ସୀମା ଭିତରେ ସମ୍ପର୍କ

ସାଙ୍ଗ ହୋଇ ରହିବା ପ୍ରବୃତ୍ତି ମହିଳାଙ୍କ କ୍ଷେତ୍ରରେ ଢେର୍‌ ଅଧିକ। ହେଲେ କାହା ସହ କିଭଳି ବନ୍ଧୁତା କରିବାକୁ ହେବ ସେନେଇ ଜାଣିବା ବି ନିହାତି ଦରକାର। ବିଶେଷକରି ଅଫିସ୍‌ରେ ନିଜ ମାଲିକ କିମ୍ବା ସିନିୟରମାନଙ୍କ ସହ ନିବିଡ଼ତା କେତେଦୂର ଗ୍ରହଣୀୟ ସେନେଇ ଠିକ୍‌ ସମୟରେ ସତର୍କ ହେବା ଜରୁରୀ…

ଅଫିସ୍‌ରେ ସମସ୍ତଙ୍କ ସହ ମିଳିମିଶି କାମ କରିବା ଏକ ଭଲ ଗୁଣ। କିନ୍ତୁ ସହକର୍ମୀଭାବେ ସମସ୍ତଙ୍କ ସହ ମିଶିବା ଓ କଥାବାର୍ତ୍ତା କରିବାରେ ମହିଳାଙ୍କୁ ନିଜ ପାଇଁ ନିଜେ ଲକ୍ଷ୍ମଣଗାର ତିଆରି କରି ରଖିବା ଜରୁରୀ। ଅଫିସ୍‌ରେ ନିଜ ବିଭାଗର ମୁଖ୍ୟ କିମ୍ବା ମାଲିକଙ୍କ ସହ ଭଲ ସମ୍ପର୍କ ରଖିବା ଭୁଲ୍‌ କଥା ନୁହେଁ, କିନ୍ତୁ ଭବିଷ୍ୟତରେ ଏହି ସମ୍ପର୍କକୁ ନେଇ ହୁଏତ ଅସୁବିଧା ହୋଇପାରେ। ଯାହାଫଳରେ ବ୍ୟକ୍ତିଗତ ଜୀବନ କିମ୍ବା କ୍ୟାରିୟର ମଧ୍ୟ ପ୍ରଭାବିତ ହୋଇପାରେ। ତେଣୁ ସମ୍ପର୍କର ଲକ୍ଷ୍ମଣଗାର ମଧ୍ୟରେ ରହିଲେ କ୍ୟାରିୟରରେ କୌଣସି ପ୍ରକାର ସମସ୍ୟା ଆସି ନ ଥାଏ।
ଠିକ୍‌ ନୁହେଁ ଆବଶ୍ୟକତାରୁ ଅଧିକ: ଅଫିସ୍‌ରେ ସବୁବେଳେ କାମକୁ ସର୍ବାଧିକ ଗୁରୁତ୍ୱ ଦେବା ଉଚିତ୍‌। ନିଜ ଦାୟିତ୍ୱକୁ ଠିକ୍‌ ଭାବେ ତୁଲାଇ ପାରିଲେ କ୍ୟାରିୟରରେ ସଫଳତା ମିଳିବା ସହିତ ବ୍ୟକ୍ତିଗତ ଜୀବନ ବି ଆନନ୍ଦମୟ ହୋଇଥାଏ। ଅଫିସ କାମକୁ ନେଇ ନିଜ ସହକର୍ମୀ ହୁଅନ୍ତୁ ଅବା ଡିପାର୍ଟମେଣ୍ଟ ମୁଖ୍ୟ ଅବା ମାଲିକ ହୁଅନ୍ତୁ ସମସ୍ତଙ୍କ ସହ ଆବଶ୍ୟକ ଅନୁଯାୟୀ ମିଳାମିଶା ଏକ ସକାରାତ୍ମକ ପରିବେଶ ସୃଷ୍ଟି କରିଥାଏ। କିନ୍ତୁ କୌଣସି ପ୍ରକାରରେ ବି ଆବଶ୍ୟକତାଠାରୁ ଅଧିକ ମିଳାମିଶା ଆଦୌ ଗ୍ରହଣୀୟ ନୁହେଁ। ହୁଏତ କାହା ସହ ଘନିଷ୍ଠତା ବଢ଼ିପାରେ କିନ୍ତୁ ସେସବୁ ସମ୍ପର୍କ ଅଫିସ ବାହାରେ ରହିବା ଦରକାର। ତେଣୁ ଅଫିସ ଭିତରେ ପୁରୁଷ ସହକର୍ମୀ ହୁଅନ୍ତୁ ଅବା ମହିଳା, ସମସ୍ତଙ୍କ ସହ ଅଫିସ୍‌ କାମ ନେଇ ଯେତିକି ଆବଶ୍ୟକ ସେହି ଅନୁସାରେ ମିଶିବା ଫଳରେ କୌଣସି ସମସ୍ୟା ଆସି ନ ଥାଏ।
ସମସ୍ତଙ୍କର ସ୍ଥାନ ସ୍ବତନ୍ତ୍ର: ଅଫିସ୍‌ରେ ବିଭିନ୍ନ ପଦବୀରେ ଭିନ୍ନ ଭିନ୍ନ ବ୍ୟକ୍ତି କାମ କରନ୍ତି। ତେଣୁ ସେ ଉପରିସ୍ଥ କର୍ମଚାରୀ ହୁଅନ୍ତୁ କି ସହକର୍ମୀ ହୁଅନ୍ତୁ ସମସ୍ତଙ୍କର ସ୍ବତନ୍ତ୍ରତା ରହିଛି। ତେଣୁ କାହାକୁ ଛୋଟ ଦୃଷ୍ଟିରେ ଦେଖିବା ଯେମିତି ଭୁଲ୍‌ ସେମିତି ଉପରିସ୍ଥ ସହକର୍ମୀଙ୍କୁ ଅତ୍ୟଧିକ ଆନୁଗତ୍ୟ ପ୍ରକାଶ କରିବା ବି ଅନୁଚିତ। ଏପରି ହେଲେ ଅଫିସରେ ମହିଳାମାନେ ନିଜ ସ୍ବତନ୍ତ୍ରତା ବି ହରାଇପାରନ୍ତି। ତେଣୁ ଏ ଦୃଷ୍ଟିରୁ ସଚେତନ ରହିବା ଜରୁରୀ।
ସକାରାତ୍ମକ ହେଉ
ରକ୍ଷଣଶୀଳତା: କେତେଜଣ ମହିଳା ନିଜକୁ ଆଧୁନିକ ଦେଖାଇବା ପାଇଁ ଅଫିସରେ ପୁରୁଷ ସହକର୍ମୀଙ୍କ ସହ ଅବାଞ୍ଛିତ ମିଳାମିଶା କରନ୍ତି। ଏନେଇ ପରିବାର ହେଉ କି ବନ୍ଧୁମାନଙ୍କର କୌଣସି ପ୍ରକାରର କଟକଣା ସେମାନଙ୍କୁ ଗାଉଁଲି କିମ୍ବା ରକ୍ଷଣଶୀଳ ମାନସିକତା ବୋଲି ଧାରଣା ହୋଇଥାଏ। କିନ୍ତୁ ସକାରାତ୍ମକ ରକ୍ଷଣଶୀଳତା ସବୁ ସ୍ଥାନରେ ଉତ୍ତମ ଚରିତ୍ରର ଉଦାହରଣ ହୋଇଥାଏ ଏକଥାକୁ ଭୁଲିଯିବା ଠିକ୍‌ ନୁହେଁ।
ସିନିୟର କିମ୍ବା ବସ୍‌ଙ୍କ ସହିତ ଘନିଷ୍ଠତା କରି କ୍ୟାରିୟରରେ ଆଗକୁ ବଢିହେବ ବୋଲି କେତେକଙ୍କର ମଧ୍ୟ ଧାରଣା ରହିଥାଏ। କିନ୍ତୁ ନିଜ ଯୋଗ୍ୟତା ଅନୁସାରେ ହିଁ ସବୁବେଳେ ସଫଳତା ମିଳେ ଏକଥାକୁ ଆଦୌ ଭୁଲିବା କଥା ନୁହେଁ। ଯଦି ବି କେହି ନିଜ ଯୋଗ୍ୟତା ନ ଥାଇ ଅନୁଗ୍ରହରେ କ୍ୟାରିୟରରେ ସଫଳତା ପାଇଥାନ୍ତି ତେବେ ତାହା କ୍ଷଣସ୍ଥାୟୀ ହୋଇଥାଏ। ତେଣୁ ସବୁବେଳେ ନିଜର ଯୋଗ୍ୟତା ବଢାଇବା ପାଇଁ ଚେଷ୍ଟା କରିବା ଜରୁରୀ।

ଏମାନେ କ’ଣ କରନ୍ତି

ଅଫିସ କାମରେ କଥା ହୁଏ: ଅଫିସ୍‌ରେ ମୁଁ ସମସ୍ତଙ୍କ ସହ ମିଶେ କେବଳ ଅଫିସିଆଲ କାମ ପାଇଁ। ଆବଶ୍ୟକ ନ ଥିଲେ ମୁଁ କାହା ସହ ଅଧିକ ସମୟ କଥା ହୁଏନି। ତେଣୁ ସହକର୍ମୀ ହୁଅନ୍ତୁ କି ମୋର ସିନିୟର ଅବା ବସ୍‌ ସମସ୍ତଙ୍କ ସହ ମୁଁ ମାପିଚୁପି କଥାବାର୍ତ୍ତା ହୁଏ। ଅବଶ୍ୟ ସହକର୍ମୀଙ୍କ ମଧ୍ୟରେ ମୋର କେତେଜଣ ବନ୍ଧୁ ବି ଅଛନ୍ତି ଯେଉଁମାନଙ୍କ ସହ ମୁଁ ସବୁ ସମସ୍ୟା ନେଇ ଆଲୋଚନା କରିଥାଏ। ମାତ୍ର ଅଫିସ୍‌ରେ ନୁହେଁ ବରଂ ଘରେ କିମ୍ବା ଅଫିସ ବାହାରେ କୌଣସି ସ୍ଥାନରେ ଏକାଠି ହେଲେ ଆମେ ମନକଥା ଗପୁ।
-ମହାଶ୍ୱେତା ତ୍ରିପାଠୀ, କର୍ମଜୀବୀ, ଭୁବନେଶ୍ୱର
ସତର୍କ ରହିଥାଏ: ଅଫିସରେ ପୁରୁଷ ସହକର୍ମୀଙ୍କ ସହ ବି ମୁଁ ମିଳାମିଶା କରେ, କିନ୍ତୁ ସମ୍ପର୍କର ସୀମା ଡେଇଁଲା ଭଳି କେବେ କୌଣସି କାମ କରିନି। ସେଥିପାଇଁ ଅଫିସରେ ମୋର ସମସ୍ତଙ୍କ ସହ ଭଲ ସମ୍ପର୍କ ରହିଛି। ଅଫିସ କାମରେ ମୁଁ ସମସ୍ତଙ୍କ ସହ ମିଶି କାମ କରେ। କାହା ସହ ଆବଶ୍ୟକତାରୁ ଅଧିକ ମିଳାମିଶା କରିବା ମତେ ଆଦୌ ପସନ୍ଦ ନୁହେଁ। ଅଫିସ ପରିବେଶକୁ ଖରାପ କରିବା ଭଳି କାହା ସହିତ ବି ମିଳାମିଶା କରିବା ଠିକ୍‌ ନୁହେଁ। ସେଥିପାଇଁ ମୁଁ ସବୁବେଳେ ସତର୍କ ରହିଥାଏ।
-ଶିବାନୀ ସେବିକା ସ୍ବାଇଁ, କର୍ମଜୀବୀ, ନଖରା, କଟକ
ସୀମା ଡେଇଁ ନାହିଁ: ଅଫିସ୍‌ରେ ସବୁବେଳେ ମୋ କାମ ଉପରେ ହିଁ ଅଧିକ ଫୋକସ୍‌ କରେ। ସେଥିପାଇଁ ଆବଶ୍ୟକ ସ୍ଥଳେ ସହକର୍ମୀଙ୍କଠାରୁ ଆରମ୍ଭକରି ସିନିୟର ତଥା ମାଲିକଙ୍କ ସହ ବି ଦେଖା ସାକ୍ଷାତକରେ। କିନ୍ତୁ ସବୁବେଳେ ସୀମା ଭିତରେ ରହି କାମ କରୁଥିବାରୁ ମତେ କେହି ଆକ୍ଷେପ କରି କିଛି କହିବାର ସୁଯୋଗ ପାଇ ନ ଥାନ୍ତି। ମୋ ମତରେ ନାରୀମାନେ ଯେତେ ଆଧୁନିକ ହେଲେ ବି ସବୁବେଳେ ନିଜ ଚରିତ୍ର ଓ ଆଚରଣକୁ ନେଇ ସଚେତନ ରହିବା ଜରୁରୀ। -ହିମଶ୍ୱେତା ସୁବୁଦ୍ଧିରାୟ, କର୍ମଜୀବୀ, ଚୌଦ୍ୱାର, କଟକ

 


Enter your email to get our daily news in your inbox.

All Right Reserved By Dharitri.Com

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଅନୁରାଧା ନକ୍ଷତ୍ରରେ ସୂର୍ଯ୍ୟଙ୍କ ପ୍ରବେଶ: ୫ ରାଶିର ଭାଗ୍ୟରେ ଲାଗିଲା ଚାରିଚାନ୍ଦ, ଧନଲାଭ ସହ ଚାକିରିରେ ବଡ଼ ପ୍ରମୋଶନ

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ମେଷ, ମିଥୁନ, କନ୍ୟା, ଧନୁ ଓ ମୀନ ରାଶିର ବ୍ୟକ୍ତିଙ୍କୁ ଭାଗ୍ୟର ସାଥ୍‌ ମିଳିବ। ଏହି ୫ଟି ରାଶିର ଲୋକଙ୍କ ପାଇଁ…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?