ଦୁବାଇ,୨୬।୧୦: ଦୁଇ ଦିନ ପୂର୍ବେ ପାକିସ୍ତାନ ଅଧିନାୟକ ବାବର ଆଜମ ନିଜ ଦେଶର କ୍ରିକେଟ ପ୍ରଶଂସକମାନଙ୍କୁ ଉତ୍ସବ ପାଳନ କରିବାକୁ ଏପରି ସୁଯୋଗ ଦେଇଥିଲେ, ଯାହାକି ସେମାନେ ଦୀର୍ଘ ସମୟ ଅପେକ୍ଷା କରିଥିଲେ। ବାବରଙ୍କ ଅଧିନାୟକତ୍ୱରେ ପାକିସ୍ତାନ ଟି -୨୦ ବିଶ୍ୱକପରେ ୧୦ ଉଇକେଟରେ ଭାରତକୁ ପରାସ୍ତ କରିଛି । ଉଭୟ ଦିନିକିଆ ଏବଂ ଟି -୨୦ ବିଶ୍ୱକପରେ ପ୍ରଥମ ଥର ପାକିସ୍ତାନ ଭାରତକୁ ପରାସ୍ତ କରିଥିଲା।
ଭାରତକୁ ପରାଜୟର କ୍ଷତ ଦେବା ପରେ ବାବର ଏବେ ଭାରତୀୟ ଅଧିନାୟକ ବିରାଟ କୋହଲିଙ୍କ ପଦାଙ୍କ ଅନୁସରଣ କରୁଛନ୍ତି। ବାବର ଗରିବ ପିଲାମାନଙ୍କ ଜୀବନରେ ଉନ୍ନତି ଆଣିବା ପାଇଁ କାମ କରିବେ। ସେ ୨୫୦ ଜଣ ଅଭାବୀ ପିଲାଙ୍କ ଶିକ୍ଷା ପାଇଁ ଖର୍ଚ୍ଚ ବହନ କରିବାକୁ ନିଷ୍ପତ୍ତି ନେଇଛନ୍ତି। ଏଥିପାଇଁ ସେ ଏକ ଅନଲାଇନ ଶିକ୍ଷା ପ୍ଲାଟଫର୍ମ ସହିତ ହାତ ମିଳାଇଛନ୍ତି। ଭାରତୀୟ ଅଧିନାୟକ ବିରାଟ ତାଙ୍କ ଫାଉଣ୍ଡେସନ ମାଧ୍ୟମରେ ଖେଳାଳିଙ୍କୁ ସାହାଯ୍ୟ କରିସାରିଛନ୍ତି। ସେହିଭଳି ବାବର ମଧ୍ୟ ପିଲାମାନଙ୍କର ଭବିଷ୍ୟତକୁ ସଜାଇବା ପାଇଁ ଉତ୍ତମ କାର୍ଯ୍ୟ କରିବେ।
ବାବର କହିଛନ୍ତି ଯେ ଏହି ପଦକ୍ଷେପ ତାଙ୍କ ପିତା ତଥା ଆଦର୍ଶ ମହମ୍ମଦ ଆଜମଙ୍କ ପାଇଁ ଉତ୍ସର୍ଗୀକୃତ। ଆଜମ ଏହା ମଧ୍ୟ ଘୋଷଣା କରିଛନ୍ତି ଯେ ଏହି ଉତ୍ତମ କାରଣ ପାଇଁ ପ୍ରଥମେ ୨୦ ଲକ୍ଷ ଟଙ୍କା ପାଣ୍ଠି ଯୋଗାଇ ଦିଆଯାଇଛି। ମୁଁ ୨୫୦ ଯୋଗ୍ୟ ଛାତ୍ରଙ୍କୁ ଶିକ୍ଷା ଦେଇ ଭାରତ ଉପରେ ବିଜୟ ଉତ୍ସବ ପାଳନ କରିବାକୁ ଚାହୁଁଛି। ଏହା ମଧ୍ୟ ମୋ ବାପାଙ୍କ ସ୍ବପ୍ନ ଥିଲା ଏବଂ ଆମେ ଏହାକୁ ବାସ୍ତବରେ ପରିଣତ କରିବାକୁ ଯାଉଛୁ । ଏହାପୂର୍ବରୁ ବାବର ଆଜାମ ଭାରତ ବିପକ୍ଷ ମ୍ୟାଚରେ ଚମତ୍କାର ବ୍ୟାଟିଂ କରିଥିଲେ। ସେହି ମ୍ୟାଚରେ ବାବର ଏବଂ ୱିକେଟ କିପର ବ୍ୟାଟ୍ସମ୍ୟାନ ମହମ୍ମଦ ରିଜୱାନଙ୍କ ମଧ୍ୟରେ ୧୫୨ ରନର ଭାଗିଦାରୀ ହୋଇଥିଲା। ବାବର ୫୨ ବଲରୁ ଅପରାଜିତ ୬୮ ରନ କରିଥିଲେ।
