Posted inଜାତୀୟ

ଟିକା ନାହିଁ, ପ୍ରତିଶ୍ରୁତି ମାଳ ମାଳ

ନୂଆଦିଲ୍ଲୀ/ପାଟନା,୨୨ା୧୦:କରୋନା ସଂକ୍ରମଣରୁ ମୁକ୍ତି ପାଇଁ ବିଶ୍ୱବାସୀ ଭାକ୍ସିନ ଅପେକ୍ଷାରେ। ଭାରତକୁ କେବେ ଟିକା ଆସିବ ବୋଲି ଦେଶବାସୀ ଅନେଇ ବସିଥିବାବେଳେ ଗୁରୁବାର ବିହାରରେ ଭାଜପାର ନିର୍ବାଚନୀ ଇସ୍ତାହାର ଜାତୀୟ ରାଜନୀତିରେ ଝଡ଼ ସୃଷ୍ଟି କରିଛି। ଭାଜପା କ’ଣ ନିଜ ଟ୍ରେଜେରିରୁ କରୋନା ଟିକା ଦେବ ବୋଲି ବିରୋଧୀ ପ୍ରଶ୍ନ କରିଛନ୍ତି।
ଟିକାର ଦେଖାନାହିଁ, ହେଲେ ପ୍ରତିଶ୍ରୁତି ମାଳ ମାଳ। ଏହି ବିଷୟ ଭାଜପାର ସଦ୍ୟ ଆଭିମୁଖ୍ୟରୁ ସ୍ପଷ୍ଟ ହେଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଦେଶବାସୀଙ୍କୁ ସମ୍ବୋଧିତ କରି କହିଥିଲେ, କରୋନା ଟିକା ପ୍ରସ୍ତୁତି ପାଇଁ ବିଶ୍ୱର ଅନେକ ଦେଶ ଯୁଦ୍ଧକାଳୀନ ଭିତ୍ତିରେ କାମ କରୁଛନ୍ତି। ଆମ ବୈଜ୍ଞାନିକମାନେ ମଧ୍ୟ ଭାକ୍ସିନ ବିକଶିତ କରିବା ଦିଗରେ ଗବେଷଣାରତ। ଭାରତରେ ଟିକା ପ୍ରସ୍ତୁତି ବିଭିନ୍ନ ପର୍ଯ୍ୟାୟରେ ରହିଛି। ଏହି ଦିଗରେ ସଫଳତା ହାସଲ ପରେ ଭାକ୍ସିନକୁ କିପରି ପ୍ରତ୍ୟେକ ଭାରତୀୟଙ୍କ ନିକଟରେ ପହଞ୍ଚାଯିବ ସେନେଇ କେନ୍ଦ୍ର ସରକାର ଉଦ୍ୟମ ଚଳାଇଥିବା କହିଥିଲେ। ଏହାର ଦୁଇଦିନ ପରେ ବିହାରରେ ଭାଜପା ପକ୍ଷରୁ ଘୋଷଣାପତ୍ର ଜାରି କରାଯାଇଛି। କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ରାଜ୍ୟ ନେତୃତ୍ୱଙ୍କ ଉପସ୍ଥିତିରେ ଏହି ଇସ୍ତାହାର ପ୍ରକାଶ କରିଛନ୍ତି। ସୀତାରାମନ୍‌ କହିଛନ୍ତି, ବିହାରରେ କରୋନା ମୁକାବିଲା କ୍ଷେତ୍ରରେ ଏନ୍‌ଡିଏ ସରକାର ଦେଶରେ ଉଦାହରଣ ସୃଷ୍ଟି କରିଛନ୍ତି। ଏହା ଆମର ସଂକଳ୍ପ। ଭାକ୍ସିନକୁ ଇଣ୍ଡିଆନ୍‌ କାଉନ୍‌ସିଲ୍‌ ଅଫ୍‌ ମେଡିକାଲ ରିସର୍ଚ୍ଚ (ଆଇସିଏମ୍‌ଆର୍‌) ଅନୁମୋଦନ କରିବା ମାତ୍ରେ ବିହାର ଜନସାଧାରଣଙ୍କୁ ମାଗଣାରେ ଦିଆଯିବ ବୋଲି ସୀତାରାମନ୍‌ ପ୍ରତିଶ୍ରୁତି ଦେଇଛନ୍ତି।
ସେପଟେ ଭାଜପା ଓ କେନ୍ଦ୍ର ସରକାର ମହାମାରୀକୁ ଏକ ରାଜନୈତିକ ସୁଯୋଗ ଭାବେ ବ୍ୟବହାର କରୁଥିବା ଅଭିଯୋଗ ଆଣି ବିରୋଧୀ ଦଳଗୁଡ଼ିକ ଟାର୍ଗେଟ କରିଛନ୍ତି। ସାମାଜିକ ଗଣମାଧ୍ୟମରେ ବି ଏହାକୁ ନେଇ ଉଭୟ ଭାଜପା ଓ କେନ୍ଦ୍ର ସରକାରଙ୍କୁ ଟ୍ରୋଲ୍‌ କରାଯାଇଛି। କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି, ଏବେ କେନ୍ଦ୍ର ସରକାର ଭାରତର କୋଭିଡ୍‌ ପରିଚାଳନା ରଣନୀତି ଘୋଷଣା କରିଛନ୍ତି। ଆଗକୁ ଏହି ରଣନୀତି ରାଜ୍ୟଓ୍ବାରି ନିର୍ବାଚନ ତାରିଖ ଉପରେ ନିର୍ଭର କରିବ। ଥିରୁଭାନନ୍ତପୁରମ୍‌ ଏମ୍‌ପି ଶଶୀ ଥରୁର ଟୁଇଟରରେ ଲେଖିଛନ୍ତି, ତୁମେ ମୋତେ ଭୋଟ ଦିଅ, ମୁଁ ତୁମକୁ ଭାକ୍ସିନ ଦେବି’। ଏପରି ବିଭେଦପୂର୍ଣ୍ଣ ନିବେଦନକୁ ନେଇ ଭାଜପା ବିରୋଧରେ ନିର୍ବାଚନ କମିଶନ କାର୍ଯ୍ୟାନୁଷ୍ଠାନ ନିଅନ୍ତୁ ବୋଲି ଥରୁର ଦାବି କରିଛନ୍ତି। ସେହିପରି ନ୍ୟାଶନାଲ କନ୍‌ଫରେନ୍ସ (ଏନ୍‌ସି) ଉପାଧ୍ୟକ୍ଷ ଓମାର ଅବ୍‌ଦୁଲ୍ଲା ପ୍ରଶ୍ନ କରିଛନ୍ତି ଯେ, ଭାଜପା କ’ଣ ନିଜ ଟ୍ରେଜେରିରୁ ଭାକ୍ସିନ ଦେବ? ଯଦି ଏହା ସରକାରୀ ରାଜକୋଷରୁ ଆସିବ ତେବେ ବିହାରକୁ ମାଗଣାରେ ଟିକା ଦିଆଯିବ। ମାତ୍ର ଦେଶର ଅନ୍ୟ ଭାଗର ଲୋକେ ଏହାକୁ ଟଙ୍କା ଦେଇ କିଣିବେ? କୋଭିଡ୍‌ ଭୟକୁ ନେଇ ଏହା ଏକ ଲଜ୍ଜାଜନକ ଶୋଷଣ ବୋଲି ଓମାର ଟୁଇଟ୍‌ କରିଛନ୍ତି।
ରାଷ୍ଟ୍ରୀୟ ଜନତା ଦଳ (ଆର୍‌ଜେଡି) ମଧ୍ୟ ଭାଜପାକୁ ସମାଲୋଚନା କରିଛି। ବିହାରର ମୁଖ୍ୟ ବିରୋଧୀ ଦଳ ଆର୍‌ଜେଡିର ରାଜ୍ୟ ସଭା ସଦସ୍ୟ ମନୋଜ ଝା କହିଛନ୍ତି, ବିଶ୍ୱରେ ଭାଜପା ହେଉଛି ପ୍ରଥମ ପାର୍ଟି, ଯିଏ କେବଳ ଗୋଟିଏ ରାଜ୍ୟରେ ମାଗଣାରେ କରୋନା ଟିକା ଦେବାକୁ ଘୋଷଣା କରିଛି। ଆଇସିଏମ୍‌ଆର୍‌ ତତ୍ତ୍ୱାବଧାନରେ ଫାର୍ମାସ୍ୟୁଟିକାଲ୍‌ କମ୍ପାନୀଗୁଡ଼ିକ ଭାକ୍ସିନ ଉଦ୍ଭାବନ ପାଇଁ ଗବେଷଣା କରୁଥିବାବେଳେ ମୋଦି ସରକାର ଏହାର ସାବାସି ନେବାକୁ ଉଦ୍ୟମ କରୁଛନ୍ତି।
ଅନ୍ୟପକ୍ଷରେ ଭାଜପାର ନିର୍ବାଚନୀ ଇସ୍ତାହାର ଜାରି ହେବାର କିଛି ସମୟ ପରେ ତାମିଲନାଡୁରେ କ୍ଷମତାସୀନ ଏହାର ସହଯୋଗୀ ଏଆଇଏଡିଏମ୍‌କେ ସରକାର ମଧ୍ୟ ଅନୁରୂପ ଘୋଷଣା କରିଛନ୍ତି। ତାମିଲନାଡୁରେ ଆସନ୍ତା ବର୍ଷ ନିର୍ବାଚନ ହେବାକୁ ଥିବାବେଳେ ଗୁରୁବାର ମୁଖ୍ୟମନ୍ତ୍ରୀ ଇ. ପାଲାନିସ୍ବାମୀ କହିଛନ୍ତି, କୋଭିଡ୍‌-୧୯ ଭାକ୍ସିନ ପ୍ରସ୍ତୁତ ହୋଇଗଲେ ରାଜ୍ୟର ସମସ୍ତ ଲୋକଙ୍କୁ ଏହା ବିନା ମୂଲ୍ୟରେ ବଣ୍ଟାଯିବ।
ସେହିପରି ମଧ୍ୟପ୍ରଦେଶରେ ବିଧାନସଭା ଉପନିର୍ବାଚନ ଚାଲିଥିବାବେଳେ ଗୁରୁବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ରାଜ୍ୟବାସୀଙ୍କୁ ମାଗଣାରେ କରୋନା ଭାକ୍ସିନ ଦିଆଯିବ ବୋଲି ଟୁଇଟରରେ ଘୋଷଣା କରିଥିଲେ। ଏହାକୁ ନେଇ ବିବାଦ ସୃଷ୍ଟି ହେବା ପରେ କେବଳ ଗରିବମାନଙ୍କୁ ଟିକା ଦିଆଯିବ ବୋଲି ସେ ମତ ବଦଳାଇବାକୁ ବାଧ୍ୟ ହୋଇଛନ୍ତି। ଏଥିସହ ସେ ପୂର୍ବ ଟୁଇଟ୍‌କୁ ହଟାଇ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଟୁଇଟ୍‌ କରି ଫସିଲେ ସମ୍ବିତ ପାତ୍ର

ନୂଆଦିଲ୍ଲୀ,୨୧।୫:ଭାରତୀୟ ଜନତା ପାର୍ଟିର ଜାତୀୟ ମୁଖପାତ୍ର ସମ୍ବିତ ପାତ୍ର ଏକ ଟୁଇଟ୍‌ କରି ଫସିଯାଇଛନ୍ତି। ଟୁଇଟର ତାଙ୍କ ଟୁଇଟ୍‌କୁ ମ୍ୟାନୁପଲେଟେଡ୍‌ ମିଡିଆ ବା ‘କଣ୍ଟେଣ୍ଟ୍‌ ହେରଫେର’...

ବୋମା ପକାଇଥିବା ବୁର୍ଖା ପିନ୍ଧା ମହିଳା ଧରାପଡ଼ିଲେ

ଜମ୍ମୁ,୧।୪: ଜମ୍ମୁ-କଶ୍ମୀରର ସୋପୋରେ ଅଞ୍ଚଳରେ ସୁରକ୍ଷା ବଳର ବଙ୍କର ଉପରେ ପେଟ୍ରୋଲ ବୋମା ପକାଇଥିବା ବୁର୍ଖା ପିନ୍ଧା ମହିଳା ଧରା ପଡ଼ିଛନ୍ତି। ମହିଳା ଜଣଙ୍କୁ ହସିନା...

‘ନ୍ୟାୟ କିଣାଯାଇପାରିବନି’

ନୂଆଦିଲ୍ଲୀ,୧୨ା୯(ପି.ଟି.): ନ୍ୟାୟକୁ ଏଭଳି ଢଙ୍ଗରେ କିଣାଯାଇପାରିବ ନାହିଁ ବୋଲି ବୁଧବାର ଭିଭିଆଇପି ହେଲିକପ୍ଟର ଦୁର୍ନୀତି ମାମଲାର ଶୁଣାଣି ବେଳେ ଉତ୍ତେଜିତ ସୁପ୍ରିମକୋର୍ଟ ଖଣ୍ଡପୀଠ କହିଛନ୍ତି। କଳାଧନ...

ଉତ୍ତରାଖଣ୍ଡରେ ଭୂକମ୍ପ ଝଟ୍‌କା

ଡେରାଡୁନ,୧୨।୧୧: ଉତ୍ତରାଖଣ୍ଡ ପିଥରାଗଡ଼ ଜିଲାର କିଛି ଅଞ୍ଚଳରେ ଭୂକମ୍ପ ଝଟ୍‌କା ଅନୁଭୂତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୪.୫ ରହିଛି। ଭୂକମ୍ପର କେନ୍ଦ୍ରସ୍ଥଳ ପିଥରାଗଡ଼...

‘ଆହୁରି ୧୫ ବର୍ଷ ବଞ୍ଚିବି’

ଧର୍ମଶାଳା,୮।୪: ତିବ୍ଦତୀୟ ଧର୍ମଗୁରୁ ନେତା ଦଲାଇ ଲାମା ହିମାଚଳ ପ୍ରଦେଶର ମ୍ୟାକ୍‌ଲିଓଡଗଞ୍ଜର ମୁଖ୍ୟ ବୌଦ୍ଧ ମନ୍ଦିର ପ୍ରାଙ୍ଗଣରେ ଆୟୋଜିତ ୨୫ତମ ଶୋଟନ ମହୋତ୍ସବରେ ଯୋଗ ଦେଇଛନ୍ତି।...

ରାସ୍ତା ନିର୍ମାଣ ନ ହେବାରୁ ଇସ୍ତଫା ଦେଲେ ବିଧାୟକ

ଲକ୍ଷ୍ନୌ,୩୧।୧୦: ସମାଜବାଦୀ ପାର୍ଟିର ବିଧାୟକ ରାକେଶ ପ୍ରତାପ ସିଂ ଆମେଠିଙ୍କ ଗୌରିଗଞ୍ଜ ଆସନରୁ ବିଧାୟକ ପଦରୁ ଇସ୍ତଫା ଘୋଷଣା କରିଛନ୍ତି। ସେ ତାଙ୍କ ଇସ୍ତଫା ପତ୍ର...

ଅଧ୍ୟକ୍ଷ ପଦ ସମ୍ଭାଳିବାକୁ ରାଜି ନୁହେଁ ରାହୁଲ

ନୂଆଦିଲ୍ଲୀ,୬।୭: କଂଗ୍ରେସ ଦଳରେ ଖୁବ୍‌ଶୀଘ୍ର ବଡ ଧରଣର ଅଦଳବଦଳ ହେବାକୁ ଯାଉଥିବା ସୂଚନା ମିଳିଛି। ଯେଉଁ ନେତାମାନେ ସଚିବ ଓ ପ୍ରଭାରୀଙ୍କ ମଧ୍ୟରେ ମହତ୍ୱପୂର୍ଣ୍ଣ ଭୂମିକା...

ୟୁଜିସି ଆକାଉଣ୍ଟ୍‌ ହ୍ୟାକ୍‌, ୨ ଦିନରେ ୩ ସରକାରୀ ଆକାଉଣ୍ଟ୍‌ …

ନୂଆଦିଲ୍ଲୀ, ୧୦।୪ : ୟୁନିଭରସିଟି ଗ୍ରାଣ୍ଟ କମିଶନ(ୟୁଜିସି)ଙ୍କର ଅଫିସିଆଲ୍‌ ଟୁଇଟର ଆକାଉଣ୍ଟ୍‌ ରବିବାର ହ୍ୟାକ୍‌ କରାଯାଇଛି। ଗତ ୨ ଦିନ ମଧ୍ୟରେ ଏହାକୁ ମିଶାଇ ୩...

Advertisement
Archives

Model This Week