ନୟାଗଡ଼ ଅଫିସ,୨ା୨: ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ(ଡିଏଚ୍ଏଚ୍)ରୁ ପିଲା ଚୋରି ଅଭିଯୋଗ ହୋଇଛି। ଗତ ୨୮ ତାରିଖରେ ନୋତର ଗାଁର ରବୀନ୍ଦ୍ର ସ୍ବାଇଁଙ୍କ ସ୍ତ୍ରୀ ପ୍ରସବ ଯନ୍ତ୍ରଣା ପାଇଥିଲେ। ସେଠାରୁ ତାଙ୍କୁ ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ଆଣିଥିଲେ। ସେହିଦିନ ସକାଳ ୯ଟାରେ ତାଙ୍କର ଏକ ପୁତ୍ର ସନ୍ତାନ ଜନ୍ମ ହୋଇଥିଲା। ଅଭିଯୋଗ ମୁତାବକ ପ୍ରସୂତି ମହିଳାଙ୍କୁ ଜଣେ ନର୍ସ ଆସି ଟିକା ଦେବା ପାଇଁ ଛୁଆକୁ ମାଗି ନେଇଯାଇଥିଲେ। ବିଳମ୍ବ ହେବାରୁ ପ୍ରସ୍ତୁତି ଜଣକ ଖୋଜାଖୋଜି କରି ନୋତର ଗାଁକୁ ଯାଇଥିଲେ। ୩ ଦିନ ପରିବାର ଲୋକେ ଆସି ସମ୍ପୃକ୍ତ ନର୍ସକୁ ଖୋଜାଖୋଜି କରି ଘରକୁ ଫେରୁଥିଲେ। ଆଜି ଆସି ନୟାଗଡ଼ ମୁଖ୍ୟ ଚିକିତ୍ସାଳୟରେ ପ୍ରସ୍ତୁତି ମହିଳା କାନ୍ଦିବାରୁ କଥା ପ୍ରଘଟ ହୋଇଥିଲା। ଖବର ପାଇ ନୟାଗଡ଼ ଟାଉନ ଥାନା ପୋଲିସ ଆସି ପ୍ରସ୍ତୁତି ମହିଳା ଓ ସ୍ବାମୀଙ୍କୁ ପଚାରଉଚରା କରୁଛି । ଏହି ଘଟଣାକୁ ନେଇ ନୟାଗଡ଼ ସିଡିଏମ୍ଓ କହିଛନ୍ତି, ତଦନ୍ତ କରି ଘଟଣାର ସତ୍ୟାସତ ଉନ୍ମୋଚନ କରିବେ।
