ଛତ୍ରପୁର,୨୫।୯(ଡି.ଏନ.ଏ.): ଗଞ୍ଜାମ ଜିଲାର ପ୍ରମୁଖ ବ୍ରହ୍ମପୁର ସହର ପାଇଁ ନିର୍ମିତ ହଳଦିଆପଦର ନୂତନ ବସ୍ଷ୍ଟାଣ୍ଡ ଉଦ୍ଘାଟନ ପରଠାରୁ ହିଁ କାର୍ଯ୍ୟକ୍ଷମ ହୋଇନି । ଫଳରେ ବର୍ଷବର୍ଷ ଧରି ଉକ୍ତ ନୂତନ ବସ୍ଷ୍ଟାଣ୍ଡକୁ ବସ୍ ଯାଉ ନ ଥିବାବେଳେ ସେଠାରେ ଅସାମାଜିକ ବ୍ୟକ୍ତିଙ୍କ ଆଡ୍ଡାସ୍ଥଳୀ ହୋଇଛି। ଅପରପକ୍ଷରେ ଜିଲାର ସଦରମହକୁମା ଛତ୍ରପୁର ସହରରେ ନିର୍ମିତ ନୂତନ ବସ୍ଷ୍ଟାଣ୍ଡ ଉଦ୍ଘାଟନ ହେବାର ୬ ବର୍ଷ ପରେ ଗତ କିଛି ଦିନ ପୂର୍ବେ ଏହା ସାମାନ୍ୟ କାର୍ଯ୍ୟକ୍ଷମ ହୋଇଛି । ଏହାପରେ ବ୍ରହ୍ମପୁର ସହର ପାଇଁ ଉଦ୍ଦିଷ୍ଟ ହଳଦିଆପଦର ନୂତନ ବସ୍ଷ୍ଟାଣ୍ଡ କିଭଳି କାର୍ଯ୍ୟକ୍ଷମ ହେବ ସେ ଉପରେ ଜିଲା ପ୍ରଶାସନ ପଦକ୍ଷେପ ନେବାକୁ ତତ୍ପରତା ଦେଖାଇ ଗୁରୁତ୍ୱ ଦେଉଥିବା ଜଣାପଡିଛି ା ଉଭୟ ଛତ୍ରପୁର ଓ ହଳଦିଆପଦର ନୂତନ ବସ୍ଷ୍ଟାଣ୍ଡକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍ଘାଟନ କରିଥିଲେ। ବ୍ରହ୍ମପୁର ସହରକୁ ଦୈନିକ ୪୫୦ରୁ ଊର୍ଦ୍ଧ୍ୱ ବସ୍ ଯାତାୟାତ କରିଥାଏ। ହଳଦିଆପଦର ବସ୍ଷ୍ଟାଣ୍ଡକୁ ଯିବା ପାଇଁ ରାସ୍ତାର ଡିଜାଇନ୍ରେ ତ୍ରୁଟି ଯୋଗୁ ଉକ୍ତ ଅଞ୍ଚଳରେ ବାରମ୍ବାର ଦୁର୍ଘଟଣା ଘଟିଥିବା ନଜିର ରହିଛି ା ଯାହାକି ପ୍ରଶାସନ ମଧ୍ୟ ହଳଦିଆପଦର ନୂତନ ବସ୍ଷ୍ଟାଣ୍ଡ ଉଦ୍ଘାଟନ ପରଠାରୁ ହିଁ ସ୍ବୀକାର କରିଥିଲା। ରାସ୍ତା ଡିଜାଇନ୍ ଦର୍ଶାଇ ବସ ମାଲିକ ସଂଘ ଉକ୍ତ ଷ୍ଟାଣ୍ଡକୁ ବସ୍ ନେବା ଉଚିତ ମଣୁନାହିଁ ା ଅପରପକ୍ଷରେ ଛତ୍ରପୁର ନୂତନ ବସ୍ଷ୍ଟାଣ୍ଡ କାର୍ଯ୍ୟକ୍ଷମ ହୋଇଛି। ଏବେ ହଳଦିଆପଦର ନୂତନ ବସଷ୍ଟାଣ୍ଡ କାର୍ଯ୍ୟକ୍ଷମ ହେବା ଜରୁରୀ ରହିଥିବା ବ୍ରହ୍ମପୁର ଏମ୍ପି ତଥା ପାର୍ଲାମେଣ୍ଟ ସଦସ୍ୟସ୍ତରୀୟ ସଡକ ସୁରକ୍ଷା କମିଟି ଅଧ୍ୟକ୍ଷ ଚନ୍ଦ୍ରଶେଖର ସାହୁ କହିଛନ୍ତି ା କିଭଳି ଏହା କାର୍ଯ୍ୟକ୍ଷମ ହେବ ସେ ନେଇ ଜନପ୍ରତିନିଧି ଓ ପ୍ରଶାସନିକ ଏବଂ ପୋଲିସ ଅଧିକାରୀ ତାହା ଉପରେ ଗୁରୁତ୍ୱ ଦେଉଥିବା କୁହାଯାଇଛି। ହଳଦିଆପଦର ଫ୍ଲାଏ ଓଭର ନିର୍ମାଣ ହେଲେ ଏସବୁ ସମସ୍ୟା ସମାଧାନ ହେବା ସହ ସମସ୍ତ ବସ ଉକ୍ତ ଷ୍ଟାଣ୍ଡକୁ ଯାଇପାରିବ ା
ଆଉ ବ୍ରହ୍ମପୁର ସହରକୁ ଯିବନି ବୋଲି ଜଣାପଡିଛି ା ଟାଉନ ବସ୍ଗୁଡିକ ବ୍ରହ୍ମପୁର ସହର ଭିତରେ ଯାତାୟାତ କରିବ ା ଅନ୍ୟ ବସ୍ଗୁଡିକର ବିକଳ୍ପ ବ୍ୟବସ୍ଥା କରାଯିବ ା ବ୍ରହ୍ମପୁର ଏସ୍ପି ଓ ମହାନଗର ନିଗମ କମିଶନରଙ୍କୁ ଏହାର ଦାୟିତ୍ୱ ଦିଆଯାଇଛି ା ସବୁ ଷ୍ଟେକ୍ହୋଲଡରମାନଙ୍କ ସହ ଆଲୋଚନା କରି ଚୂଡାନ୍ତ ବ୍ୟବସ୍ଥା କରାଯିବ ବୋଲି ଜିଲାପାଳ
ଦିବ୍ୟଜ୍ୟୋତି ପରିଡା କହିଛନ୍ତି ା
