ବିରୋଧୀଙ୍କ ରଣନୀତି ବିଜେଡିକୁ ଚ୍ୟାଲେଞ୍ଜ

ଜଗତ୍‌ସିଂହପୁର ଅଫିସ,୭ା୨: ଜଗତ୍‌ସିଂହପୁର ଜିଲାରେ ୨୦୧୭ ନିର୍ବାଚନ ବେଳେ ୨୬ଟି ଜିଲା ପରିଷଦ ଜୋନ୍‌ ମଧ୍ୟରୁ କଂଗ୍ରେସ ବାଲିକୁଦା ବ୍ଲକର ୧ନଂ. ଜୋନ୍‌ ଜିତି ଥିଲା। ସେତେବେଳେ ପ୍ରଥମେ ବିଜେଡି ପ୍ରାର୍ଥୀ ଜିତି ଥିବା ପ୍ରଚାର ହୋଇଥିଲା। କିନ୍ତୁ ପରେ କଂଗ୍ରେସ ପ୍ରାର୍ଥୀ ୭୮୩ ଖଣ୍ଡ ଭୋଟ ବ୍ୟବଧାନରେ ଜିତିବା ଖବର ନିଆରା ପରିବେଶ ସୃଷ୍ଟି କରିଥିଲା। ଏବେ ମଧ୍ୟ ଏହି ଜୋନ୍‌ରେ ରାଜନୈତିକ ପରିବେଶ ଉଷ୍ମ ରହିଛି। ଜୋନ୍‌ରେ ବିଜେଡି, ଭାଜପା, କଂଗ୍ରେସ ଓ ବିଏସ୍‌ପି ପକ୍ଷରୁ ପ୍ରାର୍ଥୀ ଦିଆଯାଇଛି। କିନ୍ତୁ କଂଗ୍ରେସ ଓ ବିଜେଡି ମଧ୍ୟରେ କଡ୍ଡା ମୁକାବିଲା ହେଉଥିବା ବେଳେ ଭାଜପା ମଧ୍ୟ ପଛରେ ପଡିନାହିଁ। ବିଜେଡି ଗୋଷ୍ଠୀ କନ୍ଦଳର ଫାଇଦା ନେବାକୁ କଂଗ୍ରେସ ଓ ଭାଜପା ପ୍ରାର୍ଥୀମାନେ ଦମ୍‌ ଲଗାଇ ଦେଇଛନ୍ତି ବୋଲି ରାଜନୈତିକ ବିଶ୍ଳେଷକମାନେ କହିଛନ୍ତି।
ବାଲିକୁଦା ୧ନଂ. ଜୋନ୍‌ ଗତଥର ଅଣସଂରକ୍ଷିତ ଥିଲା। ଏଥର ମହିଳାଙ୍କ ପାଇଁ ସଂରକ୍ଷିତ ରହିଛି। ଏହି ଜୋନ୍‌ ଗରାମ, ଇଚ୍ଛାପୁର, ସଂଗ୍ରାମପୁର, କାଳିଓ, କୃଷ୍ଣଦାସପୁର, ଅଳାବୋଳ ଓ ଅରିଲୋ ପଞ୍ଚାୟତକୁ ନେଇ ଗଠିତ। ଗତ ନିର୍ବାଚନରେ ଜୋନ୍‌ରେ ଭୋଟର ସଂଖ୍ୟା ୩୧,୧୭୯ ଥିଲା। କିନ୍ତୁ ଏଥର ଅଧିକ ୧୬୦୦ ଯୋଡି ହୋଇଛନ୍ତି। ଯାହାଦ୍ୱାରା ମୋଟ ଭୋଟର ସଂଖ୍ୟା ୩୨,୭୭୯ରେ ପହଞ୍ଚତ୍ଛି। ୨୦୧୭ ନିର୍ବାଚନ ଫଳାଫଳ ଦେଖିଲେ ଜଣାଯାଏ, ଏହି ଜୋନ୍‌ରୁ କଂଗ୍ରେସ ପ୍ରାର୍ଥୀ ମହନି ଚରଣ ରାଉତଙ୍କୁ ୩୬.୪୩%, ବିଜେଡି ପ୍ରାର୍ଥୀ ରବୀନ୍ଦ୍ର କୁମାର ମହାପାତ୍ରଙ୍କୁ ୩୩.୯୨%, ଭାଜପାର ଅଶେଷ କୁମାର ଘୋଷଙ୍କୁ ୬.୧୨% ଭୋଟ ମିଳିଥିଲା।
ବାଲିକୁଦା ବ୍ଲକ ଅଞ୍ଚଳରେ ଆସନ୍ତା ୧୬ ତାରିଖରେ ପ୍ରଥମ ପର୍ଯ୍ୟାୟ ନିର୍ବାଚନ ହେବ। ଏଥିପାଇଁ ନେତାମାନେ ଚାପରେ ରହୁଛନ୍ତି। କଂଗ୍ରେସ ନେତା ତଥା ପୂର୍ବତନ ବିଧାୟକ ଲଲାଟେନ୍ଦୁ ମହାପାତ୍ର ୨୦୧୭ ନିର୍ବାଚନ ଫଳାଫଳ ଦୋହରାଇବାକୁ ଉଦ୍ୟମ କରୁଛନ୍ତି। ମାତ୍ର ବାଲିକୁଦା-ଏରସମା ବିଧାୟକ ତଥା ମନ୍ତ୍ରୀ ରଘୁନନ୍ଦନ ଦାସଙ୍କ ପାଇଁ ଦଳୀୟ ପ୍ରାର୍ଥୀଙ୍କୁ ଜିତାଇବା ଚ୍ୟାଲେଞ୍ଜ ସୃଷ୍ଟି କରିଛି। ଏଣେ ଦଳୀୟ ପ୍ରାର୍ଥୀଙ୍କୁ ଜିତାଇବାକୁ ଭାଜପା ମଧ୍ୟ ପୂରା ଦମ୍‌ ଲଗାଇ ଦେଇଛି। ତେଣୁ ଉଭୟ ଦଳର ନେତାମାନେ ନୂଆ ରଣନୀତି ଆପଣାଉଛନ୍ତି। ଏଥର କଂଗ୍ରେସରୁ ସ୍ବର୍ଣ୍ଣପ୍ରଭା ଭୋଳ, ବିଜେଡିରୁ ଡଲି ପଣ୍ଡା, ଭାଜପାରୁ ସସ୍ମିତା ସ୍ବାଇଁ ଓ ବିଏସ୍‌ପିରୁ ଗାୟତ୍ରୀ ରାଉତ ପ୍ରାର୍ଥୀ ହୋଇଛନ୍ତି। ଭାଜପା ପ୍ରାର୍ଥୀ ସ୍ବାଇଁ କହିଛନ୍ତି, ତାଙ୍କ ସ୍ବାମୀ ଶୁଭେନ୍ଦୁ ଭୋଳ କୃଷକ ସଙ୍ଗଠନର ଜଣେ ସକ୍ରିୟ କର୍ମକର୍ତ୍ତା। ଭୋଳ ଏହି ଜୋନ୍‌ ଅନ୍ତର୍ଗତ ସଂଗ୍ରାମପୁର ପଞ୍ଚାୟତର ସମିତିସଭ୍ୟ ଥିଲେ। ଅଳାବୋଳ ହେଉଛି ତାଙ୍କ ନିଜ ପଞ୍ଚାୟତ। ଜୋନ୍‌ର ଅଳାବୋଳ ଓ ଅରିଲୋ ପଞ୍ଚାୟତରୁ ଯଥେଷ୍ଟ ଅଧିକ ସମର୍ଥନ ମିଳୁଛି। ସ୍ଥାନୀୟ ସମସ୍ୟା ଓ ପୂର୍ବରୁ ହୋଇଥିବା ଦୁର୍ନୀତିକୁ ସେ ଅସ୍ତ୍ର କରିଛନ୍ତି। ସେ ନୂଆ ମୁହଁ ହୋଇଥିବାରୁ ବର୍ତ୍ତମାନ ସ୍ଥିତିରେ ତାଙ୍କ ସପକ୍ଷରେ ଜନମତ ଅଛି। ୫ଟି ପଞ୍ଚାୟତରେ ପ୍ରଚାର ସରିଥିବାବେଳେ ଅରିଲୋ ଓ କୃଷ୍ଣଦାସପୁରରେ ଖୁବ୍‌ଶୀଘ୍ର ବୁଲି ପ୍ରଚାର କରାଯିବ। ବିଜେଡିର ଗୋଷ୍ଠୀ କନ୍ଦଳ ତାଙ୍କୁ ସୁହାଉଥିବା ସ୍ବାଇଁ କହିଛନ୍ତି। କଂଗ୍ରେସ ନେତା ମହାପାତ୍ର କହିଛନ୍ତି, ଦଳର ସାଙ୍ଗଠନିକ କାର୍ଯ୍ୟ ଜୋରଦାର କରାଯାଇଛି। ଗତଥର କଂଗ୍ରେସ ସମର୍ଥନରେ ଗରାମ, ଇଚ୍ଛାପୁର ଓ କୃଷ୍ଣଦାସପୁର ସରପଞ୍ଚ ପ୍ରାର୍ଥୀମାନେ ଜିତିଥିଲେ। ସଂଗ୍ରାମପୁର ସମିତି ସଭ୍ୟ ପ୍ରାର୍ଥୀ ମଧ୍ୟ ବିଜୟୀ ହୋଇଥିଲେ। ସେମାନେ ଅଞ୍ଚଳର ଅନେକ ସମସ୍ୟାର ସମାଧାନ କରି ଦଳୀୟ ଭାବମୂର୍ତ୍ତି ଅକ୍ଷୁଣ୍ଣ ରଖିଛନ୍ତି। ଗତଥରର ଜିଲା ପରିଷଦ ସଭ୍ୟ ରାଉତ ନିରନ୍ତର ଭାବେ ଲୋକ ସମ୍ପର୍କରେ ଥିଲେ। ଅନ୍ୟପକ୍ଷେ ସମସ୍ତ ପଞ୍ଚାୟତରେ ବିଜେଡିରୁ ଏକାଧିକ ଅସନ୍ତୁଷ୍ଟ ପ୍ରାର୍ଥୀ ଥିବାରୁ କଂଗ୍ରେସ ସପକ୍ଷରେ ଜନମତ ଆସିବ। ଗରାମ, ଅରିଲୋ, ଇଚ୍ଛାପୁର, ସଂଗ୍ରାମପୁର ଓ କୃଷ୍ଣଦାସପୁର ପଞ୍ଚାୟତରେ ଅଧିକ ଭଲ ସ୍ଥିତି ରହିଥିବା ମହାପାତ୍ର କହିଛନ୍ତି। ବିଜେଡି ପ୍ରାର୍ଥୀ ପଣ୍ଡା କହିଛନ୍ତି, ୨୦୦୨ ନିର୍ବାଚନରେ ସେ ଜିଲା ପରିଷଦ ସଭ୍ୟା ଥିଲେ। ଗତଥର ତାଙ୍କ ସ୍ବାମୀ ମହାପାତ୍ର ଏହି ଜୋନ୍‌ରୁ ବିଜେଡି ପ୍ରାର୍ଥୀ ହୋଇଥିଲେ। ମୁଖ୍ୟମନ୍ତ୍ରୀଙ୍କ ଭାବମୂର୍ତ୍ତି, ବିଜେଡିର ସାଙ୍ଗଠନିକ କାମ ତାଙ୍କୁ ବେଶ୍‌ ସହାୟତା କରୁଛି। ସବୁ ପଞ୍ଚାୟତରେ ସମର୍ଥନ ବଢୁଥିବା ବେଳେ ଗରାମରେ ଅଧିକ ଭଲ ସ୍ଥିତି ଥିବା ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମାସ୍କ ନ ଥିଲେ ଦର୍ଶକଙ୍କୁ ବାରବାଟୀ ଷ୍ଟାଡିୟମ ମନା

କଟକ ଅଫିସ, ୧୦।୬: କଟକସ୍ଥିତ ବାରବାଟୀ ଷ୍ଟାଡିୟମରେ ଟି-୨୦ ମ୍ୟାଚ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ରବିବାର ଅନୁଷ୍ଠିତ ହେବ। ଏ ନେଇ କମିଶନରେଟ...

ଇଞ୍ଜିନରେ ତ୍ରୁଟି, ୫ ଘଣ୍ଟା ଅଟକିଲା ତପସ୍ବିନୀ: ପାଣି ନ ପାଇ ଯାତ୍ରୀ ହନ୍ତସନ୍ତ

ବଇଣ୍ଡା,୫।୧(ଡି.ଏନ.ଏ.) – ପୁରୀ-ହାଟିଆ ତପସ୍ବିନୀ ଏକ୍ସପ୍ରେସ ନଂ.୧୮୪୫୨ ଇଞ୍ଜିନରେ ତ୍ରୁଟି ଯୋଗୁ ଶନିବାର ଅନୁଗୋଳ ଓ ବାମୁର ଷ୍ଟେଶନରେ ଦୀର୍ଘ ୫ ଘଣ୍ଟା ଅଟକି ରହିଥିଲା।...

କେସିଙ୍ଗା ରେଳ ଫାଟକ ଅଣ୍ଡର ବ୍ରିଜ ନିର୍ମାଣ ଦାବି: ୩ୟ ଦିନରେ ଧାରଣା

କେସିଙ୍ଗା,୨୪।୧: କଳାହାଣ୍ଡି ଜିଲା କେସିଙ୍ଗା ସହର ନିକଟରେ ଥିବା ରେଳ ଫାଟକରେ ଅଣ୍ଡର ବ୍ରିଜ ନିର୍ମାଣ ଦାବିକୁ ନେଇ ଚାଲୁଥିବା ଗଣଧାରଣା ଶୁକ୍ରବାର ୩ୟ ଦିନରେ...

ପର୍ଯ୍ୟଟନ ପୀଠକୁ ପ୍ଲାଷ୍ଟିକ୍‌ ମୁକ୍ତ ପାଇଁ ପ୍ରୟାସ

ଖଣ୍ଡପଡା,୩୧ା୧୦(ସ୍ବ.ପ୍ର.): ଗୋକୁଳାନନ୍ଦ ଜୀଉ ପର୍ଯ୍ୟଟନ ପୀଠକୁ ପ୍ଲାଷ୍ଟିକ ମୁକ୍ତ କରିବା ପାଇଁ ସିଧାମୂଳା ଗୋକୁଳାନନ୍ଦ ଜୀଉ ସ୍ପୋଟର୍‌ସ ଆସୋସିଏଶନ ପକ୍ଷରୁ ପ୍ରୟାସ ଜାରିରହିଛି । ଅସୋସିଏଶନର...

ଖିରିସାହି ସମୁଦ୍ର କୂଳରେ ଆଣ୍ଡାମାନ ବୋଟ

କୃଷ୍ଣପ୍ରସାଦ, ୨୫।୧୦(ଡି.ଏନ୍‌.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକ ଖିରିସାହି ସମୁଦ୍ର କୂଳରେ ଆଣ୍ଡାମାନର ଏକ ବୋଟ ଲାଗିଛି। ବୋଟରେ ଥିବା ଜଣେ କର୍ମଚାରୀଙ୍କୁ ସ୍ଥାନୀୟ ଗ୍ରାମବାସୀ...

ଖଣି ଖାଦାନରେ କାମ କରୁଛି ଯନ୍ତ୍ର

ଯାଜପୁର ଅଫିସ,୮।୩: ଯାଜପୁର ଜିଲାର ଅଧିକାଂଶ ଖଣି ଖାଦାନରେ ଯନ୍ତ୍ର କାମ କରୁଛି। ଯାନ୍ତ୍ରିକ ବ୍ୟବହାର କାରଣରୁ ଜିଲାର ଖଣି ପ୍ରଭାବିତ ଅଞ୍ଚଳ ଲୋକେ କାମ...

୨ ବ୍ରାଉନସୁଗାର ବ୍ୟବସାୟୀ ଗିରଫ

ଯାଜପୁର ଟାଉନ,୧୨।୯(ଡିଏନଏ): ଯାଜପୁର ସହରରେ ଅନେକ ଯୁବକ ବ୍ରାଉନସୁଗାର ସେବନ କରୁଛନ୍ତି। ଏହି ସହରର ବିଭିନ୍ନ ମଠ, ମନ୍ଦିର ଓ ନଦୀପଠା ଆଦି ନିଛାଟିଆ ସ୍ଥାନରୁ...

ସମସ୍ୟାରେ ଅଟକିଛି ବାରିଝୋଲା ବିକାଶ

ରାୟଗଡ଼ା ଅଫିସ, ୨୦ା୧- ରାୟଗଡ଼ା ଜିଲା ସଦର ବ୍ଲକ୍‌ ହାଲୁଆ ପଞ୍ଚାୟତ ବାରିଝୋଲା ଗାଁରେ ଅନେକ ସମସ୍ୟା ଲାଗି ରହିଛି। ଦୀର୍ଘ ଦିନ ହେଲା ଶିକ୍ଷା,...

Advertisement
Archives

Model This Week