ନୂଆଦିଲ୍ଲୀ,୧୧।୬: ବୈଭବ ସୂର୍ଯ୍ୟବଂଶୀଙ୍କୁ ‘ଛକା ମାରିବା ମେଶିନ’ କହିବା ଭୁଲ ହେବ ନାହିଁ। ତାଙ୍କ ଟି୨୦ କ୍ୟାରିୟରରେ ସେ ଚୌକା ଅପେକ୍ଷା ଅଧିକ ଛକା ମାରିଛନ୍ତି। ସେ ଗୋଟିଏ ଇନିଂସରେ ଗୋଟିଏ ବି ଛକା ମାରି ନ ଥିବା ଖୁବ୍ କମ୍ ମ୍ୟାଚ୍ରେ ଦେଖିବାକୁ ମିଳେ। ଶ୍ରୀଲଙ୍କା ବିପକ୍ଷରେ ଚାଲିଥିବା ଟ୍ରାଏ-ସିରିଜରେ ମଧ୍ୟ ସମାନ ଘଟଣା ଘଟିଥିଲା, କାରଣ ବୈଭବ ତାଙ୍କର ୪୪ ରନର ଇନିଂସ ମଧ୍ୟରେ ଗୋଟିଏ ବି ଛକା ମାରି ନ ଥିଲେ। ୨୨ ବଲରୁ ୨୦୦ ଷ୍ଟ୍ରାଇକ ରେଟରେ ୪୪ ରନ କରିଥିଲେ। ଏହି ଇନିଂସରେ କୌଣସି ଛକା ନ ଥିଲା ମଧ୍ୟ, ସେ ୯ ଚୌକା ମାରିଥିଲେ।
ବୈଭବ ସୂର୍ଯ୍ୟବଂଶୀ IPL ୨୦୨୬ରେ ୭୨ ଛକା ମାରିଛନ୍ତି । ଏହା ଏକ ରେକର୍ଡ। ସେ ତାଙ୍କ ମୋଟ ଟି୨୦ କ୍ୟାରିୟରରେ ୧୧୬ ଚୌକା ଏବଂ ୧୩୪ ଛକା ମାରିଛନ୍ତି। ସେ ପ୍ରାୟତଃ ଛକା ସହିତ ତାଙ୍କର ଇନିଂସ ଆରମ୍ଭ କରନ୍ତି। କିନ୍ତୁ ଆଫଗାନିସ୍ତାନ ଏ ବିପକ୍ଷରେ ତାଙ୍କ ବ୍ୟାଟରୁ କୌଣସି ଛକା ନ ମାରିବା ଏକ ବିରଳ ଘଟଣା।
ଶ୍ରୀଲଙ୍କା ଏ ବିପକ୍ଷ ଟ୍ରାଏ-ସିରିଜର ପ୍ରଥମ ମ୍ୟାଚରେ, ବୈଭବ ସୂର୍ଯ୍ୟବଂଶୀ ମାତ୍ର ୧୪ ରନ କରି ଆଉଟ ହୋଇଥିଲେ। ସେହି ଇନିଂସରେ ମଧ୍ୟରେ ସେ ୩ ଚୌକା ମାରିବାରେ ସଫଳ ହୋଇଥିଲେ। ଏହି ସିରିଜର ଦୁଇଟି ମ୍ୟାଚରେ, ବୈଭବ ୩୬ ବଲର ସମ୍ମୁଖୀନ ହୋଇଛନ୍ତି, ୧୨ ଚୌକା ମାରିଛନ୍ତି କିନ୍ତୁ ଥରେ ମଧ୍ୟ ଛକା ମାରିନାହାନ୍ତି।
Dharitri – Odisha’s No.1 Odia Daily
