ବଲାଙ୍ଗୀର,୨୬।୫ ( ସୁନିଲ କୁମାର ମହାନ୍ତି): ବଲାଙ୍ଗୀର ଜିଲା ପଦ୍ମପୁର-ପାଟଣାଗଡ ରାସ୍ତା ଜୁରିଆ ବ୍ରିଜ୍ ତଳକୁ ଖସି ପଡ଼ିଲା ଟ୍ରକ୍ । ଦମକଳବାହିନୀ ଦୁର୍ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଟ୍ରକ୍ ତଳେ ଚାପି ହୋଇଯାଇଥିବା ହେଲପରକୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ପାଟଣାଗଡ ସରକାରୀ ଡାକ୍ତରଖାନାକୁ ପଠାଇଥିଲେ । ସୂଚନା ଯୋଗ୍ୟ ଏକ ଛଡ଼ ବୋଝେଇ ଟ୍ରକ୍ ପଦ୍ମପୁରରୁ ଖରିଆର ରୋଡ ଭୋର ୫ଟା ସମୟରେ ଯାଉଥିବା ବେଳେ ଜୁରିଆ ବ୍ରିଜ ଠାରେ ହଠାତ୍ ଚକ ଫାଟି ଯାଇଥିଲା । ଟ୍ରକ୍ର ଚକ ଫଟିଯିବା ଫଳରେ ଟ୍ରକ ଡ୍ରାଇଭର ଭାରସାମ୍ୟ ହରାଇ ବ୍ରିଜ୍ ବାଡ଼କୁ ଧକ୍କା ଦେଇଥିଲେ। ଫଳରେ ଟ୍ରକ୍ଟି ବ୍ରିଜ୍ ତଳକୁ ଖସି ପଡ଼ିଥିଲା। ଟ୍ରକ୍ ଡ୍ରାଇଭର ଅଳ୍ପକେ ବର୍ତ୍ତି ଯାଇଥିବାବେଳେ ହେଲପର ଟ୍ରକ୍ ତଳେ ଚାପି ହୋଇଯାଇଥିଲେ l ପାଟଣାଗଡ ଅଗ୍ନିଶମ ବିଭାଗ ପହଞ୍ଚି ଗୁରୁତର ଅବସ୍ଥାରେ ହେଲପରଙ୍କୁ ଚାପି ହୋଇଯାଇଥିବା ଟ୍ରକ୍ ତକୁ ଉଦ୍ଧାରକାରୀ ଆମ୍ବୁଲାନ୍ସ ଯୋଗେ ଡାକ୍ତରଖାନା ପଠାଇଥିବା ଜଣାପଡିଛି ।
