ମନ ଛୁଉଁଛି ମେଗା ଟିକାକରଣ

ଅନୁଗୋଳ ଅଫିସ, ୧୯ା୫ – ଅନୁଗୋଳ ଜିଲାର ବିଭିନ୍ନ ସରକାରୀ ସ୍ବାସ୍ଥ୍ୟକେନ୍ଦ୍ରରେ କୋଭିଡ୍‌ ଟିକା ପ୍ରଦାନ କରାଯାଉଥିଲେ ମଧ୍ୟ ଜିଲା ପ୍ରଶାସନ ପକ୍ଷରୁ ଅନୁଗୋଳ ଷ୍ଟାଡିୟମ୍‌ଠାରେ ମେଗା ଟିକାକରଣ କାର୍ଯ୍ୟକ୍ରମ ଆୟୋଜନ କରାଯାଇଛି। ଟିକା ନେବାକୁ ଆସୁଥିବା ଜିଲାବାସୀଙ୍କୁ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ଜଣାଇବାକୁ ଏଠାରେ ଏଲ୍‌ଇଡି ସ୍କ୍ରିନ୍‌ ବ୍ୟବସ୍ଥା ହୋଇଛି। ବସିବା ପାଇଁ ସ୍ବତନ୍ତ୍ର କୋଠରି ସହ ପଙ୍ଖା, କୁଲର ଓ ପାନୀୟ ଜଳ ଯୋଗାଇ ଦିଆଯାଉଛି। ଏହି ଆୟୋଜନ ଲୋକଙ୍କ ମନ ଛୁଉଁଥିବାବେଳେ ଷ୍ଟାଡିୟମ ପରିସରରେ ଏକ ସେଲ୍‌ଫି ପଏଣ୍ଟ ନିର୍ମାଣ କରାଯାଉଛି। ଟିକା ନେଉଥିବା ବ୍ୟକ୍ତି ଏହି ସେଲ୍‌ଫି ପଏଣ୍ଟରେ ଫଟୋ ଉଠାଇ ଏହାକୁ ଅଧିକ ସ୍ମରଣୀୟ କରିପାରିବେ। ରାଜ୍ୟରେ ପ୍ରଥମ କରି ଅନୁଗୋଳ ଜିଲା ପକ୍ଷରୁ କରାଯାଇଥିବା ଏପରି ଆୟୋଜନକୁ ସହରବାସୀ ପ୍ରଶଂସା କରିଛନ୍ତି।
ଅନୁଗୋଳ ଜିଲା ପ୍ରଶାସନ ଓ ପୌର ପ୍ରଶାସନର ମିଳିତ ଉଦ୍ୟମରେ ଷ୍ଟାଡିୟମରେ ମଙ୍ଗଳବାରଠାରୁ ଆରମ୍ଭ ହୋଇଥିବା ଏହି ମେଗା ଟିକାକରଣ କାର୍ଯ୍ୟକ୍ରମରେ ୧୩ଶହ ଲୋକଙ୍କ ଟିକାକରଣ କରାଯାଇଛି। ମୋଟ୍‌ ୮ଟି କାଉଣ୍ଟର ଖୋଲାଯାଇଥିବାବେଳେ ଗହଳି ଏଡ଼ାଇବାକୁ ବ୍ୟାପକ ବନ୍ଦୋବସ୍ତ କରାଯାଇଛି। ଟିକା ନେବାକୁ ଆସୁଥିବା ବ୍ୟକ୍ତିଙ୍କୁ ପୌର ପ୍ରଶାସନ ପକ୍ଷରୁ ଟୋକନ ବ୍ୟବସ୍ଥା କରାଯାଇ ଶୃଙ୍ଖଳିତ ଢଙ୍ଗରେ ଟିକା ପ୍ରଦାନ କରାଯାଉଛି। ସକାଳ ୮ଟାରୁ ୧୨ଟା ଯାଏ ଟୋକନଧାରୀଙ୍କୁ ଟିକା ଦିଆଯାଉଛି। ଗ୍ରୀଷ୍ମ ଦାଉରୁ ଲୋକଙ୍କୁ ରକ୍ଷା କରିବା ପାଇଁ ପ୍ରତୀକ୍ଷାଳୟରେ ଫ୍ୟାନ୍‌ ଓ କୁଲର ବ୍ୟବସ୍ଥା କରାଯାଇଛି। ବିଶୁଦ୍ଧ ପାନୀୟ ଜଳର ବନ୍ଦୋବସ୍ତ ରହିଛି। ଜିଲାର ବିଭିନ୍ନ ଉନ୍ନୟନମୂଳକ କାର୍ଯ୍ୟ ସହ ସରକାରଙ୍କ ଯୋଜନାଗୁଡ଼ିକ ସମ୍ପର୍କରେ ଲୋକଙ୍କୁ ସଚେତନ କରିବାକୁ ଏଲ୍‌ଇଡି ମାଧ୍ୟମରେ ପ୍ରଦର୍ଶିତ କରାଯାଉଛି। ଭିନ୍ନକ୍ଷମଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଥିବାବେଳେ ବୃଦ୍ଧାବୃଦ୍ଧଙ୍କୁ ଗେଟ୍‌ ନିକଟରୁ ପ୍ରତୀକ୍ଷାଳୟ ଯାଏ ସ୍ବତନ୍ତ୍ର ଗାଡ଼ିରେ ଅଣାଯାଉଛି। ଟିକା ଅଭାବରୁ ଏହି ମେଗା ଆୟୋଜନ ଯେପରି ବନ୍ଦ ନ ହେବ ସେଥିପାଇଁ ପ୍ରଶାସନ ପକ୍ଷରୁ ସ୍ବତନ୍ତ୍ର ପଦକ୍ଷେପ ନିଆଯାଇଛି। ଶୃଙ୍ଖଳିତ ଢଙ୍ଗରେ ଟିକାକରଣ ନିମନ୍ତେ ଅନୁଗୋଳ ପୋଲିସର ୧୨ ଜଣ ଅଧିକାରୀଙ୍କ ସହ ୨ ପ୍ଲାଟୁ୍‌ନ୍‌ ଫୋର୍ସ ମୁତୟନ କରାଯାଇଛି। ଜିଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ, ଏସ୍‌ପି ଜଗମୋହନ ମୀନା, ଆଡିସନାଲ ଏସ୍‌ପି ପ୍ରସନ୍ନ ବିଶ୍ୱଳ, ଉପଜିଲାପାଳ ବାସୁଦେବ ଶତପଥୀ, ପୌର ନିର୍ବାହୀ ଅଧିକାରୀ ଗିରିଜା ଶଙ୍କର ମଲ୍ଲିକ, ଅନୁଗୋଳ ଥାନା ଅଧିକାରୀ ରମେଶ ଚନ୍ଦ୍ର ବିଶୋଇ ପ୍ରମୁଖ ଟିକାକରଣ କେନ୍ଦ୍ର ପରିଦର୍ଶନ କରିଛନ୍ତି।
ତାଳଚେରରେ ହେବ ଡ୍ରାଇଭ୍‌ ଇନ୍‌ ଭାକ୍ସିନ୍‌
ଅନୁଗୋଳ ଜିଲା ତାଳଚେର ପୌରାଞ୍ଚଳରେ ଡ୍ରାଇଭ୍‌ ଇନ୍‌ ଭାକ୍ସିନ୍‌ ବ୍ୟବସ୍ଥା କରାଯିବ। ଏ ନେଇ ତାଳଚେର ପୌରପ୍ରଶାସନ ପକ୍ଷରୁ ସଜବାଜ ଆରମ୍ଭ ହୋଇଛି। ଜିଲାପାଳଙ୍କ ନିର୍ଦ୍ଦେଶକ୍ରମେ ତାଳଚେରରେ ଏଭଳି ବ୍ୟବସ୍ଥା କରାଯାଉଥିବା ସୂଚନା ମିଳିଛି। ଗୁରୁବାର ଠାରୁ ତାଳଚେର ସ୍ବୟଂଶାସିତ ମହାବିଦ୍ୟାଳୟ ପଡ଼ିଆରେ ଏହି ଡ୍ରାଇଭ୍‌ ଇନ୍‌ ଭାକ୍ସିନ୍‌ ବ୍ୟବସ୍ଥା ଆରମ୍ଭ ହେବ। ନିଜସ୍ବ ଗାଡ଼ିରେ ଆସିଥିବା ଲୋକମାନଙ୍କୁ ସେହି ଗାଡ଼ି ମଧ୍ୟରେ ହିଁ ଟିକା ଦିଆଯିବ। ଏଥିପାଇଁ ୪ଟି କାଉଣ୍ଟର କରାଯିବ। ଗାଡ଼ି ପଡ଼ିଆ ଭିତରକୁ ପ୍ରବେଶ କରିବା ମାତ୍ରେ ସ୍ବାସ୍ଥ୍ୟକର୍ମୀ ଆସି ଟିକା ପ୍ରଦାନ କରିବେ। ଭଡ଼ା ଗାଡ଼ିରେ ଆସିଲେ ପଡ଼ିଆକୁ ପ୍ରବେଶ କରିବାକୁ ଦିଆଯିବ ନାହିଁ ବୋଲି ଜିଲା ପ୍ରଶାସନ ପକ୍ଷରୁ କୁହାଯାଇଛି। ଏଥିପାଇଁ ପଞ୍ଜୀକରଣ କରାଯାଇଥିବା ଆବଶ୍ୟକ। ଏହାଦ୍ୱାରା ଗହଳି କମିବା ସହ ଭିଡ଼ ନିୟନ୍ତ୍ରଣ ହୋଇପାରିବ ବୋଲି ପ୍ରଶାସନ ପକ୍ଷରୁ କୁହାଯାଇଛି।

ଟିକାକରଣ ସହ ଟେଷ୍ଟିଂ ବଢ଼ାଯିବ
ପ୍ରତି ବ୍ଲକକୁ ପୂର୍ବରୁ ଯେପରି ଟିକା ପ୍ରଦାନ କରାଯାଉଥିଲା ତାହା ଜାରିରହିବ। ଟିକାର ଉପଲବ୍ଧତାକୁ ଦୃଷ୍ଟିରେ ରଖି ଏଠାରେ ଦୈନିକ ହଜାରେ ଲୋକଙ୍କୁ ଟିକାଦାନ କରାଯିବାର ଲକ୍ଷ୍ୟ ରଖାଯାଇଛି। ଡ୍ରାଇଭ୍‌ ଇନ୍‌ ଭ୍ୟାକ୍ସିନ ପାଇଁ ସ୍ବତନ୍ତ୍ର ଭାବେ ଟିକା ଗଚ୍ଛିତ ରଖାଯାଇଛି। ଜିଲାରେ ଟେଷ୍ଟ ବଢ଼ାଇବାକୁ ସରକାରଙ୍କୁ ଅଢ଼େଇ ଲକ୍ଷ କିଟ୍‌ ମଗାଯାଇଛି।
-ସିଦ୍ଧାର୍ଥ ଶଙ୍କର ସ୍ବାଇଁ, ଜିଲାପାଳ
ପ୍ରଶାସନର ଅଭିନବ ପ୍ରୟାସ
ଜିଲା ପ୍ରଶାସନର ଏପରି ଅଭିନବ ପ୍ରୟାସ ରାଜ୍ୟରେ ପ୍ରଥମ ବୋଲି କୁହାଯାଉଛି। ଏହି କେନ୍ଦ୍ରରେ ଶୃଙ୍ଖଳିତ ଢଙ୍ଗରେ ଟିକାଦାନ କରାଯାଉଛି। ଫଳରେ ଟିକା ନେବାକୁ ଲୋକଙ୍କ ମଧ୍ୟରେ ଆଗ୍ରହ ଦେଖାଦେବ। ଏଭଳି କାର୍ଯ୍ୟକ୍ରମ ବିଭିନ୍ନ ସ୍ଥାନରେ କରାଗଲେ ଜିଲାର ସମସ୍ତ ଲୋକ ସୁବିଧାରେ ଓ ଶୀଘ୍ର ଟିକା ପାଇପାରିବେ।
-ମିନତି ପ୍ରଧାନ, ଅନୁଗୋଳ
ସଂକ୍ରମଣ ଭୟ ଦୂର ହେଉଛି
ବିଭିନ୍ନ ସ୍ବାସ୍ଥ୍ୟକେନ୍ଦ୍ରରେ ଟିକା ଦିଆଯାଉଥିଲେ ମଧ୍ୟ ସେଠାରେ ଭିଡ଼ ପରିଲକ୍ଷିତ ହେଉଥିଲା। ତେଣୁ ଘଣ୍ଟା ଘଣ୍ଟା ଧରି ଧାଡ଼ିରେ ଠିଆ ହୋଇ ଟିକା ନେବାବେଳେ ସଂକ୍ରମଣ ଆଶଙ୍କା ଦେଖାଦେଉଥିଲା। ତେବେ ଷ୍ଟାଡିୟମରେ କରାଯାଇଥିବା ଏହି ମେଗା ଟିକାକରଣ ଆୟୋଜନକୁ ଦେଖିଲେ ମନରୁ ସଂକ୍ରମଣ ଭୟ ଦୂର ହୋଇଯିବ।
-ସତ୍ୟନାରାୟଣ ନାୟକ, ବ୍ୟାଙ୍କ କର୍ମଚାରୀ
ଅଧିକ ଫ୍ୟାନ, କୁଲର ବ୍ୟବସ୍ଥା ହେଉ
ଅନୁଗୋଳ ଷ୍ଟାଡିୟମରେ ଅତି ଶୃଙ୍ଖଳିତ ବ୍ୟବସ୍ଥା ମଧ୍ୟରେ ଟିକାକରଣ କରାଯାଉଛି। ଟୋକନଧାରୀ ଲୋକଙ୍କ ବସିବା ଠାରୁ ଆରମ୍ଭ କରି ସେଲ୍‌ଫି ଉଠାଇବା ପର୍ଯ୍ୟନ୍ତ ପ୍ରତିଟି କାର୍ଯ୍ୟକ୍ରମ ଲୋକଙ୍କ ମନକୁ ପାଉଛି। ତେବେ ଗ୍ରୀଷ୍ମ ପ୍ରବାହ ଜାରିରହିଥିବାରୁ ସେଠାରେ ଅଧିକ ଫ୍ୟାନ୍‌ ଓ କୁଲର ବ୍ୟବସ୍ଥା କରାଗଲେ ଭଲ ହୁଅନ୍ତା।
-ପ୍ରୀତିପରମିତା ନନ୍ଦ, ଅନୁଗୋଳ
ଜିଲାବାସୀ ଏଠାରେ ଟିକା ନେଇପାରିବେ
ଟିକା ଅଭାବ କାରଣରୁ ବିଭିନ୍ନ ସ୍ବାସ୍ଥ୍ୟକେନ୍ଦ୍ରରେ ଟିକାଦାନ ପ୍ରକ୍ରିୟା ବାଧାପ୍ରାପ୍ତ ହେଉଛି। ତେଣୁ ଜିଲାର କୋଣ ଅନୁଗୋଳରୁ ଆସୁଥିବା ଲୋକଙ୍କୁ ଏଠାରେ ଟିକା ଦିଆଯାଇପାରିବ। ସେଥିପାଇଁ ପ୍ରଶାସନ ପକ୍ଷରୁ ଏପରି ମେଗା କାର୍ଯ୍ୟକ୍ରମ ହାତକୁ ନିଆଯାଇଛି। ଅଯଥାରେ ଗହଳି ନ କରି ଟିକା ନେବାକୁ ଅନୁରୋଧ।
-ଗିରିଜା ଶଙ୍କର ମଲ୍ଲିକ, ପୌର ନିର୍ବାହୀ ଅଧିକାରୀ


Enter your email to get our daily news in your inbox.

All Right Reserved By Dharitri.Com

୧୫୨ ନଂ. କରୋନା ଆକ୍ରାନ୍ତଙ୍କ ଟ୍ରାଭେଲ ହିଷ୍ଟ୍ରି ପ୍ରକାଶ: ସାଙ୍ଗସାଥୀଙ୍କ ସହିତ ଖେଳିଛନ୍ତି ତାସ୍‌, କ୍ରିକେଟ୍‌

ରତ୍ନଗିରି,୩ା୫(ଡି.ଏନ୍‌.ଏ.): ଯାଜପୁର ଜିଲା ବରୀ ବ୍ଲକ ଅଧିନସ୍ଥ କଳାମାଟିଆ ପଞ୍ଚାୟତରେ ୧ ତାରିଖରେ ଚିହ୍ନଟ ହୋଇଥିବା ୧୫୨ ନଂ. କରୋନା ସଂକ୍ରମିତ ୨୮ ବର୍ଷୀୟ ଯୁବକଙ୍କ...

ପଥରରେ ଛେଚି ସାଙ୍ଗକୁ ହତ୍ୟା କଲା ସାଙ୍ଗ

ଜୟପୁର, ୨୧ା୨: ଜୟପୁର ସହରରେ ଜଣେ ଯୁବକଙ୍କୁ ପଥରରେ ଛେଚି ହତ୍ୟା କରାଯାଇଛି। ମୃତକ ହେଲେ ଜୟପୁର ଗୌଡସାହି ନିକଟସ୍ଥ ମାଳିସାହିର ଚନ୍ଦ୍ର ପରଜା। ମିଳିଥିବା...

ଅନିଶ୍ଚିତତାରେ ପୋଲସରା ନୂତନ ବସଷ୍ଟାଣ୍ଡ

ପୋଲସରା,୯|୩(ଡି.ଏନ.ଏ.) – ଗଞ୍ଜାମ ଜିଲା ପୋଲସରା ସହର ମଧ୍ୟରେ ରହିଥିବା ବସଷ୍ଟାଣ୍ଡର ଆଧୁନିକୀକରଣ ଲାଗି ରାଜ୍ୟ ସରକାର ୫ କୋଟି ଟଙ୍କା ବ୍ୟୟବରାଦ କରିଥିଲେ। ୨୦୧୭ରେ...

ବେଧଡ଼କ ଚାଲିଛେ ଦାଦନ ଶ୍ରମିକ ଚାଲାନ: ଲଗାମ୍‌ କସ୍‌ବାରେ ପରଶାସନ ବିଫଲ

ଲାଠୋର, ୬ା୧(ଡି.ଏନ୍‌.ଏ.)- ରାଏଜ୍‌ ସରକାର ଦାଦନ ସମସିଆ ସଂଗେ ଯୁଝବାର ଲାଗି ଅନେକ୍‌ ଯୋଜନା କାଯ୍‌କାରୀ କରୁଛନ୍‌। ହେଲେ ଅନେକ ଜାଗାରେ ହକ୍‌ଦାର ହିତାଧିକାରୀ ସରକାରୀ...

କଂଗ୍ରେସର ରୋଡ୍‌ ଶୋ: ଷ୍ଟାର ପ୍ରଚାରକ ସାମିଲ

ଝାରସୁଗୁଡ଼ା ଅଫିସ,୨୪ା୫: ବ୍ରଜରାଜନଗର ଉପନିର୍ବାଚନ ଯେତିକି ପାଖେଇ ଆସୁଛି ବିଭିନ୍ନ ଦଳର ପ୍ରଚାର ସେତିକି ଜୋର ଧରିବାରେ ଲାଗିଛି। କଂଗ୍ରେସର ଷ୍ଟାର ପ୍ରଚାରକମାନେ ଦଳୀୟ ପ୍ରାର୍ଥୀ...

ସ୍ବାଧୀନତା ଦିବସରେ କୋଭିଡ୍‌ ଯୋଦ୍ଧା ସମ୍ମାନିତ

ଜୟପୁର,୧୫।୮(ନି.ପ୍ର.): କରୋନା କଟକଣାରେ ଜୟପୁରରେ ୭୫ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ସ୍ଥାନୀୟ ବସ୍‌ଷ୍ଟାଣ୍ଡ ନିକଟରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଉପଜିଲାପାଳ ହେମାକାନ୍ତ ସୟ...

କଟକ ସହରରେ ଥମିବାର ନାଁ ନେଉନି କରୋନା ଆକ୍ରାନ୍ତଙ୍କ ସଂଖ୍ୟା: ପୁଣି ୧୬ ପଜିଟିଭ୍‌ ଚିହ୍ନଟ

କଟକ ଅଫିସ,୧୩।୭: କଟକ ସହରରୁ ସୋମବାର ଆଉ ୧୬ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ୬ ଜଣ ଇନ୍‌ଷ୍ଟିଚ୍ୟୁଶନାଲ କ୍ୱାରାଣ୍ଟାଇନ୍‌ରେ ଥିବାବେଳେ ୨ ଜଣ...

ନାବାଳିକାଙ୍କୁ ବଳାତ୍କାର ଅଭିଯୋଗରେ ୨ ଜଣଙ୍କୁ ଆଜୀବନ କାରାଦଣ୍ଡ

କେନ୍ଦୁଝର, ୨୩ା୧୧(ସ୍ବ.ପ୍ର.): କେନ୍ଦୁଝର ଜିଲା ଯୋଡା ଥାନା ଅଞ୍ଚଳରେ ଜଣେ ନାବାଳିକାକୁ ଗଣବଳାତ୍କାର କରିବା ଘଟଣାରେ ଅତିରିକ୍ତ ଜିଲା ଜଜ୍‌ ଓ ସ୍ବତନ୍ତ୍ର ଜଜ୍‌ ଲୋକନାଥ...

Advertisement
Archives

Model This Week