ଗାଁ ସ୍ୱଚ୍ଛ, ସହର ଅସ୍ୱଚ୍ଛ

ଛେଣ୍ଡିପଦା,୧୨ା୨(ସ୍ବ.ପ୍ର.): ସ୍ବଚ୍ଛ ଭାରତ ଯୋଜନାରେ ଅନୁଗୋଳ ଜିଲା ଛେଣ୍ଡିପଦା ବ୍ଲକକୁ ସଫଳତା ମିଳିଛି। ବ୍ଲକ ଅଞ୍ଚଳର ଗାଁଗୁଡ଼ିକ ବାହ୍ୟମଳମୁକ୍ତ ହୋଇପାରିଥିବା ଦାବି କରାଯାଉଛି। ଏଥିପାଇଁ ପ୍ରଶାସନ ପ୍ରଶଂସା ମଧ୍ୟ ସାଉଣ୍ଟିଛି। ହେଲେ ସହର କିପରି ସ୍ବଚ୍ଛ ହେବ ସେକଥା ବ୍ଲକ ପ୍ରଶାସନ ଭୁଲିଯାଇଥିବା ଅଭିଯୋଗ ହେଉଛି। ବିଳମ୍ବରେ ହେଲେ ବି ସଦରମହକୁମା ଡେଲି ମାର୍କେଟ୍‌ ପରିସରରେ ଏକ ଗୋଷ୍ଠୀ ଶୌଚାଳୟ ନିର୍ମାଣ କରାଯାଇଛି। କିନ୍ତୁ ଏହା ସମସ୍ୟାର ସମାଧାନ କରିପାରୁ ନାହିଁ। କାରଣ ବ୍ଲକ, ଓଏଲ୍‌ଏମ୍‌ ଅଫିସ, କୋର୍ଟ ଓ ବସ୍‌ଷ୍ଟାଣ୍ଡଠାରୁ ଏହି ଶୌଚାଳୟ ଦୂରରେ ଥିବାରୁ ବିଭିନ୍ନ କାର୍ଯ୍ୟରେ ସରକାରୀ କାର୍ଯ୍ୟାଳୟ ଆସୁଥିବା ମହିଳା ସ୍ବୟଂ ସହାୟକ ଗୋଷ୍ଠୀ ସଦସ୍ୟା, ସାଧାରଣ ମହିଳାମାନେ ଅସୁବିଧାର ସମ୍ମୁଖୀନ ହେଉଛନ୍ତି। ଶୌଚ ପାଇଁ ସେମାନଙ୍କୁ ନିକଟସ୍ଥ ଖୋଲା ପଡ଼ିଆକୁ ଯିବାକୁ ପଡ଼ୁଛି। ଏହାଦ୍ୱାରା ସେମାନଙ୍କ ସମ୍ମାନହାନି ହେଉଥିଲେ ବି ବ୍ଲକ ପ୍ରଶାସନର ଏଥିପ୍ରତି ଧ୍ୟାନ ଦେଉ ନ ଥିବରୁ ଅସନ୍ତୋଷ ସୃଷ୍ଟି ହୋଇଛି।
ରାଜ୍ୟ ସରକାରଙ୍କ ପଞ୍ଚାୟତିରାଜ ଓ ପାନୀୟଜଳ ବିଭାଗ ପକ୍ଷରୁ ଛେଣ୍ଡିପଦା ବ୍ଲକର ବିଭିନ୍ନ ସ୍ଥାନରେ ଗୋଷ୍ଠୀ ଶୌଚାଳୟ ନିର୍ମାଣ କରାଯାଉଛି। ଛେଣ୍ଡିପଦାରେ ୨ଟି, ବାଗଡିଆରେ ଗୋଟିଏ, କୋଶଳାରେ ଗୋଟିଏ, ପାତ୍ରପଡା ବାୟାଣୀ ପୀଠରେ ଗୋଟିଏ ଏବଂ ଜରପଡାଠାରେ ଗୋଟିଏ ଗୋଷ୍ଠୀ ଶୌଚାଳୟ ତିଆରି କରାଯାଇଛି। କିନ୍ତୁ ଛେଣ୍ଡିପଦା ବ୍ଲକ ପରିସର, ରାଜୀବ ଭବନ, ବସ୍‌ଷ୍ଟାଣ୍ଡ ଓ କୋର୍ଟ ନିକଟରେ ଗୋଟିଏ ହେଲେ ବି ଶୌଚାଳୟ ନିର୍ମାଣ ହୋଇପାରିନାହିଁ। ଫଳରେ ବ୍ଲକ କାର୍ଯ୍ୟାଳୟ ଓ ଜୀବିକା ମିଶନ କାର୍ଯ୍ୟାଳୟକୁ ପ୍ରତ୍ୟେକ ଦିନ ଆସୁଥିବା ସ୍ବୟଂ ସହାୟକ ଗୋଷ୍ଠୀ ସଦସ୍ୟା, ଅଙ୍ଗନଓ୍ବାଡି କର୍ମୀ, ସାଧାରଣ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି। ମହିଳା ଜନପ୍ରତିନିଧିମାନେ ସଭାଘର ଶୌଚାଳୟ ବ୍ୟବହାର କରୁଥିବା ବେଳେ ଅନ୍ୟମାନେ ବ୍ଲକ କାର୍ଯ୍ୟାଳୟଠାରୁ ଏକ କିଲୋମିଟର ଦୂରରେ ଥିବା ନରେନ୍ଦ୍ର ପୋଖରୀ ନିକଟକୁ ଶୌଚ ହେବା ପାଇଁ ଯାଉଛନ୍ତି। ସେହିପରି ଜୀବିକା ମିଶନ କାର୍ଯ୍ୟାଳୟ ଓ ଜେଏମ୍‌ଏଫ୍‌ସି କୋର୍ଟକୁ ଆସୁଥିବା ମହିଳାମାନେ ନିକଟରେ ଥିବା ପଡିଆରେ ଖୋଲାରେ ଶୌଚ ହେଉଛନ୍ତି। ବର୍ଷ ବର୍ଷ ଧରି ଏପରି ସମସ୍ୟା ମା’ମାନଙ୍କ ସମ୍ମାନହାନି କରୁଥିବାରୁ ଛେଣ୍ଡିପଦା ବ୍ଲକ କାର୍ଯ୍ୟାଳୟ, ରାଜୀବ ଭବନ ନିକଟରେ ଶୌଚାଳୟ ନିର୍ମାଣ ପାଇଁ ଜୋରଦାର ଦାବି ହେଉଛି।

ମହିଳାମାନେ ସମସ୍ୟାରେ ପଡ଼ୁଛନ୍ତି
ଛେଣ୍ଡିପଦା ବ୍ଲକ ଅଫିସ ପରିସରରେ ମହିଳା ଜନପ୍ରତିନିଧିମାନଙ୍କ ପାଇଁ ଶୌଚାଳୟ ବ୍ୟବସ୍ଥା ନାହିଁ। ଫଳରେ ଦୈନିକ ଆସୁଥିବା ମହିଳା ପ୍ରତିନିଧିମାନେ ମିଟିଂ ହଲ ଭିତରେ ଥିବା ଶୌଚାଳୟକୁ ଶୌଚ ପାଇଁ ଯାଉଛନ୍ତି। ତେବେ ଜନପ୍ରତିନିଧିମାନଙ୍କ ବ୍ୟତୀତ ବିଭିନ୍ନ କାମରେ ଆସୁଥିବା ଜନସାଧାରଣ ଓ ମହିଳାମାନେ ଏ ନେଇ ଅସୁବିଧାର ସମ୍ମୁଖୀନ ହେଉଛନ୍ତି।
-ସରୋଜିନୀ ବେହେରା, ସରପଞ୍ଚ, ଛେଣ୍ଡିପଦା
ଖୋଲା ପଡ଼ିଆରେ ଶୌଚ ହେଉଛୁ
ଛେଣ୍ଡିପଦା ଓଏଲ୍‌ଏମ୍‌ ଅଫିସକୁ ବ୍ଲକରେ ଥିବା ୩୪ ପଞ୍ଚାୟତର ସିଆର୍‌ପି, ଏମ୍‌ବିକେ ଏବଂ ସ୍ବୟଂ ସହାୟକ ଗୋଷ୍ଠୀର ମହିଳାମାନେ ବିଭିନ୍ନ କାମ ସହ ଟ୍ରେନିଂ ପାଇଁ ଆସୁଛନ୍ତି। ଏହି ଅଫିସ ପରିସରରେ ଶୌଚାଳୟ ନ ଥିବାରୁ ମହିଳାମାନେ ତହସିଲ ପଡିଆରେ ଖୋଲାରେ ଶୌଚ ହେଉଛନ୍ତି। ତେଣୁ ଏଠାରେ ଏକ ଶୌଚାଳୟ ନିର୍ମାଣ ହେଲେ ସମସ୍ତଙ୍କ ପାଇଁ ସୁବିଧା ହୋଇପାରନ୍ତା।
-ସୁଜାତା ବେହେରା, ପଞ୍ଚାୟତସ୍ତରୀୟ ମହାସଂଘ ସମ୍ପାଦିକା
ଅସମ୍ମାନ କରୁଛି ପ୍ରଶାସନ
ଶୌଚାଳୟ ସୁବିଧା ନ ଥିବାରୁ ମହିଳା ଜନପ୍ରତିନିଧି, ଗୋଷ୍ଠୀ ସଦସ୍ୟାମାନେ ଅସୁବିଧାର ସମ୍ମୁଖୀନ ହେବା ଅତ୍ୟନ୍ତ ନିନ୍ଦନୀୟ ଘଟଣା। ମା’ମାନଙ୍କୁ ସମ୍ମାନ ପରିବର୍ତ୍ତେ ପ୍ରଶାସନ ଅପମାନିତ କରୁଛି। ଯଥାଶୀଘ୍ର ଓଏଲ୍‌ଏମ୍‌ ଅଫିସ, ବ୍ଲକ କାର୍ଯ୍ୟାଳୟ ଏବଂ କୋର୍ଟ ନିକଟରେ ମହିଳାମାନଙ୍କ ନିମନ୍ତେ ଶୌଚାଳୟ ନିର୍ମାଣ କଲେ ସେମାନେ ଉପକୃତ ହୋଇପାରନ୍ତେ।
-ପଦ୍ମଚରଣ ମାଝି, ସଭାପତି, ଛେଣ୍ଡିପଦା ବାର୍‌ ଆସୋସିଏଶନ
ସମସ୍ୟା ଶୀଘ୍ର ଦୂରହେବ
ଛେଣ୍ଡିପଦା ବ୍ଲକ ଭିତରେ ଗୋଟିଏ, କୋର୍ଟ ଏବଂ ଓଏଲ୍‌ଏମ୍‌ ଅଫିସ ମଝିରେ ଆଉ ଗୋଟିଏ ଗୋଷ୍ଠୀ ଶୌଚାଳୟ ନିର୍ମାଣ ନିମନ୍ତେ ପ୍ରସ୍ତାବ ରଖାଯାଇଛି। ଏହାକୁ ଯୁଦ୍ଧକାଳୀନ ଭିତ୍ତିରେ କିପରି କରାଯାଇପାରିବ ତାହା ଉପରେ ଗୁରୁତ୍ୱ ଦିଆଯାଉଛି। ଏହାଦ୍ୱାରା ମା’ମାନଙ୍କ ସମସ୍ୟା ଶୀଘ୍ର ଦୂର ହୋଇପାରିବ।
-ବିଶ୍ୱନାଥ ସାହୁ, ବିଡିଓ, ଛେଣ୍ଡିପଦା


Enter your email to get our daily news in your inbox.

All Right Reserved By Dharitri.Com

ମଧୁସୂଦନ ଆଇନ ବିଶ୍ୱବିଦ୍ୟାଳୟ: ପ୍ରଥମ କୁଳସଚିବ ଭାବେ ଦାୟିତ୍ୱ ନେଲେ ନିରୁପମା ସ୍ବାଇଁ

କଟକ ଅଫିସ,୨।୭: ମଧୁସୂଦନ ଆଇନ ବିଶ୍ୱବିଦ୍ୟାଳୟର ପ୍ରଥମ କୁଳସଚିବ ଭାବେ ଓଏଏସ୍‌ ଅଫିସର ନିରୁପମା ସ୍ବାଇଁ ଗୁରୁବାର ଦାୟିତ୍ୱ ଗ୍ରହଣ କରିଛନ୍ତି। ବିଶ୍ୱବିଦ୍ୟାଳୟରେ କୁଳପତି ପ୍ରଫେସର...

ଓଡ଼ିଆକୁ ପୋଲିସର ଅଣଦେଖା

ଭୁବନେଶ୍ୱର,୨୭।୧୧(ବ୍ୟୁରୋ): ଓଡ଼ିଆ ଭାଷାରେ ଓଡ଼ିଶା ଶାସନ ହେବ। ଆଇନ ଉଲ୍ଲଂଘନକାରୀଙ୍କ ପାଇଁ ଦଣ୍ଡବିଧାନ ନିମନ୍ତେ ଓଡ଼ିଶା ସରକାରୀ ଭାଷା (ସଂଶୋଧନ) ଆଇନ-୨୦୧୮ ଗୃହୀତ ହୋଇଛି। ହେଲେ...

ବିଶାଖାପାଟଣାରୁ ଗିରଫ ପରେ ଚୌଦ୍ୱାର ଜେଲ ଗଲେ ଆନ୍ଧ୍ରପ୍ରଦେଶର ପୂର୍ବତନ ବିଧାୟକ ଏମ୍‌.ଭି. ପ୍ରସାଦ

କଟକ ଅଫିସ,୭।୯: ଅନ୍ଧ୍ରପ୍ରଦେଶର ପୂର୍ବତନ ବିଧାୟକ ଏମ୍‌.ଭି. ପ୍ରସାଦଙ୍କୁ ମଙ୍ଗଳବାର ଚୌଦ୍ୱାର ଜେଲ ପଠାଇ ଦିଆଯାଇଛି। ଚିଟ୍‌ଫଣ୍ଡ ଠକେଇ ମାମଲାରେ ତାଙ୍କୁ ସୋମବାର ବିଶାଖାପାଟଣାରୁ ଗିରଫ...

ନ୍ୟାୟ ନ ପାଇ ମହିଳା ନିରାଶ :ଜିଲାପାଳଙ୍କ ଗାଡ଼ି ଆଗରେ ଆତ୍ମହତ୍ୟା ଉଦ୍ୟମ

ଭଞ୍ଜନଗର,୨୨।୧୦(ଡି.ଏନ.ଏ)-ଭଞ୍ଜନଗର ଉପ ଜିଲାପାଳଙ୍କ କାର୍ଯ୍ୟାଳୟରେ ସୋମବାର ଜିଲାପାଳଙ୍କ ଅଭିଯୋଗ ଶୁଣାଣି ଅନୁଷ୍ଠିତ ହୋଇଥିଲା। ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଯୋଗଦେଇ ଅଭିଯୋଗ ଶୁଣିଥିଲେ। ୩୫୪ଟି...

ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ପାଇଁ ସଜେଇ ହେଉଛି ଭୁବନେଶ୍ୱର

ଭୁବନେଶ୍ୱର,୧୮ା୨(ବ୍ୟୁରୋ): ଓଡ଼ିଶା ଆୟୋଜନ କରିବାକୁ ଯାଉଛି ‘ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ’ର ପ୍ରଥମ ସଂସ୍କରଣ। ବିଶ୍ୱବିଦ୍ୟାଳୟସ୍ତରରୁ ପ୍ରତିଭାବାନ୍‌ କ୍ରୀଡ଼ାବିତ୍‌ମାନଙ୍କୁ ଖୋଜି ବାହାର କରିବା ପାଇଁ କେନ୍ଦ୍ର...

ଶଟ୍‌ଡାଉନ୍‌ ନ ମାନି ଗହଳି

ଅନୁଗୋଳ ଅଫିସ୍‌, ୬ା୭:  କରୋନା ସଂକ୍ରମଣ ରୋକିବା ପାଇଁ ଅନୁଗୋଳ ଜିଲା ପ୍ରଶାସନ ପକ୍ଷରୁ ଚଳିତମାସରୁ ପ୍ରତି ଶନିବାର ଓ ରବିବାରକୁ ଶଟ୍‌ଡାଉନ ଘୋଷଣା କରାଯାଇଛି। କଟକଣା...

ଆଧାରକରଣରେ ଓଡ଼ିଶା ଅଗ୍ରଣୀ ରାଜ୍ୟ

ଭୁବନେଶ୍ୱର,୨୭-୧୧(ବ୍ୟୁରୋ):ଚଳିତ ବର୍ଷ ୪.୫୮ କୋଟି ସାବାଳକଙ୍କ ମଧ୍ୟରୁ ପ୍ରାୟ ୯୩.୧ ଶତକଡା ଲୋକଙ୍କ ଆଧାର ପ୍ରସ୍ତୁତ କରାଯାଇଛି। ୦-୫ ବର୍ଷ ବୟସ ମଧ୍ୟରେ ୧୮,୨୬,୦୩୮ ଶିଶୁଙ୍କ...

ଯୁବ ବିଜେଡି ରାଜ୍ୟ, ଜିଲା କର୍ମକର୍ତ୍ତା ନିଯୁକ୍ତ

ଭୁବନେଶ୍ୱର, ୨୪।୯ (ବ୍ୟୁରୋ):ବିଜୁ ଯୁବ ଜନତା ଦଳର ନୂତନ ରାଜ୍ୟ କର୍ମକର୍ତ୍ତା ଓ ଜିଲା ସଭାପତି ବୁଧବାର ନିଯୁକ୍ତ କରାଯାଇଛି। ମୁଖ୍ୟମନ୍ତ୍ରୀ ତଥା ବିଜେଡି ସଭାପତି...

Advertisement
Archives

Model This Week