ନୂଆଦିଲ୍ଲୀ, ୯।୧୧: ଗତ କିଛି ମାସ ହେବ ବିଭିନ୍ନ କାରଣ ଓ ମାନ୍ଦାବସ୍ଥା ଯୋଗୁ ଭାରତୀୟ ବୀମା ଶିଳ୍ପରେ ବ୍ୟାପକ ଅସ୍ଥିରତା ଦେଖାଦେଇଥିଲା। କାରଣ କୋଭିଡ୍ ଯୋଗୁ ସବୁ ବର୍ଗର ଲୋକ ଆର୍ଥିକ ସମସ୍ୟାର ସମ୍ମୁଖୀନ ହେଉଛନ୍ତି। ଏଭଳି ସ୍ଥିତିରେ ବୀମା କ୍ଷେତ୍ରରେ ନିବେଶ କରିବାକୁ ପ୍ରାୟ ୭୦%ରୁ ଅଧିକ ଲୋକ ଆଗ୍ରହୀ ନ ଥିଲେ। ହେଲେ ଏହି ସମୟରେ ସ୍ବାସ୍ଥ୍ୟବୀମାରେ କିଛି ପରିମାଣର ନିବେଶ ( ନୂଆ ବୀମା ଅଥବା ବୀମା ପୁନଃ ପ୍ରଚଳନ) କରିଥିବା ଜଣାପଡ଼ିଛି। ଚଳିତ ବର୍ଷ ସେପ୍ଟେମ୍ବର ତୁଳନାରେ ଅକ୍ଟୋବରରେ ୧୫.୫% ଅଣ ଜୀବନ ବୀମା ପ୍ରିମିୟମ ସଂଖ୍ୟାରେ ବୃଦ୍ଧି ଘଟିଥିବା ବେଳେ ସ୍ବାସ୍ଥ୍ୟ ଏବଂ ମୋଟର ବୀମା ପାଇଁ ଚାହିଦା ଅଭିବୃଦ୍ଧି ହ୍ରାସ ପାଇଥିବା ବୀମା ଶିଳ୍ପ ବିଶେଷଜ୍ଞମାନେ ମତପ୍ରକାଶ କରିିଛନ୍ତି। ତେବେ ଅଣଜୀବନ ବୀମା ଶିଳ୍ପ କ୍ଷେତ୍ରରେ ୨୦୨୨ ଅକ୍ଟୋବରରେ ପୁନର୍ବାର ବୃଦ୍ଧି ଘଟିଛି। ଏ ନେଇ ମଙ୍ଗଳବାର ଜେନେରାଲ ଇନ୍ସୁରାନ୍ସ କାଉନସିଲ (ଜିଆଇସି) ଦ୍ୱାରା ପ୍ରକାଶିତ ଏକ ରିପୋର୍ଟ ଅନୁଯାୟୀ ଚଳିତ ବର୍ଷ ଅକ୍ଟୋବରରେ ୨୦,୪୨୩.୩୮ କୋଟି ଟଙ୍କାର ପ୍ରିମିୟମ ଜମା ସହ ୧୫.୫୧ % ଅଭିବୃଦ୍ଧି ଘଟିଥିଲା। ସେହିଭଳି ସାଧାରଣ ବୀମାକାରୀ ଯେଉଁମାନେ ଏକାଧିକ ବ୍ୟବସାୟ ପରିଚାଳନା କରନ୍ତି ଓ ରାଷ୍ଟ୍ରାୟତ୍ତ ସଂସ୍ଥାଗୁଡ଼ିକର ବର୍ଷକୁ ବର୍ଷ ମଧ୍ୟରେ ୧୭.୫% ଅଭିବୃଦ୍ଧି ହୋଇ ୧୮,୩୯୦.୮୬ କୋଟି ଟଙ୍କାରେ ପହଞ୍ଚତ୍ଛି। ବର୍ଷକୁ ବର୍ଷ ମଧ୍ୟରେ ୪ରାଷ୍ଟ୍ରାୟତ୍ତ ବୀମାକାରୀ ପ୍ରିମିୟମରେ ୨୨.୪୬% ବୃଦ୍ଧି ଘଟିଛି। ବିଶେଷକରି ଘରୋଇ କ୍ଷେତ୍ରରେ ବୀମାକାରୀଙ୍କ ପ୍ରିିମିୟମରେ ବର୍ଷକୁ ବର୍ଷ ମଧ୍ୟରେ ୧୪.୫% ଅଭିବୃଦ୍ଧି ହୋଇଛି। ଏପରିକି ଘରୋଇ କ୍ଷେତ୍ରରେ ବୀମାକାରୀଙ୍କ ମଧ୍ୟରେ ଆଇସିଆଇସିଆଇ ପ୍ରିିମିୟମରେ ୨,୦୪୭.୧୨ କୋଟି ଟଙ୍କା ଆୟ କରିଛି, ଯାହାକି ୨୨.୧୯% ବୃଦ୍ଧି ହୋଇଛି। ବଜାଜ ଆଲିଆନ୍ସ ଜେନେରାଲ ପ୍ରିମିୟମ ୨୪.୫୪% ବର୍ଷକୁ ବର୍ଷ ମଧ୍ୟରେ ବୃଦ୍ଧି ପାଇ ୧,୨୩୦ କୋଟି ଟଙ୍କା ହୋଇଛି। ସେହିପରି ଏଚ୍ଡିଏଫ୍ସି ଆଗ୍ରୋ ପ୍ରିମିୟମ ୫% ବୃଦ୍ଧି ହୋଇ ୧,୨୯୮.୧୯ କୋଟି ଟଙ୍କାରେ ପହଞ୍ଚିଛି। ସେହିଭଳି ୨୦୨୨-୨୩ରେ ଅଣଜୀବନ ବୀମାକାରୀ କ୍ଷେତ୍ରରେ ୧୫% ବର୍ଷକୁ ବର୍ଷ ମଧ୍ୟରେ ପ୍ରିମିୟମ ଅଭିବୃଦ୍ଧି ହୋଇ ୧.୪୫ ଟ୍ରିଲିୟନ୍ ଟଙ୍କାରେ ପହଞ୍ଚଛି, ଯାହାକି ଘରୋଇ କ୍ଷେତ୍ର ଦ୍ୱାରା ସାଧାରଣ ବୀମାକାରୀ ଏବଂ ସ୍ବତନ୍ତ୍ର ସ୍ବାସ୍ଥ୍ୟ ବୀମାକାରୀଙ୍କ ଦ୍ୱାରା ପରିଚାଳିତ । ଉଲ୍ଲେଖଯୋଗ୍ୟ, ୨୦୨୨-୨୩ରେ ୨୦%ରୁ ଅଧିକ ଅଭିବୃଦ୍ଧି ପରେ ଅଣଜୀବନବୀମା ଶିଳ୍ପରେ ୧୦% ଅଭିବୃଦ୍ଧି ଘଟିଛି। ସେହିପରି ଏଚ୍ ୧ ୨୦୨୨-୨୩ରେ ଶିଳ୍ପ କ୍ଷେତ୍ରରେ ଗତବର୍ଷ ସମାନ ଅବଧିରେ ୧୨.୬% ତୁଳନାରେ ୧୫.୩% ବୃଦ୍ଧି ପାଇଛି। ଏହି ଅଭିବୃଦ୍ଧି ସ୍ବାସ୍ଥ୍ୟ, ମୋଟର ଏବଂ ଫସଲ ବୀମା ଦ୍ୱାରା ପରିଚାଳିତ ହୋଇଥିଲା।
