ଫୁଲବାଣୀ ଅଫିସ/ଫିରିଙ୍ଗିଆ,୩ା୩: ଫିରିଙ୍ଗିଆ ବ୍ଲକ ସାଡିଙ୍ଗିଆ ପଞ୍ଚାୟତ ଲେଣ୍ଡ୍ରିଗାଁ ସ୍କୁଲରେ ପ୍ରଧାନ ଶିକ୍ଷୟିତ୍ରୀଙ୍କ କାର୍ଯ୍ୟକଳାପରେ ଅତିଷ୍ଠ ଗ୍ରାମବାସୀ ଗୁରୁବାର ଚରମ ପଦକ୍ଷେପ ନେଇଛନ୍ତି। ପ୍ରଶାସନ ଦେଇଥିବା ପ୍ରତିଶ୍ରୁତି ଅନୁସାରେ ପ୍ରଧାନ ଶିକ୍ଷୟିତ୍ରୀଙ୍କୁ ବଦଳି କରା ନ ଯିବାରୁ ଗ୍ରାମବାସୀ ଉତ୍ତ୍ୟକ୍ତ ହୋଇ ତାଙ୍କୁ ଏକ ଡାଲା ଗାଡିରେ ଆଣି ଫିରିଙ୍ଗିଆ ବିଇଓଙ୍କ ପାଖରେ ଜିମା ଦେଇଛନ୍ତି। ଲେଣ୍ଡ୍ରି ଗାଁରେ ଥିବା ପ୍ରାଥମିକ ବିଦ୍ୟାଳୟରେ ପ୍ରଧାନଶିକ୍ଷୟିତ୍ରୀ ଅରୁଣିପ୍ରିୟା ଖଣ୍ଡାଇ କାର୍ଯ୍ୟରତ ଅଛନ୍ତି। ସେ ଅନେକ ସମୟରେ ଅଭିଭାବକଙ୍କୁ ଦୁର୍ବ୍ୟବହାର କରିବା ସହ ବିଦ୍ୟାଳୟକୁ ଆସିବାକୁ ବାରଣ କରନ୍ତିା ପରିଚାଳନା କମିଟି ବୈଠକ ନ କରି ଛାତ୍ରୀଛାତ୍ରଙ୍କୁ ଖାତାଦେଇ ଘର ଘର ବୁଲି ଦସ୍ତଖତ କରାନ୍ତିା କେହି ଅଭିଯୋଗ କଲେ ଧମକ ଦିଅନ୍ତିା ମଧ୍ୟାହ୍ନଭୋଜନ ପିଲାଙ୍କୁ ଠିକ୍ ଭାବରେ ଦିଅନ୍ତି ନାହିଁ। ଏଥିରେ ଅତିଷ୍ଠ ହୋଇ ଗ୍ରାମବାସୀ ଗତ ଜାନୁୟାରୀ ୪ ତାରିଖରେ ବିଦ୍ୟାଳୟରେ ତାଲା ପକାଇଥିଲେ। ସେତବେଳେ ବିଇଓ ଘଟଣାସ୍ଥଳରେ ପହଞ୍ଚତ୍ ତାଙ୍କୁ ଅନ୍ୟତ୍ର ବଦଳି କରାଯିବ ବୋଲି ପ୍ରତିଶ୍ରୁତି ଦେଇଥିଲେ। ହେଲେ ଆଜି ପର୍ଯ୍ୟନ୍ତ ତାଙ୍କ ବିରୋଧରେ ପ୍ରଶାସନ କିଛି କାର୍ଯ୍ୟାନୁଷ୍ଠାନ ଗ୍ରହଣ କଲାନି। ବାଧ୍ୟହୋଇ ଗ୍ରାମର ମହିଳାମାନେ ଶିକ୍ଷୟିତ୍ରୀଙ୍କୁ ଏକ ଡାଲା ଗାଡିରେ ଜବରଦସ୍ତ ଧରି ଆଣି ବିଇଓଙ୍କ କାର୍ଯ୍ୟାଳୟରେ ପହଞ୍ଚତ୍ଥିଲେ। ଖବରପାଇ ବିଡିଓ ରଶ୍ମୀରଞ୍ଜନ ମହନ୍ତ, ବିଇଓ ଅଶୋକ କୁମାର ମିଶ୍ର, ତହସିଲଦାର ଏମ୍ ଅନୁରାଧା ପହଞ୍ଚତ୍ଥିଲେ। ଶିକ୍ଷୟତ୍ରୀଙ୍କୁ ଅନ୍ୟତ୍ର ବଦଳି ନ ହେବା ପର୍ଯ୍ୟନ୍ତ ବିଇଓଙ୍କ କାର୍ଯ୍ୟାଳୟରେ ରଖିବାକୁ ଗ୍ରାମବାସୀ ଦାବି କରିଥିଲେ। ବିଦ୍ୟାଳୟରେ ଅନ୍ୟଜଣେ ଶିକ୍ଷକଙ୍କୁ ନିଯୁକ୍ତି ଦିଆଯିବ ବୋଲି ପ୍ରଶାସନିକ ଅଧିକାରୀ ପ୍ରତିଶ୍ରୁତି ଦେବା ପରେ ଲୋକେ ଗ୍ରାମକୁ ଫେରିଥିଲେ।
