ବିଦ୍ୟୁତ୍‌ ଖୁଣ୍ଟରେ ବାନ୍ଧି ପୀଡ଼ିତାଙ୍କୁ ମାଡ଼

ନୟାଗଡ଼ ଅଫିସ/ ରଣପୁର,୧ା୪(ସ୍ବ.ପ୍ର.): ନୟାଗଡ଼ ଜିଲା ରଣପୁର ଥାନାଠାରୁ ୫ କି.ମି. ଦୂର ଏକ ଗାଁରେ ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ଘରୁ ଟେକି ନେଇ ବଳାତ୍କାର କରାଯାଇଥିଲା। ଏ ସଂକ୍ରାନ୍ତରେ ଗାଁରେ ସଭା ବସିଥିଲା। ହେଲେ ପୀଡ଼ିତାଙ୍କୁ ନ୍ୟାୟ ନ ମିଳିବାରୁ ପରିବାର ଲୋକେ ଥାନାରେ ଅଭିଯୋଗ କରିଥିଲେ।ଏହା ପରେ ଏହି ଘଟଣା ଉଗ୍ରରୂପ ନେଇଛି। ଅଭିଯୁକ୍ତ ଫେରାର ହୋଇଥିବା ବେଳେ ଗୁରୁବାର ଗାଁରେ କଙ୍ଗାରୁ କୋର୍ଟ ବସି ପୀଡ଼ିତାଙ୍କୁ ଅମାନୁଷିକ ନିର୍ଯାତନା ଦିଆଯାଇଛି। ଏପରି କି ଗାଁ ବିଦ୍ୟୁତ୍‌ ଖୁଣ୍ଟରେ ବାନ୍ଧି ପୀଡ଼ିତାଙ୍କୁ ନିସ୍ତୁକ ମାଡ଼ ମରାଯାଇଛି। ଥାନାରେ କରାଯାଇଥିବା ଅଭିଯୋଗ ଉଠାଇ ଆଣିବାକୁ ପୀଡ଼ିତାଙ୍କ ଉପରେ ଚାପ ପକାଇଛନ୍ତି ଗାଁର କେତେଜଣ ପ୍ରଭାବଶାଳୀ ବ୍ୟକ୍ତି। ନ ହେଲେ ଜୀବନରେ ମାରିଦେବାକୁ ସେମାନେ ଧମକ ଦେଇଛନ୍ତି। ସେମାନେ ପୀଡ଼ିତାଙ୍କ ମା’ଙ୍କୁ ବି ଛାଡ଼ି ନାହାନ୍ତି। ଘରେ ପଶି ତାଙ୍କୁ ମଧ୍ୟ ମାଡ଼ ମାରିଛନ୍ତି। ଏହି ଘଟଣା ନୟାଗଡ଼ ଜିଲାରେ ଆଲୋଡ଼ନ ସୃଷ୍ଟି କରିଛି। ଏହାକୁ ନେଇ ରଣପୁର ଥାନା ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ଥାନାରେ ଅଭିଯୋଗ ପରେ ପୋଲିସ ମାମଲା ରୁଜୁ କରି ୫ ମହିଳାଙ୍କ ସମେତ ୭ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଦିଲ୍ଲୀପ କୁମାର ତୋଟାଳ(୨୧), ରବି ପରିଡ଼ା(୬୦), ଅଶାନ୍ତି ଓରଫ ରୀନା ପରିଡ଼ା(୩୭), ସଞ୍ଜୁ ପରିଡ଼ା(୬୦), ଶଶି ପରିଡ଼ା(୩୫), ମଞ୍ଜୁ ମତା(୫୫), ସାଇ ବେହେରା (୫୫)। ଜାମିନ ନାମଞ୍ଜୁର ପରେ ସମସ୍ତଙ୍କୁ ରଣପୁର ସବ୍‌ଜେଲକୁ ପଠାଇ ଦିଆଯାଇଛି। ପୀଡ଼ିତାଙ୍କୁ ଡାକ୍ତରୀ ମାଇନା କରିବା ସହ ପ୍ରାଥମିକ ଚିକିତ୍ସା ପରେ ପୋଲିସ ଘରେ ଛାଡ଼ିଛି।
ଅଭିଯୋଗ ଅନୁଯାୟୀ, ଗତ ୩ ମାସ ତଳେ ଉପରୋକ୍ତ ଥାନା ଅଞ୍ଚଳର ଅବାଜୁ ପରିଡ଼ା(୩୨) ସମ୍ପୃକ୍ତା ନାବାଳିକାଙ୍କୁ ଘରୁ ଉଠାଇ ନେଇଥିଲେ। ଘଟଣା ଦିନ ଅବାଜୁ ନାବାଳିକାଙ୍କୁ ନିଜ ଘରକୁ ନେଇ ବଳାତ୍କାର କରିଥିଲେ। ଘଟଣା ସମ୍ପର୍କରେ କାହାରିକୁ ନ କହିବାକୁ ସେ ନାବାଳିକାଙ୍କୁ ଧମକ ଦେଇଥିଲେ। କେହି ଜାଣିଲେ ପରିସ୍ଥିତି ଭୟଙ୍କର ହେବ ବୋଲି କହିଥିଲେ। ନାବାଳିକା ଏକଥା ଘରେ କହିବାରୁ ପରିବାର ଲୋକେ ଥାନାରେ ଅଭିଯୋଗ କରିବାକୁ ପ୍ରସ୍ତୁତ ହୋଇଥିଲେ। ଏନେଇ କଥା ପ୍ରଚାର ହେବା ପରେ ଗାଁରେ ସଭା ବସିଥିଲା। ବଳାତ୍କାର ନେଇ ଥାନାରେ ଅଭିଯୋଗ ନ କରିବାକୁ ଗାଁ ସଭାରେ ନାବାଳିକାଙ୍କ ପରିବାରକୁ ପରାମର୍ଶ ଦିଆଯାଇଥିଲା। ହେଲେ ନାବାଳିକାଙ୍କ ପରିବାର ଘଟଣା ସମ୍ପର୍କରେ ଥାନାରେ ଅଭିଯୋଗ କରିବାକୁ ଚେଷ୍ଟା କରି ସଫଳ ହୋଇ ନ ଥିଲେ। ବୁଧବାର ନାବାଳିକାଙ୍କ ବାପା ଏ ସଂକ୍ରାନ୍ତରେ ରଣପୁର ଥାନାରେ ଅଭିଯୋଗ କରିଥିଲେ। ଏହାପରେ ପୋଲିସ ଅବାଜୁଙ୍କୁ ଥାନାକୁ ଡକାଇଥିଲା। ଅବାଜୁ ଥାନାକୁ ଆସିବା ବଦଳରେ ଫେରାର ହୋଇ ଯାଇଥିଲେ। ଗୁରୁବାର ଏନେଇ ଗାଁରେ କଙ୍ଗାରୁ କୋର୍ଟ ବସି ନାବାଳିକାଙ୍କ ପରିବାରକୁ ଦୋଷୀସାବ୍ୟସ୍ତ କରାଯାଇଥିଲା। ପରେ ଘରୁ ଭିଡ଼ି ଆଣି ନାବାଳିକାଙ୍କୁ ଗାଁ ବିଦ୍ୟୁତ୍‌ ଖୁଣ୍ଟରେ ବନ୍ଧାଗଲା। ବହୁ ସଂଖ୍ୟକ ଲୋକ ମିଳିତ ହୋଇ ତାଙ୍କୁ ମାଡ଼ ମାରିବା ସହିତ ନାନା ନିର୍ଯାତନା ଦେଇଥିଲେ। ଏପରି କି ନାବାଳିକାଙ୍କ ମା’ଙ୍କୁ ବି ସେମାନେ ଘରେ ପଶି ପିଟିଥିଲେ।
ଏନେଇ ତଦନ୍ତକାରୀ ଅଫିସର ପ୍ରୀତି ପ୍ରକାଶ ମହାନ୍ତି କହିଛନ୍ତି, ଅଭିଯୋଗ ପରେ ୩୭୬(୩)(୨)(ଏନ), ୩୪୧, ୨୯୪, ୩୨୩, ୩୪୨, ୫୦୬, ୩୪ ଆଇପିସି, ପୋକ୍‌ସୋ ଆକ୍ଟ (୩)(୨)(ଭି),୩, (ଏ), (୩),(୧), (ଆର)(ଏସ୍‌), ଏସସି ଆଣ୍ଡ ଏସ୍‌ଟି ଆକ୍ଟରେ ଏକ ମାମଲା(ନଂ.୭୭/୨୨) ରୁଜୁ ହୋଇଛି। ସମ୍ପୃକ୍ତ ଗାଁର ଅବାଜୁ ପରିଡ଼ା, ସୌଭାଗ୍ୟ ବେହେରା, କୈଳାସ ପରିଡ଼ା, ରବି ପରିଡ଼ା. ମଞ୍ଜୁ ମତା, ଦିଲ୍ଲୀପ କୁମାର ତୋଟାଳ, ଅଶାନ୍ତି ଓରଫ ରୀନା ପରିଡ଼ା, ସଞ୍ଜୁ ପରିଡ଼ା, ଶଶି ପରିଡ଼ା, ସାଇ ବେହେରା ପ୍ରମୁଖ ୧୦ ଜଣଙ୍କ ନାମରେ ମାମଲା ରୁଜୁ ହୋଇଛି। ୭ଜଣଙ୍କୁ ଜେଲ ପଠାଯାଇଛି।


Enter your email to get our daily news in your inbox.

All Right Reserved By Dharitri.Com

ଖେଳୁଥିବା ବେଳେ ଧକ୍କା ଦେଇ ଚଢ଼ିଗଲା ଟ୍ରକ୍‌, ଶିଶୁପୁତ୍ର ଗୁରୁତର

କଟକ ରୋଡ୍‌,୭।୧୨(ଡି.ଏନ୍‌.ଏ.): ଲକ୍ଷ୍ମୀସାଗର ଥାନା ଅଧୀନ ବୁଦ୍ଧନଗର ପିଡବ୍ଲୁ କଲୋନୀ ବସ୍ତିରେ ଟ୍ରକ୍‌ ଧକ୍କାରେ ଜଣେ ଶିଶୁ ଗୁରୁତର ହୋଇଛନ୍ତି। ସେ ହେଲେ କେ.ଶ୍ରୀନିବାସ ରେଡ୍ଡିଙ୍କ...

ସୁରଟରେ ଖୋଲିବ ୧୨ ଓଡ଼ିଆ ଶିକ୍ଷାନୁଷ୍ଠାନ

ଭୁବନେଶ୍ୱର,୯।୮(ବ୍ୟୁରୋ) : ଗୁଜରାଟରେ ମୋଟ ୧୦ ଲକ୍ଷ ଓଡ଼ିଆ ବସବାସ କରୁଛନ୍ତି। ସେଥିରୁ ପ୍ରାୟ ୭ରୁ ୮ଲକ୍ଷ ଓଡିଆ ସୁରଟରେ ବାସକରନ୍ତି। ସେହି ଓଡିଆ ପରିବାରର...

୭୫.୮୫ ଲକ୍ଷରେ ନିଲାମ ହେଲା ଦୀପ ଦୋକାନ

ଜଗତ୍‌ସିଂହପୁର ଅଫିସ, ୫ା୩: ଜଗତ୍‌ସିଂହପୁର ଜିଲାର ଅଧିଷ୍ଠାତ୍ରୀ ଦେବୀ ମା’ ଶାରଳା ମନ୍ଦିର ପରିସରରେ ଥିବା ଜୋତା ଷ୍ଟାଣ୍ଡ, ପାର୍କିଂ, ଭୋଗ, ଦୀପ ଓ ପୂଜା...

ରାଜ୍ୟରେ ୭୧% ମତଦାନ

ଭୁବନେଶ୍ୱର,୧୮।୨(ବ୍ୟୁରୋ): ଶେଷ ହୋଇଛି ତ୍ରୀସ୍ତରୀୟ ପଞ୍ଚାୟତ ନିର୍ବାଚନର ୨ୟ ପର୍ଯ୍ୟାୟ ଭୋଟଗ୍ରହଣ। ପ୍ରାରମ୍ଭିକ ଆକଳନ ଅନୁଯାୟୀ ଏଥିରେ ପ୍ରାୟ ୭୧% ମତଦାନ ହୋଇଛି। ତେବେ ଚୂଡାନ୍ତ...

ଅନୁଗୋଳ ସରସ୍ବତୀ ଶିଶୁ ବିଦ୍ୟାମନ୍ଦିର: ଏ ୧ରେ ୧୧ ଜଣ ପାସ

ବନ୍ତଳା,୨୧।୫(ଡି.ଏନ.ଏ.)- ଚଳିତ ବର୍ଷର ମାଟ୍ରିକ ପରୀକ୍ଷା ଫଳ ମଙ୍ଗଳବାର ସକାଳେ ପ୍ରକାଶ ପାଇଛି। ଅନୁଗୋଳ ଜିଲା ଗାନ୍ଧିମାର୍ଗରେ ଥିବା ସରସ୍ବତୀ ଶିଶୁ ବିଦ୍ୟାମନ୍ଦିରରେ ସମୁଦାୟ ୧୫୨...

ଭୁବନେଶ୍ୱରରେ ନିର୍ମାଣ ହେବ ୨ ଫୁଟ୍‌ ଓଭରବ୍ରିଜ୍‌, ୧ ଫ୍ଲାଇଓଭର୍‌

ଭୁବନେଶ୍ୱର,୬।୪(ବ୍ୟୁରୋ): ରାଜଧାନୀ ଭୁବନେଶ୍ୱରରେ ୨ଟି ଫୁଟ୍‌ ଓଭରବ୍ରିଜ୍‌ ଓ ଗୋଟିଏ ଫ୍ଲାଇ ଓଭର୍‌ ନିିର୍ମାଣ ହେବ। ଏନେଇ ଦେଇଥିବା ପ୍ରସ୍ତାବକୁ କେନ୍ଦ୍ର ସରକାର ମଞ୍ଜୁରୀ ଦେଇଥିବା...

କରୋନା କଟକଣା: ବାଣ ଫୁଟିବନି, ପ୍ରସ୍ତୁତକାରୀ ହତାଶ

କେନ୍ଦ୍ରାପଡ଼ା ଅଫିସ,୬ା୧୧: କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ପକ୍ଷରୁ ଆସନ୍ତା ୧୦ରୁ ୩୦ ତାରିଖ ପର୍ଯ୍ୟନ୍ତ ବାଣ ଫୁଟାଇବା ଉପରେ କଟକଣା ଜାରି...

ଚନ୍ଦ୍ରିକାକଁର ଅଁଟାରେ ଆବୁ ଘଟନା: ସାହାଯ୍‌ର ହାତ୍‌ ବଢ଼ାଲା ସୁଆସ୍‌ତିଅ ବିଭାଗ

  ଅମରପାଲି, ୧୪।୧୨ (ଡି.ଏନ୍‌.ଏ.)- ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅଧୀନ ଉଫୁଲା ଗଁାର ରୋହନ ରାଜହଂସ ଆର ଦ୍ରୌପଦୀକଁର ଝି’ ଚନ୍ଦ୍ରିକା ରାଜହଂସ(୫)। ତାକର...

Advertisement
Archives

Model This Week