ଓଡ଼ଗାଁ,୧୦ା୩ (ସ୍ବ.ପ୍ର): ନୟାଗଡ଼ ଜିଲାର ଓଡ଼ଗାଁ ସମେତ ଅନ୍ୟ ବ୍ଲକରୁ ଧାନ ବିକ୍ରିରେ ସୁଧାର ଆଣିବାକୁ ଜିଲାପାଳ ସମ୍ବଲପୁର ମିଲରଙ୍କୁ ଧାନ କିଣିବାକୁ ଅନୁମତି ପ୍ରଦାନ କରିଥିଲେ। ବିନା କଟ୍ନୀ ଛଟନୀରେ ଧାନ କିଣିବାକୁ କୁହାଯାଇଥିଲା। ହେଲେ ସମ୍ବଲପୁର ମିଲର ମଧ୍ୟ ୫ରୁ ୭ କେଜି ଧାନ କାଟି ନେଉଥିବା ଚାଷୀମାନେ ଅଭିଯୋଗ କରିଥିଲେ। ଏହାକୁ ନେଇ ଧାନ କିଣାରେ ଅହେତୁକ ବିଳମ୍ବ ଯୋଗୁ ଓଡ଼ଗାଁ ବ୍ଲକ କୋମଣ୍ଡ ଧାନ ମଣ୍ଡିରେ ଗତ ୧୦ ଦିନ ହେଲା ପ୍ରାୟ ୧ହଜାର କୁଇଣ୍ଟାଲ ଧାନ ବସ୍ତା ଖୋଲା ଆକାଶ ତଳେ ପଡି ରହିଥିଲା। ହେଲେ ମଣ୍ଡିରେ ଚାଷୀମାନଙ୍କ ନିମନ୍ତେ ସର୍ବନିମ୍ନ ମୌଳିକ ସୁବିଧା ଉପଲବ୍ଧ କରାଯାଇ ନ ଥିଲା। ମେଘୁଆ ପାଗ ହେବାରୁ ଚାଷୀଙ୍କ ମନରେ ଛନକା ପଶିଥିଲା। ଏ ସଂକ୍ରାନ୍ତରେ ଧରିତ୍ରୀରେ ଏକ ରିପୋର୍ଟ ପ୍ରକାଶ ପାଇବା ପରେ ରାଜନୈତିକ ତଥା ପ୍ରଶାସନିକ ତପତ୍ରତ ପ୍ରକାଶ ପାଇଥିଲା। ଗୁରୁବାର କନ୍ଧମାଳ ପ୍ରାକ୍ତନ ଏମ୍ପି ତଥା ଭାଜପା ନେତ୍ରୀ ପ୍ରତ୍ୟୁଷା ରାଜେଶ୍ୱରୀ ସିଂହ, ଭାଜପା ନେତା ନସିର ଅହମ୍ମଦ, ଜିଲା ଭାଜପା ମୋର୍ଚ୍ଚା ସଭାପତି ସନ୍ତୋଷ କୁମାର ପ୍ରଧାନ, ଆଇନଜୀବୀ (ଭାଜପା ସେଲ) କୃପାସିନ୍ଧୁ ଗୌଡକୋମଣ୍ଡ ଧାନ ମଣ୍ଡିରେ ପହଞ୍ଚତ୍ ୨୦ରୁ ଊର୍ଦ୍ଧ୍ୱ ଚାଷୀଙ୍କ ସହିତ ଆଲୋଚନା କରିଥିଲେ। ସେମାନଙ୍କୁ ସର୍ବନିମ୍ନ ସୁବିଧା ପ୍ରଦାନ କରାଯାଇ ନ ଥିବାରୁ ସେଠାରେ ଉପସ୍ଥତି ଥିବା ଜିଲା ଯୋଗାଣ ଅଧିକାରିଣୀ ତିଳୋତ୍ତମା ପ୍ରଧାନଙ୍କ ସହିତ ଅଲୋଚନା କରିବା ସହିତ ଧାନ ଉଠାଣରେ ଅହେତୁକ ବିଳମ୍ଭ ନିମନ୍ତେ କ୍ଷୋଭ ପ୍ରକାଶ କରିଥିଲେ। ଅନ୍ୟପକ୍ଷେ ଜିଲା ପ୍ରଶାସନ ଏବଂ ରାଜନୈତିକ ହସ୍ତକ୍ଷେପ ହେଉଥିବା ସୂଚନା ପାଇ ସମ୍ବଲପୁର ମିଲର ଟ୍ରକ ନେଇ ପହଞ୍ଚତ୍ ଥିଲେ। ଅସଲ ଚାଷୀଙ୍କୁ ଚିହ୍ନଟ କରି ଯୋଗାଣ ଅଧିକାରୀ ଧାନ କ୍ରୟ କରିବାକୁ ଉଦ୍ୟମ କରିଥିଲେ। ପ୍ରାୟ ୫୦୦ କୁଇଣ୍ଟାଲ ଧାନ ଲୋଡ ହୋଇଥିବା ସଭାପତି ପ୍ରଶାନ୍ତ କୁମାର ମିଶ୍ର ସୂଚନା ଦେଇଛନ୍ତି। ଅବଶିଷ୍ଟ ଧାନ ଶୁକ୍ରବାର ବିକ୍ରି ହେବାର ସମ୍ଭାବନା ରହିଛି ବୋଲି ସେ କହିଛନ୍ତି।
