ୍ଟେମ୍ବର ୨୦୨୫ ରେ ହେବ ଯାହା ଏକ ଆଂଶିକ ସୂର୍ଯ୍ୟ ପରାଗ ହେବ।
