ମେଢ଼ ଖୋଜୁଛି ମଣ୍ଡପ

ବଅଁରପାଳ,୧୮ା୯(ଡି.ଏନ.ଏ.) ପୂଜା ପାଇଲେ ଦେବଶିଳ୍ପୀ। ରୀନିନୀତି ଅନୁଯାୟୀ କରାଗଲା ଆବାହନ। ହେଲେ ନା’ ଦୂରକୁ ଶୁଭିଲା ପଣ୍ଡିତଙ୍କ ମନ୍ତ୍ରପାଠ ନା’ ଉତ୍ସବମୁଖର ହେଲା ନାଲ୍‌କୋନଗର। ପୂଜା କେଉଁଠି ହେଲା, କେମିତି ହେଲା, ତାହା ଜାଣିପାରିଲେନି ଅଞ୍ଚଳବାସୀ। କୋଭିଡ୍‌ କାଳ ହୋଇ ନ ଥିଲେ ଏତେବେଳକୁ ଝଲମଲ ହେଉଥାନ୍ତା ଅନୁଗୋଳ ଜିଲାର ଏହି ଆଲୁମିନିୟମ ନଗରୀ। ଆଖି ଝଲାସାଇ ଦେବାଭଳି ସାଜସଜ୍ଜା ଓ ସାଂସ୍କୃତିକ କାର୍ଯ୍ୟକ୍ରମରେ ପୂରି ଉଠୁଥାନ୍ତା ବିଭିନ୍ନ ମଣ୍ଡପ। ଛାତିଫଟା ଭିଡ଼ରେ ଜମୁଥାନ୍ତା ପୂଜା ମଉଜ। କିନ୍ତୁ ଗତ ଦୁଇବର୍ଷ ହେଲା ସ୍ଥିତି ବିଗାଡ଼ି ଦେଇଛି ମହାମାରୀ। ସେଥିପାଇଁ ଆଡ଼ମ୍ବରକୁ ଦିଆଯାଉନି ଅନୁମତି। ଫଳରେ ଯେଉଁ ମଣ୍ଡପରେ ବିଶ୍ୱନିୟନ୍ତା ବିରାଜମାନ କରିଥାନ୍ତେ, ସେଠି ଏବେ ରାଜୁତି କରୁଛି ଘାସବଣ।
ନାଲ୍‌କୋର ସ୍ମେଲଟର ଓ ସିପିପି ପ୍ଲାଣ୍ଟର ମୋଟ୍‌ ୨୩ଟି ସ୍ଥାନରେ ବିଶ୍ୱକର୍ମାଙ୍କ ପୂଜା କରାଯାଏ। ୭ ଦିନିଆ ଏହି ଉତ୍ସବକୁ ଅତ୍ୟନ୍ତ ଆକର୍ଷଣୀୟ କରିବାକୁ ମାସ ମାସ ପୂର୍ବରୁ କମିଟିଗୁଡ଼ିକ ପକ୍ଷରୁ ସୁଚିନ୍ତିତ ଯୋଜନା କରାଯାଇଥାଏ। ପଟ୍‌ଲାଇନ୍‌, କାଷ୍ଟ ହାଉସ, ରୋଡିଂ ଶପ୍‌, ଆରପିୟୁ, ସିଭିଲି, ଉଦ୍ୟାନ, ସିପିପି ଅପରେଶନ, ଇଲେକ୍ଟ୍ରିକାଲ, କାର୍ବନ ଏରିଆ, ଠିକାଦାର ସଂଘ ମଧ୍ୟରୁ କିଏ ସାଜସଜ୍ଜାରେ ବାଜିମାରିବ ତାହା ହିଁ ମୁଖ୍ୟ ଚର୍ଚ୍ଚାର ବିଷୟ ହୋଇଥାଏ। ସେଥିପାଇଁ ରାଜ୍ୟ ବାହାରୁ କାରିଗରଙ୍କ ସହ ବିଭିନ୍ନ ସାମଗ୍ରୀ ମଗାଯାଇଥାଏ। ବହୁ ଲକ୍ଷ ଟଙ୍କା ବ୍ୟୟ କରାଯାଇ ଅତି ଜାକଜମକରେ ଏହାର ଆୟୋଜନ କରାଯାଇଥାଏ। ଜାତୀୟସ୍ତରୀୟ ପଲ୍ଲିଶ୍ରୀ ମେଳା, ସାଂସ୍କୃତିକ କାର୍ଯ୍ୟକ୍ରମ, ଦୋଳି, ମିନାବଜାର ଓ ଭିନ୍ନ ଭିନ୍ନ ପ୍ରକାର ଖାଦ୍ୟ ଷ୍ଟଲର ଆକର୍ଷଣ ରାଜ୍ୟବାସୀଙ୍କୁ ଆକର୍ଷିତ କରିଥାଏ। କିନ୍ତୁ କୋଭିଡ୍‌ କଟକଣା ଯୋଗୁ ଗତବର୍ଷ ପରି ଚଳିତବର୍ଷ ମଧ୍ୟ ନାଲ୍‌କୋନଗରରେ ବିନା ଆଡ଼ମ୍ବରରେ ବିଶ୍ୱକର୍ମା ପୂଜା ପାଳନ କରାଯାଇଛି। ମଣ୍ଡପଗୁଡ଼ିକରେ ମେଢ ପରିବର୍ତ୍ତେ ଅନୁଷ୍ଠାନ ମଧ୍ୟରେ କେବଳ ଫଟୋ ଓ ଛୋଟ ମୂର୍ତ୍ତି ପୂଜାରେ ଏହାକୁ ସୀମିତ ରଖାଯାଇଛି। ସେହିପରି ଭସାଣିକୁ ନେଇ ମଧ୍ୟ ସେପରି କିଛି ଯୋଜନା କରାଯାଇ ନାହିଁ। ସେଥିପାଇଁ ପ୍ରତିବର୍ଷ ପୂଜା ବେଳେ ଜନଗହଳି ଲାଗୁଥିବା ଏହି ଆଲୁମିନିୟମ ନଗରୀରେ ଏବେ ଜନଶୂନ୍ୟ ପରିବେଶ ସୃଷ୍ଟି ହୋଇଛି।
କୋଭିଡ୍‌ ଛଡ଼ାଇ ନେଇଛି ଉତ୍ସବ
ନାଲ୍‌କୋ ଅଞ୍ଚଳର ମୁଖ୍ୟ ଉତ୍ସବ କହିଲେ ବିଶ୍ୱକର୍ମା ପୂଜାକୁ ବୁଝାଏ। ହେଲେ ମହାମାରୀ କୋଭିଡ୍‌ କାରଣରୁ ଗତ ୨ ବର୍ଷ ହେଲା ଏହା ପୂର୍ବଭଳି ଆଡ଼ମ୍ବରରେ ପାଳନ ହୋଇପାରୁ ନାହିଁ। ତେଣୁ ପୂଜା ହେଉଥିଲେ ମଧ୍ୟ ତାହା ଉତ୍ସବ ଭଳି ଅନୁଭବ ହେଉନାହିଁ କି ଅଞ୍ଚଳବାସୀ ଖୁସି ପାଇପାରୁ ନାହାନ୍ତି।
-ସଂଗ୍ରାମ ମିଶ୍ର, ଅନୁଗୋଳ
କଳା ପ୍ରଦର୍ଶନ, ରୋଜଗାର ନାହିଁ
ପ୍ରତ୍ୟେକ ବର୍ଷ ପଲ୍ଲିଶ୍ରୀ ମେଳାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ହୋଇଥାଏ। ଦଣ୍ଡନୃତ୍ୟ ଠାରୁ ଆରମ୍ଭ କରି ନାଟକ ପରିବେଷଣ କରାଯାଇଥାଏ। ଫଳରେ ସ୍ଥାନୀୟ ଅଞ୍ଚଳର ବହୁ କଳାକାର କଳା ପ୍ରଦର୍ଶନ ସହ ରୋଜଗାର କରିପାରିଥାନ୍ତି। କିନ୍ତୁ ୨ ବର୍ଷ ହେଲା ସେଥିରୁ ଆମେ ବଞ୍ଚିତ। ଞ୍ଚଳବାସୀ ଖୁସି ପାଇପାରୁ ନାହାନ୍ତି।
-ବାମଦେବ ସେଠ, ଦଣ୍ଡ କଳାକାର, କୁଲାଡ
ପୂଜା ବୁଲିବାର ମଜା ପାଉନୁ
ନାଲ୍‌କୋର ପ୍ରସିଦ୍ଧ ବିଶ୍ୱକର୍ମା ପୂଜା ଆରମ୍ଭ ହୋଇଛି। କିନ୍ତୁ ଏହା କେମିତି ପାଳନ ହେଉଛି ତାହା କହିଲା ବେଳେ ଆଖିରେ ଲୁହ ଜକେଇ ଆସୁଛି। ପ୍ରତିବର୍ଷ ଏହି ଦିନକୁ ଅନୁଗୋଳ, ଢେଙ୍କାନାଳ ସହ ଅନ୍ୟ ଜିଲାର ଜନସାଧାରଣ ଚାହିଁ ରହିଥାନ୍ତି। କିନ୍ତୁ ୨ ବର୍ଷ ହେଲା ଆଡ଼ମ୍ବର ନାହିଁ କି ମଜା ମିଳୁନି।
-ଜୟଶ୍ରୀ ପଟ୍ଟନାୟକ, ହିନ୍ଦୋଳ
୨ ବର୍ଷ ହେଲା କ୍ଷତି ସହୁଛୁ
ବିଶ୍ୱକର୍ମା ପୂଜାର ମାସେ ଆଗରୁ ମଣ୍ଡପ ନିର୍ମାଣ ଆରମ୍ଭ ହୁଏ। ପ୍ରତିଯୋଗିତାମୂଳକ ସାଜସଜ୍ଜା କରାଯାଉଥିବାରୁ ରାଜ୍ୟ ବାହାରୁ କାରିଗରଙ୍କୁ ଅଣାଯାଏ। ନାଲ୍‌କୋ ସହ ଜିଲାର ବିଭିନ୍ନ ସ୍ଥାନରୁ ଟେଣ୍ଟ ସାମଗ୍ରୀ ନିଆଯାଉଥିବାରୁ ଲକ୍ଷାଧିକ ଟଙ୍କା ମିଳିଥାଏ। କିନ୍ତୁ ଏହି ମହାମାରୀ ବ୍ୟବସାୟକୁ ମାରିଦେଇଛି।
-କୁନାଲ ସେଠ, ଟେଣ୍ଟହାଉସ
ମାଲିକ, ନାଲ୍‌କୋ


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ସୁଧାଂଶୁଙ୍କୁ ଗୁରୁଦାୟିତ୍ୱ ଦେଲା କଂଗ୍ରେସ

ରୂପସା,୨୮।୩(ବାଞ୍ଛାନିଧି ଦେ): ବାଲେଶ୍ୱର ଜିଲା କଂଗ୍ରେସ କମିଟି ସାଧାରଣ ସମ୍ପାଦକ ଓ ମୁଖ୍ୟ ମୁଖପାତ୍ର ସୁଧାଂଶୁ ଶେଖର ଜେନାଙ୍କୁ ପ୍ରଦେଶ କଂଗ୍ରେସ କମିଟି ପକ୍ଷରୁ ଭଦ୍ରକ...

ଓଡ଼ିଶା ପାଇଁ ଏପ୍ରିଲ ପ୍ରଥମ ସପ୍ତାହରେ ପ୍ରାର୍ଥୀ ଘୋଷଣା କରିବ କଂଗ୍ରେସ

ଭୁବନେଶ୍ୱର,୨୮।୩: ଓଡ଼ିଶା ପାଇଁ ଭାରତୀୟ ଜନତା ପାର୍ଟି(ଭାଜପା) ୧୮ ଟି ଲୋକ ସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ ବିଜୁ ଜନତା ଦଳ(ବିଜେଡି)...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri