ଶେଷ ହେଉନି ଶୋଷ ସଂଘର୍ଷ

ଛେଣ୍ଡିପଦା,୧୦ା୪(ସ୍ବ.ପ୍ର.) ନଦୀକୂଳିଆ ଗାଁ । କୂଅ ଅଛି। ନଳକୂଅ ବସାଯାଇଛି। ପାଇପ୍‌ ପାଣି ପାଇଁ ସରକାରଙ୍କ ତରଫରୁ ପ୍ରକଳ୍ପ ମଧ୍ୟ କରାଯାଇଛି। ତଥାପି ଶୋଷ ମେଣ୍ଟାଇବାକୁ ଶେଷ ହେଉନି ଗ୍ରାମବାସୀଙ୍କ ସଂଘର୍ଷ। ନଦୀରେ ଚୁଆ ଖୋଳି ସେମାନେ ସଂଗ୍ରହ କରୁଛନ୍ତି ପାନୀୟ ଜଳ। ଅନୁଗୋଳ ଜିଲା ଛେଣ୍ଡିପଦା ବ୍ଲକରେ ଥିବା ଏହି ଗାଁ ହେଲା ନୂଆଗାଁ ପଞ୍ଚୟତର ଜରିପାଳ।
ଜରିପାଳର ଲୋକ ସଂଖ୍ୟା ପ୍ରାୟ ୮ଶହ। ଗାଁରେ ପାନୀୟ ଜଳର ବ୍ୟବସ୍ଥା ପାଇଁ ମୋଟ ୮ଟି ନଳକୂଅ ଓ କୂଅ ରହିଛି। ପ୍ରତିବର୍ଷ ଗ୍ରୀଷ୍ମ ସମୟରେ ଜଳସ୍ତର ହ୍ରାସ କାରଣରୁ ସେସବୁ ଶୁଖିଯାଉଛି। କେତୋଟି ନଳକୂଅ ଅଚଳ ଅବସ୍ଥାରେ ଥିଲେ ମଧ୍ୟ ମରାମତି କରାଯାଉ ନାହିଁ। ଦୀର୍ଘଦିନର ଦାବି ପରେ ଗୋଟିଏ ଜଳ ପ୍ରକଳ୍ପ ନିର୍ମାଣ କରାଯାଇଛି। କେତେଜଣଙ୍କ ଘରକୁ ପାଇପ୍‌ ସଂଯୋଗ ଦିଆଯାଇଛି। ଗଁାରେ ପାଣି ପଏଣ୍ଟ ବସାଯାଇଛି। ହେଲେ ଦୈନିକ ସକାଳୁ ମାତ୍ର ୧୫ ମିନିଟ୍‌ ପ୍ରକଳ୍ପ ଚାଲୁ କରାଯାଉଥିବାରୁ ଦିନତମାମ ପାଣି ଆବଶ୍ୟକତା ମେଣ୍ଟିପାରୁ ନାହିଁ। ଏ ନେଇ ଗ୍ରାମବାସୀଙ୍କ ପକ୍ଷରୁ ବାରମ୍ବାର ପଞ୍ଚାୟତ ପ୍ରଶାସନ ନିକଟରେ ଅଭିଯୋଗ କରାଯାଇଛି। ଅଧିକ ସମୟ ପାଣି ଛଡ଼ାଯିବାକୁ ଦାବି କରାଯାଇଛି। କିନ୍ତୁ ପାଣି ପାଇଁ ଘର ପିଛା ମାସିକ ୩୦ ଟଙ୍କା ଆଦାୟ କରାଯାଉଥିବା ବେଳେ ସମସ୍ୟା ସମାଧାନ ନିମନ୍ତେ ପଦକ୍ଷେପ ନିଆଯାଉ ନାହିଁ। ଫଳରେ ପାନୀୟ ଆବଶ୍ୟକତା ମେଣ୍ଟାଇବାକୁ ଲୋକେ ଆଉଁଳୀ ନଦୀ ମଧ୍ୟରେ ଚୁଆ ଖୋଳି ଜଳ ସଂଗ୍ରହ କରିବାକୁ ବାଧ୍ୟ ହେଉଛନ୍ତି। ମାସ ମାସ ଧରି ଲୋକେ ଏପରି ଦୂଷିତ ପାଣି ବ୍ୟବହାର କରୁଥିଲେ ମଧ୍ୟ ପଞ୍ଚାୟତ କିମ୍ବା ବ୍ଲକ ପ୍ରଶାସନ ଏଥିପ୍ରତି ଦୃଷ୍ଟି ଦେଉନାହିଁ। ଫଳରେ ଗ୍ରାମବାସଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଆଗାମୀ ଦିନରେ ସେମାନେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି। ସମସ୍ୟା ସମ୍ପର୍କରେ ଛେଣ୍ଡିପଦା ପାନୀୟ ଜଳ ଯୋଗାଣ ଯନ୍ତ୍ରୀ ସନ୍ତୋଷ କୁମାର ଦାସଙ୍କ ମତାମତ ମିଳିପାରି ନାହିଁ।

ପଦକ୍ଷେପ ନେଉନି ପ୍ରଶାସନ
ଗାଁରେ ପାନୀୟ ଜଳ ଯୋଗାଣର ସମସ୍ତ ଭିତ୍ତିଭୂମି ରହିଛି। ଜଳଯୋଗାଣ ପ୍ରକଳ୍ପ, ନଳକୂଅ ଓ କୂଅ ରହିଛି। ହେଲେ ପ୍ରଶାସନ ପକ୍ଷରୁ ମରାମତି ଓ ରକ୍ଷଣାବେକ୍ଷଣ ଦିଗରେ ପଦକ୍ଷେପ ନିଆଯାଉ ନ ଥିବାରୁ ପ୍ରତି ବର୍ଷ ଗ୍ରାମବାସୀ ଜଳକଷ୍ଟ ଭୋଗ କରୁଛନ୍ତି।
-ରମେଶ ବିଶ୍ବାଳ, ପୂର୍ବତନ ସମିତି ସଭ୍ୟ

ଯୋଜନାର ସୁଫଳ ମିଳୁନି
ନଦୀ କୂଳର ଗାଁ ହୋଇ ମଧ୍ୟ ଏଠାକାର ଲୋକେ ଜଳକଷ୍ଟ ଭୋଗିବା ସରକାରୀ ଉଦାସୀନତାର ଏକ ବଡ଼ ଉଦାହରଣ। ସବୁ ଲୋକଙ୍କୁ ପାଇପ୍‌ ପାଣି ଯୋଗାଣ ପାଇଁ ସରକାରଙ୍କ ଏକାଧିକ ଯୋଜନା ଥିଲେ ମଧ୍ୟ ତାହାର ସୁଫଳ ଗ୍ରାମବାସୀ ପାଉନାହାନ୍ତି।
-ରମାକାନ୍ତ ନାଏକ, ଜରିପାଳ

ପର୍ଯ୍ୟାପ୍ତ ପରିମାଣର ପାଣି ଦିଆଯାଉ
ଗ୍ରୀଷ୍ମପ୍ରବାହ ବଢ଼ିବା ସଙ୍ଗେ ସଙ୍ଗେ ପାନୀୟ ଜଳ ଚିନ୍ତା ବେଶି ଘାରୁଛି। ପାଇପ୍‌ ପାଣି ସୁବିଧା ଯେପରି ଗାଁର ସମସ୍ତେ ପାଇପାରିବେ ଓ ପର୍ଯ୍ୟାପ୍ତ ପରିମାଣର ମିଳିବ ସେ ଦିଗରେ ସରକାର ପଦକ୍ଷେପ ନେଲେ ଭଲ ହୁଅନ୍ତା।
-ଉମା ନାଏକ, ଜରିପାଳ

ସମସ୍ୟାର ସମାଧାନ କରାଯିବ
ଜରିପାଳ ଗ୍ରାମରେ ପାନୀୟ ଜଳ ଅଭାବ ଓ ଲୋକେ ଚୁଆ ପାଣି ବ୍ୟବହାର କରୁଥିବା ସମ୍ପର୍କରେ ଅଭିଯୋଗ ଆସିନାହିଁ। ତଥାପି ସମସ୍ୟାର ଗୁରୁତ୍ୱ ଦୃଷ୍ଟିରୁ ତଦନ୍ତ କରାଯାଇ ସମାଧାନ ଦିଗରେ ତ୍ୱରିତ ପଦକ୍ଷେପ ଗ୍ରହଣ କରାଯିବ।
– ବିଶ୍ୱନାଥ ସାହୁ, ବିଡିଓ, ଛେଣ୍ଡିପଦା


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ବ୍ୟାପକ ହେବ ପାଠାଗାର ଆନ୍ଦୋଳନ ଖୁବ୍‌ଶୀଘ୍ର ଓଡ଼ିଶା ସର୍ବସାଧାରଣ ପାଠାଗାର ପାଣ୍ଠି

ଭୁବନେଶ୍ୱର,୨୪ା୧୨(ବ୍ୟୁରୋ): ରାଜ୍ୟରେ ପାଠାଗାର ଆନ୍ଦୋଳନକୁ ବ୍ୟାପକ କରିବା ଲାଗି ଖୁବ୍‌ଶୀଘ୍ର ଓଡ଼ିଶା ସାର୍ବଜନୀନ ପାଠାଗାର ପରିଷଦ ଗଠନ କରାଯିବ। ବିଭିନ୍ନ ବର୍ଗରେ ପ୍ରତିନିଧିତ୍ୱ କରିବା ଭଳି...

କୋଭିଡ୍‌ ଟେଷ୍ଟରେ ଓଡ଼ିଶା ଦେଶରେ ଦ୍ୱିତୀୟ

ଭୁବନେଶ୍ୱର,୨୨।୮(ବ୍ୟୁରୋ): କୋଭିଡ୍‌-୧୯ ଟେଷ୍ଟରେ ଓଡ଼ିଶା ସମଗ୍ର ଦେଶରେ ଦ୍ୱିତୀୟ ସ୍ଥାନ ହାସଲ କରିଛି। ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନେଇ ଦୈନିକ ପ୍ରତି ନିୟୁତ(୧୦ ଲକ୍ଷ)ରେ...

ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ଜର୍ସି, ମାସ୍କଟ ଉନ୍ମୋଚିତ: ‘ଭାରତ ହେବ କ୍ରୀଡ଼ାର ମହାଶକ୍ତି’

ଭୁବନେଶ୍ୱର, ୭ା୧(କ୍ରୀଡ଼ା ପ୍ରତିନିଧି):ଭାରତକୁ ଏକ କ୍ରୀଡ଼ା ମହାଶକ୍ତିରେ ପରିଣତ କରିବା ଲକ୍ଷ୍ୟରେ କେନ୍ଦ୍ର ସରକାରଙ୍କ ପକ୍ଷରୁ ଉଦ୍ୟମ ଆରମ୍ଭ ହୋଇଛି। ଏହି ପରିପ୍ରେକ୍ଷୀରେ ସର୍ବପ୍ରଥମ ଖେଲୋ...

୩ ଆଇପିଏସ୍‌ଙ୍କୁ ପଦୋନ୍ନତି, ମିଳିଲା ଡିଜି ପାହ୍ୟା

ଭୁବନେଶ୍ୱର,୩୧।୮(ବ୍ୟୁରୋ): ରାଜ୍ୟ ସରକାର ଶନିବାର ଭାରତୀୟ ପ୍ରଶାସନିକ ସେବା(ଆଇଏଏସ୍‌) ସ୍ତରରେ ଏକ ବଡ଼ ଧରଣର ଅଦଳବଦଳ କରିଛନ୍ତି। ୩ଜଣ ବରିଷ୍ଠ ଆଇପିଏସ୍‌ ସତ୍ୟଜିତ ମହାନ୍ତି, ମନୋଜ...

ଦେବାଳୟର ସ୍ମୃତିଚିହ୍ନ ବହନ କରୁଥିବାରୁ ଦେଉଳସାହି

କଟକ ଅଫିସ, ୨୭।୧୨: ବାଉନ ବଜାର ତେପନ ଗଳିର ସହର କଟକ। ଯଦିଓ ଏବେ ବାଉନ ବଦଳରେ ଶହେ ବଜାର, ହଜାରେ ଗଳି ସୃଷ୍ଟି ହେଲାଣି...

ଅଖିଳ ଭାରତୀୟ ଶିଳ୍ପ କୌଶଳ ପ୍ରତିଯୋଗିତା: ଦୁଇ ବିଭାଗରେ ଓଡ଼ିଶା ଶ୍ରେଷ୍ଠ

ଭୁବନେଶ୍ୱର, ୨୬।୯ (ବ୍ୟୁରୋ): ୫୫ତମ ଅଖିଳ ଭାରତୀୟ ଶିଳ୍ପ କୌଶଳ ପ୍ରତିଯୋଗିତା(ଅଲ୍‌ ଇଣ୍ଡିଆ ସ୍କିଲ୍‌ କମ୍ପିଟିଶନ୍‌ ଫର୍‌ କ୍ରାଫ୍ଟସମେନ୍‌)ରେ ଓଡିଶାକୁ ମିଳିଛି ଦୁଇ-ଦୁଇଟି ସଫଳତା। ଦୁଇ...

୫ ଡିଗ୍ରୀ ଖସିବ ପାରଦ, ଆଜିଠୁ ବଢ଼ିବ ଶୀତ

ଭୁବନେଶ୍ୱର,୧୦ା୧୨(ବ୍ୟୁରୋ): ଓଡ଼ିଶା ଉପରେ ଏକ ଟ୍ରପ୍‌ ଲାଇନ ରହିଛି। ଏଥିସହିତ ଉପକୂଳରେ ଏକ ଗୁରୁଚାପ କ୍ଷେତ୍ର ସୃଷ୍ଟି ହୋଇଛି। ଗୁରୁଚାପ ଯୋଗୁ ସମୁଦ୍ରରୁ ଜଳୀୟ ବାଷ୍ପ...

କେନ୍ଦ୍ର, ରାଜ୍ୟ ମଧ୍ୟରେ ସମନ୍ବୟ ଅଭାବ

କେନ୍ଦ୍ରାପଡ଼ା ଅଫିସ,୨୦ା୧୨: କେନ୍ଦ୍ରାପଡ଼ା ସହରଠାରୁ ସିଂହଗାଁ ମାତ୍ର ୨୬ କିଲୋମିଟର । ଏହି ଗ୍ରାମର ପ୍ରସୂତିଙ୍କ ପାଇଁ ଆମ୍ବୁଲାନ୍ସ ପହଞ୍ଚତ୍ ପାରୁନାହିଁ । ଗର୍ଭବତୀମାନେ ଭାରରେ...

Advertisement
Archives

Model This Week