ଦ ଗ୍ରେଟ୍ ଖଲି ରେସିଲିଂ ବ୍ୟତୀତ ସୋସିଆଲ ମିଡିଆରେ ବହୁତ ପ୍ରସିଦ୍ଧ। ତାଙ୍କର ଏବେ ଦୁଇଟି ଭିଡିଓ ଖୁବ୍ ଭାଇରାଲ ହେଉଛି। ଗୋଟିଏରେ ସେ ହେଲମେଟ୍ ପିନ୍ଧିବା ପାଇଁ ଚେଷ୍ଟା କରୁଥିବା ନଜର ଆସିଥିବା ବେଳେ ଅନ୍ୟଟିରେ ଏକ ଅଟୋରେ ବସିବା ପାଇଁ ଚେଷ୍ଟା କରୁଛନ୍ତି। ଆସନ୍ତୁ ଜାଣିବା ପୂରା ଘଟଣା ସମ୍ପର୍କରେ…
ମୁମ୍ବାଇ ପୋଲିସ ଏକ ବାଇକ୍ରେ ଡ୍ରାଇଭିଂ ସମୟରେ ହେଲମେଟ ପିନ୍ଧିବା ପାଇଁ ଲୋକଙ୍କୁ ସଚେତନ କରିବା ପାଇଁ ଗ୍ରେଟ୍ ଖଲିଙ୍କ ସହାୟତା ନେଇଥିଲା। ପୋଲିସ ଦିଲୀପ ସିଂହ ରାଣା ଓରଫ ଖଲିଙ୍କ ଏକ ଭିଡିଓର ବ୍ୟବହାର କରିଥିଲା। ଭିଡିଓରେ ୪୮ ବର୍ଷୀୟ ଖଲି ନିଜର ମୁଣ୍ଡକୁ ଫିଟ୍ କରିବା ପାଇଁ ଏକ ଛୋଟ ହେଲମେଟ ସହିତ ସଂଘର୍ଷ କରୁଥିବା ନଜର ଆସିଛନ୍ତି।
The ‘Great Khali’ knows that without a proper helmet, yeh ride ‘khali’ itne hi duur ja sakti hai! #TheGreatSafetyTip#KhaliSafetyNoRisks#RoadSafety pic.twitter.com/Ywd9q90YRf
— Mumbai Police (@MumbaiPolice) August 3, 2021
ଭିଡିଓରେ ଖଲି ହେଲମେଟ୍ ପିନ୍ଧିବା ପାଇଁ ବାରମ୍ବାର ଚେଷ୍ଟା କରୁଛନ୍ତି। ତାଙ୍କ ମୁଣ୍ଡ ହିସାବରେ ହେଲମେଟ୍ଟି ବହୁତ ଛୋଟ। ଫଳରେ ସେ ଏହାକୁ ପିନ୍ଧି ପାରୁନାହାନ୍ତି। ତଥାପି ଲୋକଙ୍କୁ ହେଲମେଟର ମହତ୍ତ୍ୱ ବୁଝାଉଛନ୍ତି।
ମୁମ୍ବାଇ ପୋଲିସ ନିଜେ ଖଲିଙ୍କର ଏହି ଭିଡିଓକୁ ଟୁଇଟର ଆକାଉଣ୍ଟରେ ଶେୟାର କରିଛି। ଏହା ପ୍ରଥମ ଥର ନୁହେଁ, ଯେତେବେଳେ ୨୦୧୮ରେ ବି ମୁମ୍ବାଇ ପୋଲିସ ସଡ଼କ ସୁରକ୍ଷା ବଢ଼ାଇଥିଲା ସେତେବେଳେ ଖଲି ହେଲମେଟ ପିନ୍ଧିବାକୁ ଚେଷ୍ଟା କରିଥିଲେ। ଏଥିରେ ଲେଖାଥିଲା, ଆପଣ ଯେତେ ବି ମଜଭୁତ ହୁଅନ୍ତୁ ନା କାହିଁକି ହେଲମେଟ ପିନ୍ଧିବାକୁ କେବେ ଭୁଲନ୍ତୁ ନାହିଁ।
ଦ୍ୱିତୀୟ ଭିଡିଓଟିକୁ ଖଲି ନିଜ ଇନ୍ଷ୍ଟାଗ୍ରାମରେ ଶେୟାର କରିଥିଲେ। ଏଥିରେ ଖଲି ଏକ ଅଟୋରେ ବସିଥିବା ନଜର ଆସିଛନ୍ତି। ଏଥିପାଇଁ ସେ ଖୁବ୍ କଷ୍ଟ କରୁଥିବା ନଜର ଆସିଛନ୍ତି। ଛୋଟ ଏକ ଅଟୋରେ ବସିବା ପାଇଁ ଖଲି ଏହି ଅଟୋ ଚଲାଇବାକୁ ଚେଷ୍ଟା କରୁଛନ୍ତି।
ତାଙ୍କର ଏତେ ବଡ଼ ଶରୀର ଯୋଗୁ ସେ ଅଟୋର ଛୋଟ ସିଟ୍ରେ ବସି ପାରୁନାହାନ୍ତି। ଏହି ଭିଡିଓରେ ଅଟୋ ସିଟ୍ରୁ ବାହାରୁ ଆସୁଥିବା ଦେଖିବାକୁ ମିଳିଛି। ସେ ଅଟୋ ପଛ ସିଟ୍ରେ ଯାଇ ବସୁଥିବା ନଜର ଆସିଛନ୍ତି।
ସୋସିଆଲ ମିଡିଆରେ ଖଲିଙ୍କର ଏହି ଭିଡିଓ ଦେଖି ୟୁଜର୍ସମାନେ ବେଶ୍ ମଜାଳିଆ କମେଣ୍ଟ ସବୁ ଦେଇଛନ୍ତି।
